¹ Kabene ye ukumu a ggutu n'naake mutaa bune baiki subia Yeso Klisto. ² Kanyongoo selia a Loo a maisa subia Yeso Klisto akobisi hulu toka ka selia a jambi na kukua. ³ kanyongoo n'no selia kayatoki agee kanyongo kaya kpekpemani kanyenea ngobo, Mokonga aya gii. Ayan'teki michi'oke sisake ubate ngobo a jambi abe fhela kanyongo a jambi, aya ukumu jambi subia ngobo. ⁴ Aya gii bene kanyongo amuli a selia ayapasi aonekane subi'asu, besu bune beotamba n'na ka ngobo, alakini ka Loo. ⁵ Buno bune baiki ka ngobo babisi mawazo nabo ka kema a ngobo, alakini buno bune baiki ka Loo babisi mawazo nabo ka kema a Loo. ⁶ Kanyongoo siki a ngobo ane kukua, alakini siki ne babisi gua Loo ane maisa na bonjanja. ⁷ Siki a ngobo ane koadhui na Mokonga, kanyongoo n'naobhea selia a Mokonga, ao katoke ku gea bene. ⁸ Buno baiki ka ngobo, bakatoke ku n'fulaisa Mokonga. ⁹ Ka bene, koake goto ka ngobo alakini subia Loo, kabe dhoni Loo a Mokonga aiki subia'ko. Alakini kabe n'kpa n'na na Loo Klisto, n'naake mutake. ¹⁰ Kabe Klisto aiki subia'ko, ngobo aku ka kema a jambi, alakini loo aiki na kema a dhoni. ¹¹ Kabe Loo a n'mbo ayaku aiki subia'ko, n'mbo ayan'fufuli Klisto mutaa baku akofhaae goto maisa a ngobo a kukua kanyenea Loo nake, n'mbo aiki subia'ko. ¹² Kabene, badani, bena dheni, alakini n'naake ka ngobo aiki ka ngobo. ¹³ Kanyongoo Kabe oiki ka ngobo, oogea okue, alakini kabe bogii ka Loo bokuusi mokambo a ngombo, benu boikaae. ¹⁴ Kanyongoo bena bakpa asii baotamba na Loo a Mokonga, buno bane banichi'a Mokonga. ¹⁵ Boko patiake loo a bokobhe kagea boikegoto ka tea; alakini boyepati Loo a jiga banichi, kino beo koga, "Abba, Abee!" ¹⁶ Loo ye sissake abikisi usuudha na loo nasu gea bene banichi'a Mokonga. ¹⁷ Kabe bene banichi, bene goto baliti, baliti a Mokonga. Bedondani na Klisto, kabe gaake beteseki na ye kagea beopasa goto dokomana na ye. ¹⁸ Kanyongoo neoni gea teseka a saa ne n'naake a faidha n'ne aenei abe ubate bodoko ne akodhokanaae mutasu. ¹⁹ Kanyongoo baikiki bobu baobhondea na siki onekana a banichi'a Mokonga. ²⁰ Kanyongo kema buli n'ne baya bongisi ayaiki kusia kema jaai, n'na ka ekondina nake, alakini kanyongo nake ayaikidhi u, subia mosenda ²¹ gea kema ne baya bongisi sisake atokaae ka bokobe a ujukana, bikaae ka kodhokana a bodoko a banichi'a Mokonga. ²² Kanyongo beubi ngongonaga na mokambo ajia oma imochi ata bene. ²³ N'na tondo bene, alakini ataa besu sisasu, besu bune bene ba mbuka a mosa a Loo Motakatifo, bemoti subia nafusi nasu, bene beobondea asii ka bisa'asu banichi a mamulaka, na lama a ngobo nasu. ²⁴ Kanyongoo ane ka mosenda ne aange belami. Kagea mosenda ne aonekani n'naake mosnda. Kanyongo ani aosenda kino aopasa ona? ²⁵ Alakini kabe bebisi mosenda kini n'nao onekana, beobondea u ka vumilia. ²⁶ Ka namuna ne imochi, Loo aoso bhedhea ka koboboko nasu. Kanyongoo bekeo ube namuna sina beenei be meme, alakini Loo sisake aolaba kanyongo nasu na samba ne koatoke ku yonga. ²⁷ N'mbo aotomba meema aubi mawazo a Loo, kanyongo aoelabea bakpa a Mokonga sawa na ekondi a Mokonga. ²⁸ Beubi gea ka buno baon'konda Mokonga, ao tomika kema buli oma imochi, kanyongo a buno baebhofhani ka sabaa nake. ²⁹ Kanyongo buno aya eubi mosa aya aya ebisi mosa babhe naumuna imochi na maenge a Michi'oke, kagea aopasa abe n'somo subia badake asii. ³⁰ Buno aya ebisi mosa, buno aya ebhofhani. Buno aya ebhofhani aya eubi, bune aya edhokomisi goto. ³¹ Kema sina, alakini, beenei beyonge kema sina? Kabe Mokonga ane mutasu, ani aenei asokinde? ³² Ye n'mbe kayan'lamisi Anake alakini ayan'fholei kanyongo nasu besu bobu, namuna sina katokeku goto asofhe kema buli jaai? ³³ Ani aenei abikise masikaki asii gua basombo a Mokonga? Mokonga aambe aoebisa. ³⁴ Ani n'mbo ao ukumua? Yeso Klisto aambe ayaku keguasu na nyena n'no buli aya fufuki na ika ka njaga a muuku a Mokonga, na n'mbo aolaba kanyongo nasu. ³⁵ Ani aenei ao katanise na ekondi a Klisto? Teseka, ao okame, oa gbutu, ao n'nja, aao keso ngombe, ao opanga, ao dusukana? ³⁶ Saa bete baya endeki, " Ka faidhe nako baoso ola esa buli. Bejigi ubate ba mogogo ka tena'asu kingo." ³⁷ Subia kema buli ne benee kanyene bakindi subi'ake n'mbo aya sokondi. ³⁸ Kanyongoo netoubi gea ata kukua, ata maisa, ata ba malaika, ao bokota a n'nji, ao kema ne aobika, ao bokuu, ³⁹ ao dhafa, ao ndia, ao kema bubuli n'ne baya bongiai, aopasa aso katanise na ekondi a Mokonga, n'ne asubia Yeso Klisto Bosomwa nasu.