Nenongodei dhoni subia Klisto. Keono dema, na zamili namo aonisi usuudha namo subia Loo Motakatifo. ² kagea mutamo bojia na teseka asii aiki subia meema'ani. ³ Kanyongoo netoo pasa ne konde nebhe lambe na ika dhanga na Klisto kanyongoo a badani, buno a enju namo ka ngobo. ⁴ Bane Baisilaeli. Beenei baebise banichi, bodoko, agano, selia, udhuma subia ekalo, na boagi. ⁵ Bane bafhomi buno Klisto abiki na esima ka ngobo n'mbo ambe Mokonga gua bobu. Adokomane esa bubui. Amina. ⁶ Alakini n'naake gea yonga a Mokonga katoki. Kanyongoo n'naake kila n'kpa ka Isilaeli n'mbe ane Muisilaeli. ⁷ N'naake ebokoti buli a Abulahamu bune bane dhoni banichi. Alakini, " Ane kanyenea Isaka aange abhokoti nako atokaae." N'ne ane, banichi'a ka ngobo banaake banichi a Mokonga. Alakini banichi a boagi bune baonekani bya basiko. ⁹ Kanyongo n'ne ange yonga aboagi: " Ka matu ne nebikaae, Sarah an'bedhaku michi." ¹⁰ N'na tondo n'ne, alakini mbusa i Lobeka aya kumbi leme a moko, abasu Isaka ¹¹ kanyongoo banichi bakaya bokotani'ake mbe bakayagiia'ke mbe kema anja ao ajede, ka gea sabaa a Mokonga sawa be somboa naje a mame, ¹² n'na kanyongo a n'kasi, alakini kanyongo a n'mbo bayamoofhani bayan'ngodei, " Fhomi an'tomikiaae moto'ake." ¹³ Ane saa beno bayaandeki: " N'nkondi Yakobo, alakini nen'jye Esau." ¹⁴ Beyongaae goto eke? Ekindi a n'chi mochi a Mokonga aonekani? N'naopasa abe. ¹⁵ kanyongoo ayan'ngodei Musa, " Neehumia buno nena huluma'abo, na ekuliaae ngomi buno nebaae na ngomi'abo." ¹⁶ Ka bene gaake, n'na kanyongo a n'mbo aokonda, ao kanyongo a n'mbo aoga mbango, alakini kanyongo a Mokonga, n'mbo ao onisa huluma. ¹⁷ Kanyongo maandeko an'ngogei Falao, " Kenyongo a sabaa ne anja neye ko sakuu, kanyongo neonese bokuu namo subia'ako, na kagea ina'amo balabeu ka mokonda buli. " 18 Kine gaake, Mokonga ana ngomi muta n'mbo akondi, na n'mbo akondi, na n'bisaake na moo akpe. ¹⁹ Omoongodea, " kanyongo sina otondo'odonda bojede subi'ani? Kanyongo ani akakamisi ekondi nake?" ²⁰ Ka namuna angboo, n'kpa, ona ani n'mbe oon'jibua Mokonga? N'no baodoa ayonge mutaa n'mbo aodoa u, " Kayongo sina omogii nee bene?" ²¹ N'bongisi n'na na bokota gua toko ka bongisa kema mutaa n'bongisi onjanja ka toko kagea kema anja, na toko angboo ka gea kema ajede? ²² Eke kabe Mokonga, n'mbo aokonda aonese bela nake na gea bokuu nake aonekane, aikiki na vumila asii n'ne ana bela ne abisi kanyogo a ujakana? ²³ Eke kabe ayagii n'ne kagea aopasa aonise imona a bodhoko nake gua ngomi asii, n'ne bayabisi kpanga kala ka bodoko? ²⁴ Eke kabe aya gii goto n'ne kanyongo nasu, buno ayaebhofhani, n'na tondo toka subia Bayaudi, alakini tika goto subia bakpa a mokonda? ²⁵ Bene agii goto subia Hoseya: " Neebhofhanaae bakpa namo buno bakayatu'ake bakpa namo, na n'kondi nabo n'mbo bakaya n'kondi. ²⁶ Abaae gea oma no bayaengodei, ' Boko'ake bakpa namo,' fua baebofhana ku ' banichi'a Mokonga n'mbe aikiki." ²⁷ Isaya aya gami gua Isilaeli, kabe esab'o a banichi a Isilaeli ayatu ubate n'sea a ob'a, abae buno bajigi aange balamaae, ²⁸ kanyongoo Bosomwa abhedhaae yonga nake ka mokonda bubui kanga cheebua." ²⁹ Bene Isaya aya yongi kpanga kala, " Kabe Bosomwa a bamani kaya edeketi'ake mbusa ebokoti kanyongo nasu, beyepasi ba ubate Sodoma, na beyepasi ba ubate Gomola." ³⁰ Kema sina beyongo? Gea bakpa a ka mokonda bune baya iki kanga uba dhoni, payapati dhoni, dhoni subia belekea. ³¹ Alakini Isilaeli, n'mbe aya kabhi selia a dhoni, kayakidi'ani ka selia. ³² Kanyongo sina n'na bene? Kanyongo bakaya kabhiu ka belekea, alakini bene kabe ka mokambo. Babhetekani gua ete a betekisa, ³³ bene bayaandeki, " Lengani, nebisi ka Sayuni ete a betekise na etandale a mboma. N'mbo abelekei subi, kakue ku na soni."