¹ O boo pha eyenga ya Ilekana, Yesu aebaka obotshe imbele se saimana o mokyisi mumu o ikyende oka Ango sikokyi, yo oaw zingaka bato bee bali o mokyisi, abazingaka tee nono o nsuka. ² Emba waba bee baze, zabulu amba ya nyosa malondo mabe o ndondo ya Yudasi Mokyeliyota, obotshe amuundya, ³ Yesu aebaka obotshe Ango aphe mbolo inso o maboko me, pho auta na Nwaphongo emba amobutwa oka Nwaphongo, ⁴ aesi ya mana o mesa, amanye bitobu, akpe etato yonoyo, amba mikanga o mobimbi. ⁵ Bobele, amba ya angola maa o beseni, atati ikunyola makolo ma baekosi, kambe manya maa na etato eyamikangaka yo o mobimbi. ⁹ Yesu amba ya wo ne yokye: Moto oumbo oko, ali munso petoo, tasengyesi ikula mikumyola bote ebee nde malolo phe. Ka bee, bee oli peto, kasi bee banso phe. ¹¹ Pho aebaka moto owa muungya, yango mena ambaka wo yokye: Bee banso toli peto. ¹⁰ Yesu amba ya wo ne yokye: Moto oumbo oko, ali munso petoo, tasengyesi ikula mikumyola bote ebee nde malolo phe. Ka bee, bee oli peto, kasi bee banso phe. ¹¹ Pho aebaka moto owa muungya, yango mena ambaka wo yokye: Bee banso toli peto. ¹² Waaunva yo ibakunyola makolo, aesi ya kpa bitobu be, akuli ya kye zala o mesa, amba ya wo na bee yokye: Bee ososi lowo lokyesi nga pho ya bee? ¹³ Bee kombangye Moteye na Nkolo, kowo phele, pho nali bomo. ¹⁴ Emba bo nga, Nkolo na Moteye, naekunyosi makolo, na bee osengyesi inkunyola makolo. ¹⁵ Pho naephe ndakyisa obotshe, ikyesi nga na bee na bee oikyele me. ¹⁶ Naewole nde phele phele obotshe, moombo talekye nkolo we, na toma talekye moto omotomi. ¹⁷ Bo koebe maphoo mamana, wamo ba na nkyisa bo wama kyelela. ¹⁸ Siiwo pho ya bee banso, naebe baaolo nga. Kasi pho ya bawo buku pha Nwaphongo obotshe: Okoze na nga ipa molongo, abuto mobomi nwa nga. ¹⁹ Naewole inwa eye, o boo pha lowo me iya. Pho, wamoya lango, oanole obotshe nga nali boli nga. ²⁰ Naewole nde phele phele obotshe: Owamoyamba moto otomi nga, kayambe nga mampenza, ka okonzambe kayambe na moto owantoma. ²¹ Waaunva yo iwo babona, Yesu amba oka ngongo o motema, amba wo yokye: Naewole nde phele phele, monomo onte ya bee amunzungya. ²² Baekosi bamba kyekana, bamba mituna bekye, kane wo nanza? ²³ Monomo na baekosi bee, owabaka Yesu kalobo zinga, azalaka phene phe na Yesu. ²⁴ Simo Petelo amba munyatela miyo yokye: omotune, kane wo na nza. ²⁵ Moekosi amba ya bibanza o ntolo ya Yesu, amba motuna yokye: Nkolo, eni ba nzaa? ²⁶ Yesu amba mobuyisa yokye: Eli owamophe nga ete ya ipa eya munyinya nga o subu. Waaunva yo iwo babona, Yesu amba ya kpa ete ya ipa eya nyinyaka yo o subu, amba ya ephe Yudasi Mokyeliyota, nwana wa Simo. ²⁷ Emba nde osina imbele saa mophe yo ena ete ya ipa, Molemba aesi ya nyolele Yudasi. Bobele Yesu amba wo ne yokye: Loozingye we ikyela olokyele izele. ²⁸ Na monomo na bee banso babaka o mesa taikaka sosolo pho ya'ye awoko babona. ²⁹ Bowabaka Yudasi mobombi nwa baphalanga, bayoko baumunyaka obotshe Yesu awoko ne phoya iyomba yasengyelaka pho ya eseleko, na pho ya iphe babola nwana ekpele. ³⁰ Ka Yudasi wa kpa yo ete ya ipa, amba ya tokolo. Yabaka enzombi. ³¹ Watokolo Yudasi, Yesu amba ya wo yokye: Inwanwa eye, Nwana wa moto ambozwa ngambo, na Nwaphongo azwe ngambo pho ye. ³² Bo Nwaphongho azwe ngambo pho ye, Nwaphongo amophe ne ngambo bo eli ne. Emba sakoko amophe ngambo. ³³ Bana banga, sikuli baa na bee elinga. Wamunduka, emba nde bowawo nga na Bayuda obotshe: Bikye nga, bee otokome omo, naewole na bee inwanwa eye. ³⁴ Naephe mobeko nwa sika: Zingana bee na bee. Bo waezinga nga, na bee ozingane bee na bee. ³⁵ Boozinga bee na bee, na bomo, bato manso bamoeba obotshe bee oli baekosi banga. ³⁶ Simo Petelo amba ya wo ne yokye: Nkolo, kokye bii? Yesu amba mobuyisa yokye: bikye nga tokokyi imbenga inwanwa eye, kasi wamumbenga sima. ³⁷ Petelo amba wo ne yokye: Nkolo, pho ya ye sikokyi ebenga inwanwa eye? Namoambya bomoo pha nga pho ya we! ³⁸ Yesu amba ya mobuyisa yokye: Wamoambya bomoo pha we pho ya nga? Naewole nde phele phele ngakye: Wamunzangana mbala iyato soo sa botongokye.