¹ Tueya mo dienyelo nde andja ndele so lokita loko dembolana, tule la lomi ndole taeuka longosuama luanya mba atu ila lo lomi ndo komelo, lala andja. ² Le ndjala lasa lomi lone tumbokona, tulanga ndjaloche le dienyelo ndesu lolongo. ³ Tumbulanga lutundu wu ne lutundu wu ndelota halukuenama ndjala wanyanya. ⁴ Lu solo etena kelesu lasa lomi lone, tumbokona ndjala tumbusuwanye hatulange ndjakulula, shila nyende, tu mbulanga watoloche, kele mo kingo kekavu kikuke me namo la lukelu. ⁵ Nagnu lukatolongosue shu loyango nye aleko zambi lole akatoye shu otema muete daka ndekingo kekuye. ⁶ Lu so nyuyale la lukani shi yemo. Nyuyale sena mo etena kelesu lo lomi lasa lowa, taleko kitale la wana. ⁷ Le ndjala tumbokenda la mbetao, aha le mena. luso tuleko la lokani. ⁸ Aleko olo tuyale kitale uma lele lowa la lomi kame la wana. ⁹ Luso tumbudeke ndjala okomo mbosu, ndo toyala lo lomi ama kitale, tulangiye nde. ¹⁰ Le ndjala ohomba wamo tuene tundu ke kiti ke sambo ke kristo kele mo la omo akoke nungula kingo keshikama lo akambo mbakakeama lasa lowa, keyala ale lu olo ama lo kuwolo ¹¹ Lu so, le ndeya woma mbu wana, tumbuasonga watu. wuhu mbulesu nenyu. ¹² Hatukakeke mbasonga nyu lokina tuena shu ndemba solo. lokongo monde, tumbuwaye nyu lutundu mbu ndjaenye lutundu mbosu, kele mo nyukuke ndjala la nde bibuche le wangu mba yatemanye lu enyelo, yako aha kingo kele latei mba otema. ¹³ Le ndjala deyala ndo tumbufumbo la lombia, ale lutundu mbu zambi, la ndo tule lele lombia ndosu solo, ale lutundu monyu. ¹⁴ Le ndjala lolango ndo kristo, watukokomiye lutundu tule ndele solo la ne. Ndjala utu mo akavu lutundu mbu wamo, la luso wama wakavu. ¹⁵ La kristo akavu lutundu mbu wamo, kele mo wangu wambokita aha bo kita lutundu mbowo bame, shila kende ohomba wakite lu tundu monde nde lole akavu la akulo. ¹⁶ Lutundu one, mandja nane la chotundu hatusambuje utu fonana la wuhu mbu avatu, ndo nagnu tundu tukadinge kristo lasa wuhu one. Yako asa hatusamboye wamo lu wuhu one lukina. ¹⁷ Lu so, eyala utu umo aleko latei mba kristo nde ale utu wukuse, akambo mba yo eja wambueta, tudinge, mbeya ukuse. ¹⁸ Bango demo ne wema le zambi, akatokanye shu lende mame mbete kristo, la ambutoye sambisha la mbukanye. ¹⁹ One le saula, lasa kristo zambi ambukaniye andja lende name, aha mbade munga ndjewo ndeka ndjeo, ambokiche lesu okendji mbu mbukana. ²⁰ Lu so tumbusonama muete wekendji mbe kristo. mo zambi aki amboye rufa nende mbete shu tumbuasengasenga nyu lutundu mbu kristo, ''nyukane la zambi'' ²¹ Akake kristo ndjala oshasha lutundu mbu munga nyenyu, nde ale lole loke munga, akake gnane, kele tukuke ke solo ke zambi lasa nde.