¹ Wa mowo obotshe banga tokuli tata imitata? Na toonisengyela ya bato baayoko ieteya nkanda na ieyonga yango pho ya iweninya obotshe toli bakolo batoma. ²  Mokanda nwa banga eli nde be, nwaakoma Klisto o mandondo ma banga, moebane moombe na tangama na bato banso. ³  Eli phele obotshe bée oli mokanda nwaakoma Klisto o nzela ya banga. Taika mokoma na maa ma mokanda, amokoma na Bolobo pha Nwaphongo oli na bomoo. Taika mokoma o ikolo sa mabanga, amokoma o mandondo ma bato. ⁴ Towo babona pho Yesu Klisto aloteya obotshe eli Nwaphongo owa lotoma. ⁵  Tolokokyi imitata obotshe bokusi bokyele na banga etoma me boüte na banga mampenza, bokusi me boüte nde na Nwaphongo. ⁶  Eli yo moto okolophe makokyi ma iba bato ba etoma ya sangola eenyakune, teli na mobeko nwakoma be, kasi na Bolobo; pho mobeko nwa koma bée mobome kasi Bolobo kaphe bomoo pha bobele na bobele. ⁷ Mobeko nwa komamaka o ikolo sa mabanga emba nkyemo ya Nwaphongo ya wenenekye imbele me. Boo pha Mose pha ngyengyekye na bokusi, ba Isalayele tebaikaka koka na ibokyeka, kasi ingyengye me tesaikaka na koko. Bo mobeko mokambe bato o iwaa nwa tokoloko na nkyemo. ⁸  Ka wa mokyela Bolobo etoma, ngyemo ya Nwaphongo yamba ba bo? ⁹ Bo mobeko mophe bato etumbu moli na nkyemo, ka nkyemo ya sangola eenyakune ekyebuya bato, bato ba bosembo o miyo ma Nwaphongo yamoba ndengye'ye! ¹⁰  Tokokyi na iwo obotshe nkyemo yaangyengyekye kalakala tiikokane na ya lolo eye, ikyilekye ya kalakala. ¹¹  Pho bo sangola eekasi ya imbele sikuwe yabaka na nkyemo, nkyemo yaamba ba bo pho ya sangola eenyakune eyamoikala bobele. ¹² Toli na ianola pho molemo nwa banga moli i maphoo mamana. ¹³  Banga tolokyele ya Mose owazibaka boo phe na etobu pho bato ba Isalayele, bée sawene obotshe ingyengye me silemo. ¹⁴ Kasi bato ba Isalayele tebakuli ba na mayele; nono lolo eye, watangye bée babuku ba sangola eya kalakala, etobu eyaziba bèe o boo etaaba nde omo. Naino tebaemanye, pho kyemane nde o nzela ya Klisto. ¹⁵  Na lolo eye, watangye bée babuku ba Mose, etobu yonoyo kyezikne mayele ma e. 16 Eli nde na iɓongola ndondo oka Nkolo, etobu mɛ kyeembe mana. ¹⁷ Pho Nkolo ali Bolobo, emba elele eli Bolobo pha Nkolo, wamo wali bonsomi. ¹⁸  Emba banga banso batebaakule ziba maboo, toweninya nkyemo ya Nkolo; yango mena tobongwa pho ya iülana na Nkolo tombe na mana o nkyemo inkyinkyi, tobutwe o nkyemo iinene na nzela ya Nkolo oli, Bolobo.