¹ Ta mbile elangi ei ouwisa Isalaele, bobe bo Efalaima basomi ba Samaliya batoenena, lokambo baosila okela la lilimbi: La boiba koya, la likama li biba baomeyana lousa. ² Baitoenyela ta betema bibo mbo lotomoilela bobe wibo lisiyo ango limoibobe wibo, la yamo yoko bobe wibo bo'olingila bo, bambe felo ii baiso bange. ³ Basiomalisa bokota ta bofoka bo bakuwa bibo ba bobe, la baemaeli la lomboli. ⁴ Bo atotina baito ba belefe, bofono bo ngbaka embe la imbee ii litundulundu: Kanda emoi la bolambi bo bekati atotika lofitcho imbee ko mbile ee bekati bembobelaka. ⁵ Ta lisiyo li bokota wiso, baemaeli batokpa la bemusi beloteliso lomoi la bana; kwani bokota bokonyanyola bao ta baito ba ikeki. ⁶ Botema bibo biokomanyomo kanda emoi la ngbaka eotumbela bekati, botumbi bo bekati kokpa ilo lotiyo; la nongo ye koena ngoni itotina ikaosila fe la lolame lo imbee. ⁷ Bambe bo atotina kee imbe ii litundulundu. La basi'ita basambisi bibo; bekota bibo besiukowa: Ango amoi aikatutei ale. ⁸ Efalaima asiotakana ta befindi, ambe bofono boi kee bokati we boikikoi. ⁹ Beenda baomela bofoka winde, kwani aiti la fiye; inunu iyoyaambe ye, ndoena fiye. ¹⁰ Lofofo lo Isalaele lototomoisa bongaeli wibo, baitoinowa ambe Mungu, Mungu ibo, la baitoluka ye, lamba itotina yoko. ¹¹ Efelaima imbe kee bofono bo lifita lieiti la litina, ndoena weli; batoenyelisa ete ta Ejipito, la yeme isiya. ¹² Lousa, lototela bo botambo bo wengo, lotokesa la mangu kanda emoi la mangu ii noli ye ii lobola, loto'okisa bo soni, bofono lobeisaka libo ta esondjamanelo. ¹³ Ngandi libo, lokambo baoka esika lange! Lilo libo, li lilimbi li loengano! Loingo sunga libo, kwani batobekelei la baoi ba lolanga. ¹⁴ Baito mamakaka ambei ta bawawi bibo, ango ongoma batoenyelisa likama loka libo; batosondjamana loka lo'oanyab bakokela miwiti; la baoka esika lange. ¹⁵ La lowanyo lisomi liosaya libo, lokaafa libo bofoka, kani batobeka likama bobe loka lange. ¹⁶ Yeiti ta ono angali ta lobola? Bambe kanda emoi kee lokembe lo lokoko lombe ta lolame. Baemaeli bibo batongba la bopanga, loka lotchango loluwo la benoko bibo. Yamo yoko lo'osela libo kee leka loiti la litina ta wenda bo ba Ejipito.