1 Luso, lutundu tule la sambisha kene, muete mbole tumbukelungula, wesa hatumie lokani, 2 Okongo monde, tumboseka ukulu wumo mbu kuwolo la mbukashama, hatokite la kuwolo, la ha tusale kuwolo likamba nde zambi. 3 Yake ndo akambo mba zambi mbasu embushama imbushama le wango mbombodime. 4 Lasa losona ndowo, zambi ke amdja kene ambuadima mbeya ndjewo mbalehawetao. Dienyelo nende hadekuke mena dembe, nde akambo mba zambi la wulu mbu kristo, lole jembetelo mbu zambi. 5 Le ndjala hatuyadimula shuame, yako kristo yeso muete wana, la shu shuame muete wekambi manyu lutundu mbu yeso. 6 Le ndjala zambi nde loka akasaula, ''Dembe wuku samba uma dihuta'' Ambosambie lasa etema mbesu mbadiye dembe nde bengo nde wulu mbu zambi lasa ndjala mbo yeso kristo. 7 Yako tuleko la tuma tone lasa bango mbe kechi, kele mo deyame ndjala wulu diku nde ka dele nde zambi la aha ndesu. 8 Tumbusuwa lasa la yuhu, yako hatuule tumuena weketanie yako hatukike mbahula lokani. 9 Tumbusuwa yako hatuzakamo. tukajemo lo kechi yako hutusuwamo. 10 Shi yemo tulelomemba lasa lowa ndosu divoki nde yeso, kele mo utundu ,mbu yeso wename la lasa ndjowa ndjeso. 11 Shu mbale sena la loshi tumbutolamo nvo lutundu mbu yeso, kele mo utundu mbu yeso wename lasa ndjowa ndjesu la watu. 12 Lutundu one, divoki demboke ulemu latei mbasu ila lokelo lumboke ulemu latei manyu. 13 Yako tule otema ungu oko mbo mbetao fonana la kingo keka shilama. lakaetawo, la ndaso lakasaula ndo shu tumbuetawo, la ndaso ndo tumbusaula. 14 Tumbueya ndjala nugnu loka olula wana yeso ndo akuulula shu kame lende. tumbueya ndjala akotuela shu kame lanyu lasa lopepe nonde. 15 La yango aleko lutundu monyu kele mo, lo wuhu weso umbukuka le watu efula, lutumbu luleke kuchama la wulu mbu zambi. 16 Ndaso hatuseke lokani, keyalema le andje tu mbulama le china tumbokeama ukluse, loshi la loshi. 17 Lo etena kene cheni, soi ne osadi dembotuke me shu lutundu mbo pondjo wuchu la wulu uleki mbedika yemo. 18 Le ndjala hatudinge lutundu mbu bango mbemuene, ila lutundu wu bango mbelehadenama bango ndekokaso mena wele we etena kitu ila bango mbele hadene mbele mbe pundju.