¹ Bolimo atobeka folele mbo, ta mbile ee liko, bamoi bambokusaka liimeli, loka lo'otuta bolimo bo lilimbi la tonango lo belimo bebe, ² loka lo lilimbi, li baekesi ba lolanga, liluwi libo liyeosila ofiya, ³ batofeka losongomo, batofekila bieka bieke Mungu akelaka loka iyoshomo la kelekele ambe be baengani la bekebakaoluwa wewe. ⁴ Loka itotina ye Mungu akakela imbe ilo, la leka ango lomoi loiyengani okusomo, loka toto'osa yo ta ngbengbele, ⁵ lokambo itotina yo'otanisomo la lioi liya Mungu la lisomboli. ⁶ Yomba mbo otota chwe toshosha tototina felo ii anduku, otomba boekisi boolo boya Yesu Kilisito, eke etoto'elowe baoi ba liimeli la tonango tɔlotchweke okasila omba latchwo. ⁷ Fekaka o'ok bembila bebule biye bieti la litina. Owe'angene, owe'angene ta bekuweamani biya buto aya Mungu. ⁸ Bekuwa'ameli beya buto aya Mungu betoesa litina ta ndole itotina, iniyo ii bisha bi bindo bimbe aleko la litina iniyo, ndjo bekuwamani bibo bembe la litina ta itotina, loka bembe la lilakomu bo liwawi li kanikani la liɛ litoya. ⁹ Lioi liye limbe wewe la yamo itotin iyengani mbo liimilomo. ¹⁰ Loka totokela likuwa, la totonana ɛtumba loka lo yamo, loka to'osila olendela ambe Mungu a liwawi, ono ambe Bouwisi bo baito batotina, oetela likama ta baimieli. ¹¹ Bekaka ye mbeko, la ekisaka yo. ¹² Buto ango amoi aiyenaka litengenya liao bule; ndjo mbaka ta baimieli kee ndembe la libeki, la lingali, la losamo, la liimeli, la botanu. ¹³ Tii kani lotoya, taka botema wao oanga tosio folele la lonangolo la loekiso. ¹⁴ Ndotika oluka liano li ngbengbele lieke ombe la liɔ, lieke okaosha ta lotelomolo bao bo bato'olo ta mbele Mungu. ¹⁵ Taka botema ta mbeko ye, otaka ta mbeko yamo, loka baito batotina baene kembo otooka la felo. ¹⁶ Moilka la weli ta lonangolo lao; Ɛee, umowaka ta yamo, etokelowe ongoma, otouwisa owe angenela bɛɛ baito'okowe.