¹ Yesu lebanga kubasakwila mukasonga. Muntu gimo lekuta fuba diage dya miwabibu. Hahungulusha lupango akuta luiji hakachi; alekambantu bakashi ibiangenda. ² Kiwa kya mavuno kyakumbana, amutuma muntu wakashi bamutwadile mpende ya fuba. ³ Bo bantu bafuba bamukwata, bamututa bamutusha agaluka maboko bulele. ⁴ Lekubatumina gingi bantu biobileebya, bale muhuula bibihe ku mutwe. ⁵ Letuma wakasatu, balemuta byo byembya na kusoba. ⁶ Letuma mwana wage mwine bibi hutu bamumana bamuchima bu mwana wami. ⁷ Habamana mwana wage baboya gigi ipyana wa bintu bya shage; tumuyahage bintu bimushagala byetu. ⁸ bamukwata bayahaga basumbula mkanda ya fuba ya mizabibu. ⁹ Mwine wa fuba imukuta bini? imukuya kulumbakanya baso kubatusha mu fubakubabila bangi bandu fuba. ¹⁰ Kamule husha mwana gule aandiko: yibwe bale sumbula kadi dyamudimo; ¹¹ mwanda watuka kwa mukulu wa bakulu kumeso kukata? ¹² Balekeba kumukwata belechuina kinyi kya bantu. Balemana Yesu hutu baboya imukuyela abobene ihaba genda kwabo. ¹³ Baletuma kwa Yesu bafarisayo na ba herodiya bamukwate ku mianda yage. ¹⁴ Na balefika beleboya: Mwalimu twa yuka gobe umula ya bilegele kumutala lukebwe lwa muntu kumuchima kintu; amulangisha mwanda wa Fidi kulonda haki. Bilegele kulambula kwa fumu tulambule kwa Kaizari? ¹⁵ Tukakufuta ao kakikufuta? Yesu haleyuka mashi yabo bubele baboya kakini mwayuhusha kwa bubembe mutwa falanga. ¹⁶ Bamutwadila falanga ayuhusha: mpuluku na magandiko ga nani? Ya Kaizari bamusakwila. ¹⁷ Yesu abasakwila mumwabile Kaizari ya Kaizari na Fidi ya Fidi. Boso bobe kamuyaa saana. ¹⁸ Basadukayo, bamugila babaya bantu bakusamba kaku kufufuka, baya kwa Yesu bamuyuhusha: ¹⁹ Mwalimu, Musa lekusamba: hutu dukuyoba akufa aleka mukashi keletanda mwana nduku yage imuyata mukeshi amutandile mwana. ²⁰ Bantu musambo gino ayata mukashi akufa keletanda. ²¹ Wakabidi leyata mukashi naage lekufa kaheleleka mwana, wa kasatu byobebya, ²² na boso musambo kabaleleke mwana nage mukashi lekufa. ²³ Hoha habamufufu boso musambo gee mukashi imuyakano wa nani? ²⁴ Yesu akubasakwila: kamuleyuka magandiko yage mukokoso wa Fidi. ²⁵ hoha hakufufuka kakukusela kuselulwa boso bamuyakana bu bamalaika mu mbingu. ²⁶ Na mwanda wa bantu kufufuka kamu soma kitabu kya Musa, kihindi bibi Fidi biboya, gami fidi wa Abrahamu na Fidi wa Isaka na Fidi wa Yakobo? ²⁷ Fidi ka Fidi wabafu ni Fidi wa bashima. ²⁸ Gimo wa baandishi ashesha hehi yaba sadukayo ayuhusha amri yikata kukila yoso ya kini? ²⁹ Yesu akubalunga muhushe, Israeli, Bwana, Fidi wetu Bwana gimo; ³⁰ na: ufule Bwana Fidi gobe, kwa chima diobe dioso na kikuba kyobe, na lukani loso, na ngufu yobe yoso. ³¹ Ya kabidi iyiyi mufule muntu ihalukonda kakuyindi kukila yeyi. ³² Mugandishi amusakwila: Mwalimu; aboya byabumi Fidi gimugyoka, kakugingi age mwine, ³³ mufule age kwa chima yoso, na kwa lukani lobe loso, na ngufu yoso, fula muntu goso ihehi nobe yakila sadaka yoso. ³⁴ Yesu, aluga nalukani, amusakwila: gobe kukulehe na ufalume wa Fidi. Kakuletuka muntu wakuyusha mwanda. ³⁵ Yesu, alunga lefundi mu shibo ya Fidi, aboya: Kwakini bagandishi baboya Kristo mwana wa Daudi? ³⁶ Daudi mwine, leboya kwa mukokoso wa Fidi, Bwna lemusakwila, Bwana wami shogalal kumboko yami ya mulume mpaka, mpaka nite aduyi goobe mushi ya mukoolo yobe. ³⁷ Dudi mwine lemukola Bwana, gegwa imwana wage bini? kiyi kyoso kya muhusha. ³⁸ Hakachi yakuboya kwage leboya: mutale bangandishi bamupenda kushimukana mangubo galehe kushikikena mukituka; ³⁹ bamuyekana hampala mu bibanda na hampala ga kiyi kwa bantu. ⁴⁰ Bamukula mushiba ya bafilwe, na muma dini yabo bamulomba malombe malehe. Baba bamukusa hukumu yihata. ⁴¹ Yesu leshagalala, hehi ya sanduku ya kutidila makuta. Tala kiyi bamakuta musandiki bana bitu bakuta makuta kaka kaka. ⁴² Muka shana gimo mufilwa, lekuya na dinari yibidi, akuta mu sanduku. ⁴³ Yesu, akola na bantu bage, abalangisha gi mukashana; ⁴⁴ kwakumana baboso bakuta bintu bia kubakila gi mukashi akuta yoso yalenayo.