¹ Toebe obotshe bo ingambi sa banga sa onse wawa sili nde molaku, kyelukye iwo obotshe nzoto ya banga- toli na ingambi sinene sakyelama na Nwaphongo, ingambi sa bobele o ikolo sitesaika tongama na bato. ²  Emba inwanwa eye tokyimele pho phowa ya banga eli ikye obotshe to kye nyolo o ingambi sa ikolo; ³  Pho ya obotshe tobe na bitobu o nzoto kasi bolumbu phe. ⁴ Pho naino otaaba banga nkolo inso o molaku mumu, tookye mpasi, tokyimele. Teli obotshe tozingye imana o nzoto iye, kasi tozingye obotshe tolate nzoto ya ikolo pho bomoo bomine nzoto ikyi we. ⁵  Eli Nwaphongo yo mampenza owa lobongya pho ya yango, amba lophe na Bolobo phe ndokolo ndanga ya mbolo yaalobongyisa yo. ⁶ Yango mena toli nde na ianola obotshe na botaba banga o nzoto iye, toli o nze ya ingambi sa banga, itakye na ingambi sa Nkolo. ⁷  Pho totambule na ianola kasi na iwene na miyo phe. ⁸  Eli bomoo, totondi na ianola emba tombe nde zinga imana o nzoto iye pho ya ikye zala phenephe na Nkolo. ⁹ Na bo totaba o nzoto iye, na bo tomani mi yango, phowa ya banga eli nde ya ikyela maphoo maamosepelisa. ¹⁰  Pho banga banso toengyesi ikye samba o boo pha Yesu Klisto pho moto na moto azwe iphuti mi inso ya kyela yo o bomoo phe, naa na bolaa naa na bobe. ¹¹ Boebi banga itosa Nkolo, tolukye isosolisa bato obotshe maphoo ma banga mali ma phele. Nwaphongo kaloeɓe na bolaa nambe naanola obotshe o mandondo ma bèe konzebe me. ¹²  Tolookule zinga imitata banga mampenza oka bèe, kasi tozingye iyephe nzela ya iba na mawala pho ya banga, pho oebe ibuyisela bato bawa bamitate nde na maphoo ma ibanda kasi na maali o ndondo phe. ¹³ Bo eli phele obotshe banga toyeya, eli pho ya Nwaphongo, kasi bo tobee na mayele malaa, eli pho ya bèe. ¹⁴  Pho lozingo la Klisto lololekye, banga baanole obotshe moto monomo awa pho ya bato banso, emba eli obotshe bato banso bawa ne o miyo ma Nwaphongo. ¹⁵  Awa pho ya bato banso obotshe bato banso bali na bomoo bée sakula bika pho ya bée mampenza, kasi pho ya owaawa, owaakwa pho ya be. ¹⁶  Yango mena tolookule kyeka moto na motindo nwa bomoto. Na bo phanza tokyekaka Klisto na motindo nwa bomoto, inwanwa eye tolookule mokyeka bomo. ¹⁷  Bo moto aanga na Klisto abuto moto oomunyakune. Mobesi mookasi molemo, mobesi moonyakune motokosi ¹⁸ Maphoo manso mamana maüte na Nwaphongo, owabongya na banga o nzela ya Klisto na owa lophe etoma ya ibuya bato bayoko o mabongye ne. ¹⁹  Pho o nzela ya Klisto, Nwaphongo abongyaka na bato banso sakyeka masumu ma be. Amba lophe etoma ya ikye imola mabongye mɛ. ²⁰ Toli batoma ba Klisto, eli ndokolo nde Nwaphongo yo mampenza kaebangye o nzela ya banga; toebondi, na nkombo ya Klisto obotshe, anola obotshe obongye na Nwaphongo. ²¹  Yesu Klisto taika kyela isumu, kasi Nwaphongo amunyosa o isumu sa banga, pho ya obotshe, o nzela ye tobutwe bato ba bosembo o miyo me.