¹ La luso, ke ulemo kame, tumbunyusengasenga nyu tanyulungulake wese mbu zambi ko dienyelo. ² Le ndjala ambusaula ''etena mbukawetao laki nombo lenyu, la lasa lushi ndo chokuama lakawakemanie ''Dinge, asa ale etena mbukawetao, dinge, asa loshi ndo echoko. ³ Hatukiche dive kenge tundu ke utu umo, le ndjala hatulangiye doi nde zambi ndjesu elamo lasa lutumbu kuwolo. ⁴ Shila nyende, tumbulomba bame lo wuhu mbosu wumo, mo tule wekambi mbe zambi, tule wekambi mende lasa efula kitala, soi, diki, wulu wu lo seno. ⁵ Pumo, fungo, chumamo lasa ke ulemu la lolokome lasa kombaye jo luchu, lasa ndjala, lasa mbelama, bengo, diki, wema, lasa nyuma kololo, lasa lolango ndo solo. ⁷ Shu wekambi mende lasa dikambo nde solo, lasa kudu ndje zambi. Tule letonga mbe solo lutundu mbu lonya ndo lupame la ndu lomoso. ⁸ Tumboke ulemo lasa nombo, la menyo tumbuama la lutumbu, tumuenama ndjala mbasenga na la etena mbu solo. ⁹ Tumboke ulemo uku mo hatuewana la tundu tukaewana lolo, tumboke ulemo muete mbambuvo la dinge tundu tumbukita, tumboke ulemu muete tumbuwaya sambo lutundu wu tokenyo tusu yako aha muete mbakao samboye kanga nvo. ¹⁰ Tumboke olemo muete mbale la lonyagnu, yako shi yemo tuleko la saki, tumbuke ulemo muete chungu, yako tumbuwasemula fula, tumboke ulemo oko mo hutuwaye yango ila muete tumbumuna yango mo. ¹¹ Tumbusamba solo kemo lenyu, wakarintho, la etema mbesu wembodihama uteni. ¹² Etema menyu hawetenamo la shu, ila nyumbuetenamo la nenyu nyuame. ¹³ Asa lasa megnanye lu solo, lambosamba muete le wana wakenda, nyudihule etema menyu lo uteni. ¹⁴ Tanyudihamake kame la mbalehawetao, le ndjala kuleko diukanelo dekona lasa lo solo la pato? la koleko diukanelo dekona lasa yani la dihuta? ¹⁵ Na mbukana dekona kristo akule ndjala lala la sumbu? Ama nde luetawo ale lateni keko kame la lolehaetawo? ¹⁶ Na kole diukanelu dekona lasa nde lomi la zambi la kishi? Le ndjala shu tuleko lomi lo zambi lole sena, muete mbule zambi akasaula, ''lakokita lasawo na kenda lasawo, la kuyala zambi kewo, labo wakuyala watu mami''. ¹⁷ Luso, ''ume lasawo, nyosekamue lawo, asaula wana ''tanyukutake keholo, la lakunyulungula nyu. ¹⁸ Lakuyala she lenyu, lanyu nyukuyala wana mami wa apame la mba wacho, asaula wana lule la wulu.