¹ Akalehehi na Yerusalema, na betefaze na betania, mpala ya mutenta wa mizetuni, ibyatuma babidi babalenda, ² Akubasakwila : mweende kulubaasa luumpala yeenu; hamumutwela mumumaana mutuumba wa punda mushichikwe, muntu kalewakumubaanda; mumushituule muntwaadile nage. ³ Hiitu giimo a kusaamba : mukulu wa bakulu inagee lazima. ⁴ Bamulonda, ibyabageenda, bamubaanga punda mushichikwe hamoya heehina kiibi, kulukondo lwashiinda ibyamushitula. ⁵ Baangi bawelele hankashiyaabo bakwila : mwafuta biini beebya ? nkiini kyamwashitu itwila wa punda ? ⁶ Ibyalunga bilee booya Yesu. ibyabakubake kwenda. ⁷ Ibyabaya kwa Yesu na punda, ibyabaya mpala Yesu ibyaboya naage mmangubu haagulu yaage ibyashagalala haagulu. ⁸ Bantu bawelele ibyabasha mangubu, mushiinda baangi matabi haashi a gaahaleseka ku mafuba. ⁹ Bantu balempala yaage nabakumuyeya ibya baatulula iyu : Hosana atuluke aage waaya kushina dia fidi. ¹⁰ Bwayi nunuke bukatabwabakata, bwaaya ku shina dia sheutu Daudi, hosana haagulu. ¹¹ Ibyatuela Yerusalem munda ya shibo ya fidi ibyatala nkanda, nkanda wakumana bibufuku bwa yila, ibyaatwika akwenda Betania hamuhonka na kumi na babili. ¹² Mpakambaa lukeela, abatwika betania lehusha sala. ¹³ Amana kuleehe muchiwa mabishi; ibyagenda hiitu hiitu imupata kintu hagulu hagulu yaage; haafikakyamana kintu go mabishi kakulekipindi kya bikuba. ¹⁴ Ibyalunga, ibyakubasakwila kwaage : milele, muntu kakudia monkabikuba koobe ! Malonda baage ibyahusha. ¹⁵ ibyabafika Yerusalema, ibyatwela hekaluni, abanga kuyeba bantu balehotesha na kugula munda ya hekalu; na kufulula meza ya balehingulula falanga na bichi na nkudimba; ¹⁶ Kaleleka kintu nankiimo munda ya hekalu. ¹⁷ Ibyabafundisha, kayigandikwe : shiiba yami yimukolwa shibo ya maombi na mataifa gooso ? baanu mukuyita baluuba lwa batomboshi. ¹⁸ Bakulu bamakohani na bagandishi hahahusha ibyabakeba kumukuata bamuyahage, balechina kiiyi kile bantu bawelele. ¹⁹ Haamana bufuku bwayila ibyatuka kulolwa lubaasa. ²⁰ Lukeela aabo mukukila, ibyabana muchiwa yuma na mishi. ²¹ Petro ibyakumbuka, ibyamusakwila : mwadimu muchi goolelani wa wayuma. ²² Yesu ibyalunga, akubasakwila : mwamini fidi. ²³ Mukabukusamba na mutenta gugu : katuka, kasumbule mu lwalaba yiikabukishi ka kwaage. ²⁴ Kwasababu ya mianda, nakubasakwila baani, booso byamumukeba bimuteebwa wa maombi, hitumuamini numuutombula, yimuyaka na kwenu. ²⁵ Mwayamana kuomba hitu muna muanda na muntu, mumusamee; na shienu byo himukubasamee makosa yenu. ²⁶ hiitu baanu kumumusamee sheenu kamukubasamee makosa geenu. ²⁷ Ibyabafika monkaa Yerusalema haleshimuka muunda ya hekalu, bakulu bama kohani, na bagandishi, na banunu balemugila. ²⁸ Bamuyuhusha : kwayuni utaashi kolimukuta yii mianda ? ²⁹ Yesu akubasakwila nimukuba yuusha byo baanu mwanda humuhonka, hitu mwanunga, nimukubasakwila byoonka kwa utaashi wanimukuta biibi. ³⁰ Ubatizo wa Yoana guletukila binguni ao ku bantu ? munuunge. ³¹ Ibya abata mpaka, twabaya bi mbinguni, kwakini twaboya bi mbinguni. imulunga bibikobyamushile mwamini ? ³² Twaboya : kubantu-bachina kiiyi sababu booso baleyuka Yoane ni nabii. ³³ Ibyabamulunga Yesu, ibyababoya : katubayuike. Yesu akubasakwila : gaami byoonka shimukubasakwila kwa utaashi wanimukuta yii mianda.