¹ Lioi liyo limbe wewe mbo: yomba mbo buto alangile okela likuwa li Boemaeli, ambe la yeme ii likuwa lilo. ² Iyengani la boemaeli aimbaka la lokuku, bolomé a botaali amoi, buto atokanda botema, buto boolo, buto a mbeko ilo, ono atotukumaela beenda, Boekesi boolo. ³ Aimbaka bomwei bo baana, aitanaka besokano, ambe la losamo, aimbaka bonani bo bitumba, aimbaka buto ono atosama falanga. ⁴ Iyengani linde akomwe mbele inde, bana binde baluwe Mungu, ambe la bolutu, la ilitisa, ⁵ imba mbo buto ailuwi okomia mbele inde, eni kanda etoluae okomia mbele eya Mungu? ⁶ Aimbaka boimieli bo kanikani,loka atokawala la lofolo la ekokpase ta bobe boya ono bobe. ⁷ Ambe aleko la libekelomu lilo tabaito ba lousaa, loka aikpasé ta sooni lata ilonga iya ono bobe. ⁸ Iyengani aleko la Baemaeli bambe baito ba wéwé, tinga benoko bielebiele, beke batomwa baana, tinga baito bambe la yeme ii falanga. ⁹ Baundeke liisami li limeli ta liluwi litanu. ¹⁰ Bakotomo koni felo, njdo baiyeni bobe ango bomoi, lambisa bokowa likuwa li baemaeli. ¹¹ Bataali aleko, bambe la momongo, la bolutu, baimbaka baito balimoli, baito ba okanda liwawi, la wewe ta mbeko itotina. ¹² Basungi bambeke balome ba botaali amoi, bakendise la weli bana bibo la okendisa aleko mbele Mungu; ¹³ Loka mbo beke batokendisa la weli likuwa libo, batopata ilitisa la bofilili ta limeli ambe Yesu Kilisito. ¹⁴ Losonelo'we ye mbeko, ta lilendelu mbo ¹⁵ lolangi oya elo embe owe kanikani. Yomba kembo lokafoumowa iniyo, otoluwa ndole ene engani lka lokela likuwa ta mbele ee Mungu a liwawi, ene embe likolé la emalisomo ii mbeko ilo. ¹⁶ La lisami li mbeko iya Mungu limbe lifi, kanda emoi totobeka mbo, ye ono akaenana ta bindo fololo, akalongisomo ta bolimo, la akaenana la bakitomo, aonangolomo ta befindi, afoimiolomo ta wenda, la afoilomo likolo la talaa.