¹ Inga Polo, nga mampenza naongye na bèe na ndondo elaa nana boboto pha Klisto, kanga okowo bèe bekye: Nabe moto wa bose wabe nga na bèe elele yonoyo, kasi moto wa nkamba wabe nga itakye na bèe; ²  Naebondi; santoma obotshe nateya nkamba ya nga waamoya nga oka bèe, pho nakane iteya nkamba me na bokusi bonso oka bato baümunyaka obotshe inga na bengye nde maphoo ma bomoto. ³  Phele, toli bato, kasi toloŋwane na ndengye ya bomoto. ⁴  Binwanele biinwane na banga tebaika uta na bato, kasi eli binwanele bikusi ba Nwaphongo, pho ya inyangole bilele binso biimibombe banguna. Tonyangole maümunya maabe. ⁵ na lolendo loso lokatele bato ieba nzela ya Nwaphongo. To kangye maümunya manso pho ya obotshe matosa Klisto. ⁶  Waaloweninya bèe obotshe kolotosa, toli phenephe na iphe bato batebalotosa etumbu. ⁷ Kokyekye nde maphoo mawenene o ibanda; bo moto monomo kawo obotshe ali moto wa Klisto, aebe obotshe na nga nali moto wa Klisto me. ⁸  Pho sikokyi ioka nso nabo namitati, na bokonzi pha loophe Nkolo, bokonzi boli na ntina ya iekuya kasi ienyangola phe. ⁹ Sizingye obotshe na eiyisa na nkanda ya nga. ¹⁰  Pho kyeka bokowo bèe: Nkanda ya Polo kyilozokya o mandondo; kasi wabe yo na banga elele yonoyo tabe na bokusi, na maphoo me mali nde phaa. ¹¹ Kasi moto okowo babona aebe na bolaa obotshe ndengye eekyekomele nga nkanda na itakye, namokyela nde bomo o wa moba nga na bèe elele yonoyo. ¹²  Pho banga etelomimekye na bato baayoko, baamiwene obotshe bée bakoka. Bali bibubusi, mobesi nwa bée bamokpe ndokolo mumekyele, bambe mimeka na nwango. ¹³ Pho ya banga, tomitate nde na etoma eya lophe Nwaphongo. Etelomitate na lowoo losuu. Etoma eya lophe Nwaphongo eli ya iyaa na oka bèe me . ¹⁴  To loikyi leka mandelo nde bo ebakyi obotshe toloikyi yaa oka bèe, toekomesi nde phele bato ba o boo oka bèe na Nsimo Elaa ya Yesu Klisto. ¹⁵ Yango mena, tolomitate na bitoma bakyela bato basuu. Kasi tozingye nde obotshe ianola sa bée sikole, pho etoma ya banga onte ya bèe ekole me, kasi nde o mandelo maalomekyela Ŋwaphongo. ¹⁶  Sima, tokokyi ikyenimola Nsimo Elaa o nkyisi ili itakye na bèe, ili naino saeyoka. Emba etolomitate na etoma eya kyela bato basuu. ¹⁷ Kasi bakoma o buku pha Nwaphongo obotshe: Moto okozingye imitata, amitate nde na maphoo makyela Nkolo. ¹⁸  Pho Nwaphongo taanole moto okomitate yo mampenza, kasi nde yo oko sambe Nkolo.