¹ Bobele, waawoko yo babona, Yesu atombaka miyo o ikolo, yokye: Tata, imbele me simbi ya koka. Nweninya obotshe nga, Nwana wawe, nali na nkemo pho ya obotshe na nga naweninya nkemo ya we. ² Na pho ya obotshe, na bokonzi phaamophe we o ikolo sa bato banso, ambya bomoo pha bobelo oka bato banso bamophe we. ³ Nzuka bomoo pha bobele boli obotshe baeyebe, nde we mampenza owaakolo Nwaphongo, na Yesu Klisto owa toma we. ⁴ Naweninye nkyemo ya we o munse mumu. Naumboo eyampekye we obotshe naekyele. ⁵ Emba inwanwa eye, Tata, ompe nkemo phenephe na we, nkyemo yaabaka na nga waabaka nga phenephe na we o boo pha obotshe mokyisi mokyelame. ⁶ Naweninye Nkombo ya we oka bato baamanya we o mokyisi pho ya iba mpe. Babaka we, wabampe emba bambi kumola iloba sawe. ⁷ Inwanwa eye baebe obotshe inso yaampe we kyiute na we. ⁸ Obotshe maloba maabowole nga eli nde maloba maanvole we. Bamaanola, baebe nde phele nde obotshe nauti nawe, emba bamba anola obotshe we wantoma. ⁹ Naongye na Nwaphongo pho ya be, siongye na Nwaphongo pho ya mokyisi, kasi pho ya bawe bampe we, pho bali bawe. ¹⁰ Emba inso ili ya nga ili ya we, nde boli inso yaka ya we, ili ya nga, emba nazwe nkemo ya nga pho ya be. ¹¹ Tata lolo, sikuli baa wa mokyisi mumu, bee baikale o mokyisi, kasi nga nakye oka ya we. Tata mosantu, ababanza na nkombo ya we eyampe we, pho babe moto monomo boli nga na we moto monomo. ¹² Waabaka nga na bee elele yonoyo, nababanzaka na nkombo ya we eyampe we. Nababanza emba na monomo onte ya bee taikyi bunga, botebe nde nwana owabaka obotshe amobunga, pho ya obotshemakomi makokyisame. ¹³ Inwanwa eye, naye oka ya we emba nawo maphoo mama o mokyisi pho ya obotshe bazwe na mango nkyisa nzikye. ¹⁴ Nabaphe iloba sa we, emba mokyisi mobaini, pho tebali ba mokyisi nde bootoli nga wa mokyisi. ¹⁵ Siongye na we obotshe obamanya o mokyisi, kasi obotshe obabanza bee sa kaa o maboko ma Molemba. ¹⁶ Bee tebali ba mokyisi nde botoli nga wa mokyisi. ¹⁷ Kyela obotshe bamiambya muwosi oka ya we na nzela ya maphoo ma phele, iloba sa we sili nde phele. ¹⁸ Bo wantoma we o mokyisi, na nga nabatome o mokyisi. ¹⁹ Phoya be, namiambya nga mampenza, pho ya obotshe na bee bamiambya na nzela ya maphoo maphele. ²⁰ Siongye na Nwaphongo nde pho ya bee na be, nabondele na pho ya baawa, pho ya iloba sa be, bamunzanola: ²¹ Obotshe banso babe moto monomo ndengye eli we Tata, oli onte ya nga emba nga onte ya we. Babe na bee onte ya banga me pho ya obotshe mokyisi moanole obotshe we wantoma. ²² Emba nga nabaphe nkemo eyampe we, pho babe moto monomo boli nga moto monomo, ²³ inga onte ya bee booli we onte ya nga, pho ya obotshe bakome o sakolo isanga, na babona mokyisi nwamoeba obotshe eli we owantoma na obotshe wabazinga bo wanzinga we. ²⁴ Tata, nazingye obokye elele eli nga, banso baampe we babe na bee womo me. Emba na bee bawene nkemo yaampe we, pho wanzinga o boo pha ikyelama sa mokyisi. ²⁵ Tata owa bosembo, mena mokyisi temoeyebe, nga naeyebe, emba bato baba baebi obotshe we wantoma. ²⁶ Nabaimola nkombo yawe, namba kula na baimola yango, pho ya obotshe lozingo laanzinga na we lobe na mi be, emba nga onte ya be.