¹ Kolaongoma, lotolengila felo mbo tchweme tchwino la basomboli la yeke otolengilai, la kelekele efomo loka lo baito batotina, ² loka lo bekota betotina bɛɛ bambe felo mbo bakende la bekuwamaneli be eyaii la ndoena liyeye ta mbele ee Mungu la wewe wee bo bolundu. ³ Yeke imbe ilo la Mungu atoimila yo ono ambe Bouwesi wiso la wewe be bolundu, ono alangi mbo baito batotina bauwisomo, la bambe la liluwi lilo. ⁵ Loka Mungu ambe ko'amoï, la bokomanyi amoi ambe baito la Mungu, ye Kilisito Yesu buto, ⁶ ono akafomo kee liendolomu loka lo batotina. Yamo ndjo imbe libekelomu ta mbile inde, ⁷ loka lamo ndjo bonangoli la botomomu, la lotobeka wewe, loïtobeka lolanga, ɛi lombe boekesi bo bapakano ta liimeli la wewe. ⁸ Lolangi mbo batolome basembole biseke bitotina, eko etoila bo bao baengani, ndoena lisomu la baenyeli babe. ⁹ Lolangi aleko mbo bataali babatise bindo bibo ta baenyeli baengani, la lisuluwi'se, ndota sowe, tinga la biongo bi loketi, lamba batale ba loketi fafo, tinga aleko tulu ii loketi likama, ¹⁰ kanga la bakuwa balo, yeke iyengani la bataali beke batokuwela Mungu. ¹¹ Tikaka mbo botaali aeke ta eyaii, la lilitesi litotina. ¹² Loilangi mbo botaali aekisé lamba omba la bokoa likolo li botolome; kanga ambe ta eyaii. ¹³ Loka Adama ndjo akelomoko felo, Ewa mbisa. ¹⁴ Adama aikalimbomoko, ndjo imbe boali limbomoko la akapkase ta bobe. ¹⁵ Botaali atouwa ta ndole eobota bana yomba mbo atoumowa ta liimeli la losamo la liengani eseke lomoi la baenyeli balo.