¹ Yabaka moto monomo na nkombo Lazalo, abaka na bolosi o Betani, mokyisi nwa Maliya na nwana nyango Malata. ² Eli nde ona Maliya owa ololoko Nkolo malasi na owa mokunyolaka makolo na nsuwe ye. Yabaka nwana nyango Lazalo owabaka na bolosi. ³ Mankanasa ma Lazalomalongolo Yesu obotshe: Nkolo, kyeka ookozingye we ali na bolosi. ⁴ Waaoka Yesu babona, amba wo yokye: Bolosi babona teboli pha iwaa, kasi boli phoya iweninya nkemo ya Nwaphongo. Nde na phango, bamokumola Nwana wa Nwaphongo. ⁵ Yesu azingaka Malata na nwana nyango na Lazalo. ⁶ Kasi waoka yo nsimo obotshe Lazalo ali na bolosi, nde phele, akulaka kyela nkolo ibale o elele eyabaka yo. ⁷ Bobele, nsima me, amba ya wo na baekosi yokye: Tokule butwa o Yuda. ⁸ Baekosi bamba ya wo ne bekye: Labi, nde inwanwa eye Bayuda balukakyi iema mabanga, kokule butwa omo? ⁹ Yesu amba buya yokye: Teli mangonga iko mbuka babale ma moo? Bo moto katambule wa moo, taabakatane pho kawene moo nwa mokyisi. ¹⁰ Kasi bo moto katambule waa mokolo, amobakatana pho moo temoli onte ye. ¹¹ Waaunva yo iwobabona, amba ya wo na bee yokye: Nwebi na banga Lazalo alasi, kasi nakye moumola. ¹² Baekosi bee bamba ya wo ne bekye: Nkolo bo alasi amobika. ¹³ Yesu awoko babona pho ya iwa sa Lazalo, kasi bee baumunyaka nde obothe kawo phoya eyaakolo ebu ¹⁴ Yesu amba ya bawole polele yokye: Lazalo awe, ¹⁵ emba nali na nkyisa pho sikyi baa omo, pho bee oanole. Kasi tokyende oka ye. ¹⁶ Emba Toma, okobangye bee Ipasa, amba ya wo na baekosi bayoko yokye: Na banga tokyende me, emba towene molongo. ¹⁷ Wakoma yo omo, Yesu akye zwa obotshe Lazalo ambo kyela nkolo ine o ilita. ¹⁸ Yelusaleme na Betani bali na itakye sa bakilometele phenephe na baato. ¹⁹ Baikye onte ya Bayuda bayakaka oka Malata na Maliya pho ya iya zala na bee pho ya nwana nyango na bee owawaka. ²⁰ Waaoka Malata obotshe Yesu kaye, amba yakye mobenga o nzela, mene Maliya aikasi azasi o ingambi. ²¹ Emba Malata amba ya wo na Yesu yokye: Nkolo, bo wabaka wawa, nwana mama nde tawa. ²² Kasi na inwanwa eye me, naebe obotshe inso ya moonga we oka Nwaphongo, Nwaphongo amoephe yango. ²³ Yesu amba wo ne yokye: Nwana nyongo amokundwa. ²⁴ Malata amba ya mobuyisa yokye: Naebe obotshe amokundwa imbele saamokundwa bawe o mokolo nwa nsuka. ²⁵ Yesu amba ya wo ne yokye: Nga nali moto okokundole bawee, na okophe bomoo, moto okonzanole, na bo awe amoba nde na bomoo. ²⁶ Emba moto munso oli na bomoo kambe na nzanola etawe. Koanole bomo? ²⁷ Amba mobuyisa yokye: Ee Nkolo, nga naanosi obotshe oli Klisto, Nwana wa Nwaphongo, ookoye o mokyisi. ²⁸ Waaunva yo iwo babona, amba ya kye banga nwana nyango Maliya, amba kolo ne yokye: Moteye aesi, kaebangye. ²⁹ Waaoka Maliya babona, aesi ya inwa izele, aesi ya kyende oli yo. ³⁰ Yesu tataaka nyolo o mokyisi, kasi ataka ba nde o elele eya vanaka Malata ne. ³¹ Bayuda babaka na Maliya o ingambi pho ya izala ne, waamowene bee aino izele, atokosi, bamba