¹ Nga nali nwete nwa vinyo nwa phele phele emba Tata ali nkolo ya inzabi. ² Bitakyi binso bili onte yanga, bite bibote mbuma, aabimanya, emba bitakyi binso bibote mbuma, aabibongya, pho obotshe bikule bota mbuma nzikye. ³ Bee waunva bongo pho ya iloba saewole nga. ⁴ Ba na nga boli nga na bee! Nde bomo booli etakyi, teekokyi ibota mbuma yango mampenzaa boteebe yonoyo onte ya nwete. Nde bomo na bee tokokyi ibota mbuma, botobee na nga elele yonoyo. ⁵ Nga, nali nwete nwa vinyo, bee oli bitakyi: moto okobe na nga na owa oli na nga onte ye, yo mona amobota mbuma nzikye, pho tokokyi ikyela ekpele bo nga sibe na bee. ⁶ Bo moto tabe na nga elele yonoyo, bamovaka o nze ya etakyi, amuunga, emba babiongo, babivaka o nwenya emba biamolola. ⁷ Bo obe na nga, na maloba ma nga bo mali na bee, wamoonga izingyi bee, wamoizwa. ⁸ Lowo lophe Tata ngambo, eli obotshe obote mbuma nzikye na obotshe obutwe baekosi ba nga. ⁹ Bo wanzinga Tata, na nga naezingye me, ikala na lozingo na nga. ¹⁰ Bo kokumole mibeko ma nga, oli na lozingo na nga, ya bookokumole nga mibeko ma Tata, naikale o lozingo le. ¹¹ Naewosi babona pho nkyisa ya nga ibe na bee na obotshe nkyisa ya bee ibe nzikye. ¹² Eye eli mobeko nwa nga: Zingana bee na bee bo wa ezinga nga. ¹³ Tewali moto na lozingo loikye ya moto okoambya bomoo phe pho ya bebi ne. ¹⁴ Bo kokyele ikyietome nga, bee oli bebi na nga. ¹⁵ Esikule ebanga baombo, pho moombo taebe ikyikyele nkolo we. Kasi bee, naebangye bebi, pho inso yaaoka nga oka Tata, naeyimola yango. ¹⁶ Teli bee bato baanzolo, eli nde nga moto owa eolo na owa ephe etoma pho okyende, obotshe obote mbuma na obotshe mbuma me ikoko. Pho ya obotshe yamoonga bee oka Tata na nkombo ya nga, amoephe yango. ¹⁷ Lowo loeyongye nga, eli obotshe ozingane bee na bee. ¹⁸ Bo mokyisi moeyini, eba obokye nga nwanzina phanza. ¹⁹ Bo obakyi ba mokyisi, mokyisi nde moezingyi. Kasi bee toli ba mokyisi: kasi eli nga oemanye o mokyisi yango mena mokyisi moeyine. ²⁰ Umunya maphoo mawoko nga na bee obotshe:Moombo talekye nkolo we, bo wanyokolo be, bamoenyokolo na bee me. Bo bakumola maphoo ma nga, mphoo ma bee bamakumola me. ²¹ Kasi bamoekyela inso miina pho ya nkombo ya nga, pho tebaebe owantoma. ²² Bo sikaka ya, na bo sikaka bawole, nde tebabe na isumu, kasi inwanwa eye, tebakokyi angana isumu sa be. ²³ Moto okonzine, kaine na Tata me. ²⁴ Bo sikyelaka bilekyesako bate baika kyela na moto mosuu onte ya be, nde tebabe na isumu. Kasi inwanwa eye oobiweni bee bali nde iloina, ebe nga ebe Tata. ²⁵ Kasi eli pho ya obotshe ekokyisame maphoo maakomama o Mobeko nwa bee obotshe: Banzina sa eleko. ²⁶ Waamoya Moambelesi owamoetomela nga uta oka Tata, Bolobo pha phele boute na Tata, yo mampenza amo ya wo pho ya nga. ²⁷ Na bee, oli manzoka manga, pho tata o etatele oli na nga.