¹ Ndomamila bato'olo fafo, ndjo bekelaka bo kee ise; la bekaka batengena kee banduku, ² bataali bakonde kee ba'ima, beke bakombe bainenge bekelaka bo ke bawelo bataali, ta botanu bototina. ³ Litisa bataali bɛɛ bakangbelo balome bɛɛ bambe, bambe bangbeli ba balome ba omongo. ⁴ yoma mbo botaali ono akangbelo bolomeambe la bana la bana ba bana, baluwe koni felo itotina okela bolo ta bofindi wibo angene, la baise bibo yeke bakaosa loka lio; loka mbo imbe bolo ambe Mungu. ⁵ Ono ambe botaali bpkangbelo bolome a omongo, ono akongala engene eseke, alendoloko Mungu la ambe la bofilili lotiyo kee lowa ta basomboli la ............ ⁶ Ndjo ono atouwa ta thwme to bɛɛ aosila ongba, ani akombe la liwawi. ⁷ Bekaka mbeko ye, loka baimbaka la batchwanilo. ⁸ Yomba mbo buto ailuwi okomiya bɛ bindo angene, la oeta likama beke ba bofindi winde, aotika liimeli, la ambe bobe koeta ango ono aitakaimila. ⁹ Loka mbo botaali ono akaongbelo bolome, asonomo ta lokasa, aimbaka sekala ii miaka tuku liambe, ambeke aleko botaali ono ambaka la botolome ko'amoi, ¹⁰ ambe la bakuwa balo, ono akaokondisa bana, ambe la litumaeli li bɛɛnda, asɔɔlɛ́ bakolo ba batanu, asungi tobube, akele bakuwa batotina bɛ bambe balo. ¹¹ Fekak osona lina li bataali bkangbelo balome bɛɛ bainenge; loka ta mile yeme itowana bo la Kilisito, bokosongolomo. ¹² Loka bokopkase loka baobuna liimeli libo li felofelo. ¹³ Loka lo yamo, batomba la bolelamu, batoka mbele la mbele; yeiti ango .................. bambe ango kola bolelamu, ndjo baito ba libekela la ndjo bekuwamaneli bebe, ....... batobeka yeke yeeiyeengani obeka. ¹⁴ Lolangi mbo batenganye bataali basongelomo, babote bana, bakuke mbele ibo, la baifaka boiyani wiso ndole loka atonge'esu. ¹⁵ Loka bamoi baosila ofowa ta ndole loka lootuta Satana. ¹⁶ Yomba mbo boimieli amoi botaali lamba botolome ambe la bataali beke bakaongbelo bolome, tikaka mbo alese bo, loka mbele ee Mungu ɛimbaka la bolito wamo, loka mbo mbele ee Mungu eluwe ango okuka beke bambe banngbeli balome ba omongo. ¹⁷ Tikaka mbo batoolo baye batokuka likuwa la weli bafomoko lokuku lofi, koeta beke batokela likuwa liyo'nangola la loekiso. ¹⁸ Loka tosiyo tokabeka mbo: Oitokanda bonoko bo ngombe eko'etola ye bakoke. La bokuwi aengani la lilipomu linde. ¹⁹ Ndoimila lositokomo lo botoolo ango bomoi sakolo ko ikaomba la boi ba baeni baele ao basaso. ²⁰ Beke batokela bobe, mamilaka bo ta baiso ba baito batotina loka (baoke soni) basiya bambe la bowa. ²¹ Lotolakowe felo iya Mungu la felo iya Yesu Kilisito, la felo ii bakitomo beke bakatchakolomo, mbo okuke ye mbeko oitambaka la liteni li mangu-mangu, la ndotchakola baito. ²² Ndotela baito bao lamangu, ndo ngala eseke lomoi ta bobe bo baito basiya; owe angene, kukaka mbo ombe botanu. ²³ Oimwaka ango ko baye;la mwaka iniyo ii vinyo loka lo sɔlo ao la wale wao likama. ²⁴ Bobe bo baito basiya botoenena folele, la botokesa bo ta lisambisomu, ndjo bobe bo basiya bombo tutaka bo mbisa. ²⁵ Ongoma aleko, bakuwa balo batoenena folele, ndjo yeke yeiti ilɔ yeimboisama.