ya mobenga, baumunyaka obotshe kakye o ilita pho ya ikye lela omo. ³² Waakoma Maliya o elele eya baka Yesu, wamowene yo amba ka o makolo me, amba wo ne yokye: Nkolo, bo wabaka wawa, nwana mama nde tawa. ³³ Waba wene yo banyingonele, Maliya na Bayuda babaka ne, Yesu aokaka ngongo boikye na bolosi o ndondo ye. ³⁴ Emba amba ya batuna yoke: Bee wamokunda wa? Bamba mobuyisa bekye: Nkolo, yaka ya kyekye. ³⁵ Yesu amba ya lela. ³⁶ Embkye: Kyeka bo wamozingaka yo. ³⁷ Bakyi onte ya bee bekye: Moto owa zibolaka miyo ma moto owa pholoko miyo, taikyi koka ikatela Lazalo iwa. ³⁸ Bobele Yesu amba kula ya oka ngongo o motema amba ya kye o ilita. Yabaka mobongu onte ya mabanga emba ibanga sazibaka muna mobongu. ³⁹ Emba Yesu amba ya wo yokye: Manya ibanga sisi. Malata, nkanasa ya mowe, amba wo ne yokye: Nkolo, kaye solo, pho ambo kyela nkolo ine... ⁴⁰ Kasi Yesu amba mobuyisa yokye: Siika wo na we ngakye, bo oanosi, wamowene nkemo ya Nwaphongo? ⁴¹ Bobele, bamba ya manya ibanga. Yes amba ya tomba miyo o ikolo, amba wo yokye: Tata, naephe melesi pho onzokyi. ⁴² Phele, naebe obotshe konzokye nkolo inso, kasi nawo babona pho ya moluku moondungye, pho baanole obotshe iwe wantoma. ⁴³ Wawo yo babona, amba ya anwana na bokusi yokye: Lazalo, tokolo! ⁴⁴ Emba mowee, aesi ya tokolo, makolo na maboko makangyemi na bitato, na boo phe bozingami na etobu. Yesu amba ya wo na be yokye: Omoingole emba omole kakyende! ⁴⁵ Bayuda baikye onte ya baayakaka yakyeka Maliya, na bawenekye yaakyelaka Yesu, bamba moanolela. ⁴⁶ Kasi bayoko onte ya be, bamba ya kye imola Bafalisayi inso yakyelaka Yesu. ⁴⁷ Banganga banene na Bafalisayi bamba ya angyinya ikyita bamba wo bekye: Tokyele bo? Moto oyo kakyele bilekyesako biikye. ⁴⁸ Bo tomokyekyi bokyekyi babona, bato banso bamoanolela. Baloma bamoya otoo ele esantu ya banga na mokyisi nwa banga. ⁴⁹ Kaifa, monomo na be, owa baka nganga o munene o mbula me, amba wo na be yokye: Bee toosolo. ⁵⁰ toombe na eba obotshe eli bolaa pho ya bee obotshe moto monomo awe pho ya bato, naa obotshe mokyisi mokyisi mobimba mowe. ⁵¹ Taika wo babona na ndengye ye, kasi wabaka yo nganga o munene o mbula me, ambaka imola obotshe yasengyelaka obotshe Yesu awe pho ya mokyisi. ⁵² Teli nde pho ya mokyisi bobele, kasi pho ya iyangyinya elele yonoyo bana ba Nwaphongo baanyangwa. ⁵³ Emba nde mokolo me, bamba wanga imoboma. ⁵⁴ Yango mena, Yesu takulaka tambula mi pha onte ya Bayuda. Amba ya kyende phenephe na obokye, o mokyisi mobangye bee Efalayime, azalaka omo yo na baekosi be. ⁵⁵ Eyenga ya Ilekana ya Bayuda yakomaka phenephe. Oboo pha eyenga ya Ilekana, bato baikye bautaka o mangonda bakyekye o Yelusaleme pho ya imipetola. ⁵⁶ Balukaka Yesu, emba onte ya Tempelo waabaka be, bawonoko bekye: Bee koumunya bo? O eseleko etaye? ⁵⁷ Banganga banene na Bafalisayi bambyaka mitindo obotshe: moto munso wamoeba elele eli yo, asengyesi eyimola pho bamoakya.