¹ Mokolo nwa eyenga waa moyelo, Maliya Magadala aesi ya kye o mooto. Waakoma yo omo, aweni bamanye ibanga saazibaka bee o munoko nwa mooto. ² Bobele, aesi ya kyilingana, akye zwa Simo Petelo na moekosi oyoko, owabaka Yesu kazingye: Aesi ya wo na be, yokye: Bakye manya Nkolo o mooto, teloebi mbale ekye bee molangya. ³ Petelo na moekosi me mona, baesi ya mana, bakye o mooto. ⁴ Baesi ya kyilingana, bee banso babale. Ka moekosi me mona alekyi Petelo na mbangu, akye koma o mooto, moto owa obo. ⁵ Aesi ya nongyemele, aweni bitato ba malekani bilangyi o nse, nzuka yo taikaka nyolo omo. ⁶ Emba Simo Petelo owa mobengaka o nsima, ne aesi ya koma. Aesi ya nyolo o mooto aweni ne bitato ba malekani bilangyi o nse, ⁷ na malekani mamozingaka bee o moto. Malekani me mazingami, malangyi mbale, bitato bango mbale. ⁸ Bobele, moekosi me owakomaka o mooto moto owa bo, ne aesi ya nyolo omo. Aweni nde bomo, amba yaanola obotshe Yesu akundoo. ⁹ Nabo babona, baekosi tebataa kaeba makomi maawo obotshe Yesu amokula kundwa onte ya bawe. ¹⁰ Emba baekosi me babale baabana bamba ya butwa oka be. ¹¹ Imbele me, Maliya atemekye imbale ya mooto, kalele. Wabaka yo kalele, aesi ya nongyemele o mooto. ¹² Aweni baanze babale, balati bitobu ba mpembe, bazasi waalangyaka bee ndemba ya Yesu, ona bi moto, oyoko bi makolo. ¹³ Baanze me baesi ya motuna, bekye: Mama, kolele ye? Yokye: Nalele pho bamanye Nkolo yanga o mooto. Siebi na mbale ewaa ekye bee molangya. ¹⁴ baka yo kawo babona, bobuyakye yo miyo o nsima, aweni Yesu, atemi. Ka yo taikaka eba obotshe mena Yesu. ¹⁵ Yesu aesi ya motuna, yokye: Mana, kolele ye? Kolukye nza? Maliya abuyaka obotshe kyewo ne nde moto okokyele etoma o ibale me saabaka mooto. Maliya yokye: Tata, bo we moto oomumanye, onteya mbale ekye we molangya, Nakye mokpa. ¹⁶ Yesu yokye: Maliya! Maliya aesi ya buya miyo mbale eli Yesu. Aesi ya wo ne na munoko nwa Baebele, yokye: Raboni, kyewo obotshe: Moteye. ¹⁷ Yesu aesi ya wo ne yokye: Sa phila pho nali sataa kyende oka Tata. Kasi, okye imola bebi na nga obotshe nga Yesu, nabutwe oka Tata Nwaphongo, ne ooli Ango wa be, na Nwaphongo wa be. ¹⁸ Bobele, Maliya Magadala, aesi ya kye, akye imola baekosi yokye: Naweni Nkolo! Amba na baimola maphoo mawoko Yesu ne. ¹⁹ Mokolo me nwa eyenga, wankokolo, baekosi baanganaka o ingambi sonoso bazibi bizibele, pho bailaka Bayuda. Yesu aesi ya phunzwa, atemi onte ya be, yokye: Bose bobe na bee! ²⁰ Waunva yo iwo babona, aesi ya teya baekosi matandala me na mobanzi nwe. Wawenekye bee Yesu, babutwaka isamba. ²¹ Yesu amba kula ya bawole, yokye: Bose bobee na bee! Na nga naetome o mokyisi, bo wantoma Tata. ²² Nsima, amba ya baulela muwe, yokye: Naephe Bolobo Bosantu! ²³ Bo olimbise moto na bobe bookyesi yo, Nwaphongo ne amoolimbisa. Bo tolimbise moto na bobe bokyesi yo, Nwaphongo ne, etamolimbisa. ²⁴ Nzuka wabatokolelekye Yesu, monomo na baekosi, na nkombo Toma okobangye bee Nwana owa Zaa tabaka na bee wamo. ²⁵ Bobele, bebi ne, baekosi, baesi ya wo ne, bekye: Toweni Nkolo. Kasi yo, yokye: Bo siweni biusa bia basete o matandala me, sibitase na nwee, na bo sitase uusa eya mobanzi nwe na na itandala sanga, esianole. ²⁶ Nsima ya poso yonoyo, baekosi bakulaka angana o ingambi, Toma ne abaka na bee wamo. Bazibi bizibele, kasi Yesu akuli batokolele. Atesi onte ya be. Yokye: Bose bobe na bee! ²⁷ Yesu amba ya wo na Toma, yokye: Elola nwe nwawe oni, okyekye matandala ma nga, osusinya na itandala sa we, otasa mobanzi nwa nga. La kula ika ziiko, anola nde to ! ²⁸ Toma, yokye: Nkolo ya nga na Nwaphongo wa nga! ²⁹ Yesu, yokye: Oanosi pho oonveni we? Bato baanzanole, mena sataanvene, bee bali bato ba nkyisa! ³⁰ Yesu akulaka kyela bilekyesako bisuu biikye o miyo ma baekosi be, biite baika koma bee o Buku bobo. ³¹ Kasi maphoo maakoma be, bamakoma pho bee oanole obokye Yesu ali Masiya, Nwana wa Nwaphongo, na obotshe, okomoanole, azwe bomoo,