¹ Mungu akabeka lange: Kaak lisiya, kwani samaka botaali amoi ambe la baemo bamoi, ambe aleko la bolefe bo balome ba baito; samakaye bofono Mungu asami bana ba Isalaele, beke bakakikowa ta mungu ii bofono la liomali li botati bo liamo li miwiti. ² Lombosamaka bo la bakute liou la liondo bi tongbendele, la Homele emoi, la leteke lomoi lo bofonga. ³ Kola ongoma lotobeka libo mbo: Umowakai loka lange, oifoyakai komba ino ta bokuku bo bee ba bolefe, oimbombai la bolome asiya. ⁴ Lokambo bana ba Isalaele batotikala mbile esa ndoena bokota, ndoena baemaeli, lamba liano, ndoena leka lo bofono, ndoena efode, la ndoena telafine. ⁵ Mbisa ionga, bana ba Isalaele bakainowa; la bakaakola oluka Mungu, ye Mungu ibo, la Dawidi, bokota wibo; bako'olitisa Mungu la bolo winde ta basiyo batoya.