¹ Ngonde, tumbuandja ndjatemola shuame lokina? Hatokoke mukanda mbo ndjalangiye lenyu ama uma lenyu, muete wamo watu, gnane tokoka? ² Nyu nyuame nyole mukanda mbasu mba ndjalangiye ekashilama lele etema mbeso, mbewana la ndakanye la watu wamo. ³ La nyumuenye mo nyu nyule mukanda uma le kristo, mbekatolamo la shu, ekashilama aha lowino, yako luetema mbo zambi lole sena. Tawekashilama lo mbao ye wave, yako lo diko nde mbao mbetema mba atu. ⁴ La one mbole tokani tule laso lasa zambi mbete kristo. ⁵ Hatuyaetao shuame le mbuche demo muete uma lesu, wamo mande, ndjeetao ndjesu uma le zambi. ⁶ Ale zambi lole akatuke tukuke ndjala wekambi mbe daka dukuse, kene ale daka aha mukanda yako ale lo otema le ndjala mukanda ndjekaka, yako otema mbadiye lulu mbe. ⁷ Asa olemu mbu divoki eki embuselama lasa utale lo diko nde wave dekaye lu wuhu mbo wuhu mbu watu wa Israel hawukadinge lomo shila omo lele lungi ke Mose none ale lutundu mbu wulu mbu lungi kende, wulu wukimbuki umbudimala. ⁸ Ngande, ulemu mbu otema hawukuyala la wulu ndeka? ⁹ Le ndjala muete shambisha ndje sambo eki la wulu, ale mala omagna ndeka sambashi mbu solo ndeka fula lasa wulu. ¹⁰ Ale solo mo, kingo kekake wulu tundu keha wulu lo kina lasa echoko ene, lutundu mbu wulu, mumbulika. ¹¹ Le ndjala muete kingo mbole keki ko kembuleka keki la wuhu la lo saku keko na kole mo keleme kekoyala la wulu. ¹² Le ndjala tumbuyetao ngo, tulela lokani fula. ¹³ Tuha muete Mose, akakiche senda lo diko nde lanyu kende, kele mo watu mba Israel hawuyukuka mbudinge omo le okina lele komelo ke wulu mbaki mimuna. ¹⁴ Yako nyulembete ndeo ndeki dembo dihama. kanga komelo loshi lone senda kingo keko kembochikala lo diko nde malakanye mba daka nde eja. Tadekichamo lo sandja, lutundu ale lasa kristo ndame demomiamo kitale. ¹⁵ Yako kanga lelo, etena kemo Mose esomuamo, senda kekite lo diko nde etema mbewo. ¹⁶ Yako utu lombuewo le wana senda kekumamo. ¹⁷ Asa wana aleko otema, lale otema mbu wana, koleko la chungo, ¹⁸ Asa shu shuamo kame la dungi ndeha hadekichamue senda, dekuena wulu mbu zambi, tumbuegnagnemo latei mba menama ungu oko mbu wulu uma deka mo cho lokina, muete mbole uma le wana, lole aleko otema.