¹ Embaka Isalaele isenge, losamaka ye likama, la loakolaka otaye lioi mbo: Wana ange botolome ofowa ta boki bo Ejipito. ² La bambaka esika la baoi batanu bibo, bakatumbe Bala bafaefi, la bakaanakana lifaefi ta befono be belendelende. ³ Ei lotokukaka, tinga Efelaime, lokukomo ta baoo ba bofoka; baitiena mbo lotouwisaka. ⁴ Loto'onola bo ta likandomu li wenda, la boliki bo losamo, lombe ambe bo kee likandomu li mamanga, lofelibo bieka. ⁵ Baimbo inowa ale ta wenda bo Ejipito, akini Asuliya atomba bokota, loka bafekaka oinowa ambe Mungu. ⁶ Kembe etongala ta boki winde, lotchango litina, loseiso baemaeli bibo, loka lo bemusi bieke beanyi bo. ⁷ Baito bange bakombe esika lange; batoenyelisela ambe ono ambe ta likolo li itotina, ango amoi aiti la bowa. ⁸ Lokele isani loka lao, Efalaime? Lo'okuse'nu Isalaele? Lokelelo'we kee Adama? Loenganiselo'we bofono bo loetiso baeme? Botema bofo'okanei wale, bolo wange bototina bo'okusomo. ⁹ Lombo kelele'nu ale la lisomi li bofoka, lo'otomoisa loseiso Efalaime, loka mno lombe Mungu, ei loiti buto, lombe ono aengani atiteni ao; loimboya ale la lisomi. ¹⁰ Enu kotutai Mungu, atomama kee nama eko koi, akaomama, bainenge kotcha mangu okaisama ta libande lifi. ¹¹ Bokoila mangu kota Ejipito bofono boi liso, la ta wenda bo Asuliya mangu kee noli eko ikuku. Kani eikokilela bo beke bangali ta bilela bibo, Mungu aobeka ongoma. ¹² Efalaime baolingei la lolanga, la lilimbi li Isalaele, Yuda baiti la bolelo felo iya Mungu, felo iya Ono Aengani.