¹ Ao bokoo uba, (kanyongoo neoyonga mutaa bakpa ne baouba selia), gea selia ain'kidhii n'kpa ka saa buli ne aiki. ² Kanyongoo n'ke a eyamani abombotani na selia muta munyake saa ne aikiki, alakini kabe munyake aku, atoki kusia selia a eyamani. ³ Kabene, saa ne munyake aikiki, kabe aiki na moko ongboo, bamoofhanaae atungani. Alakini, kabe munyake aku, ane hulu ka selia, bene ka'ake n'mbe atungani kabe aiki na moko ongboo. ⁴ Kabene, badani, na benu bayano bisi baku ka selia ka afhe a ngobo a Yeso Klisto. N'ne ane kagea boopasa boiki kimochi na bakpa angboo, n'no ane muta n'mbo aya fufuki toka mutaa baku, kanyongo ne beopasa bofholee mbuka kanyongo a Mokonga. ⁵ Kanyongoo beyetu subia ngobo, siki a jambi, aya kidhiani kanyenea selia, ayatu subia gbutuka a ngobo nasu na bhoktaa mbuka a kuka. ⁶ Alakini beye kodhokani toka ka selia. Beyeku kino kanyenea n'no beye dhakekani kao. N'ne ane kagea beopasa betomikie loo a keekee, n'naake ka balua a kala. ⁷ Beyonge goto ekee? Selia ane jambi? N'naopasa ab'e. Kabene, keyetokia'ake neube jambi, kabe n'natu kanyenea selia. Kanyongo keyetoki'ake neube kpadha kanga selia ayonge, " Kokonde mbe." ⁸ Alakini jambi ayapati oma kanyenea amuli na bhokotaa namuna bubuli a kpadha subi'ani. Alakini kanga selia, jambi ayaku. ⁹ Ka saa imochi neye iki kanga selia, alakini saa ne amuli aya biki, jambi ayaikidii maisa ¹⁰ neyeku. Amuli ne aya bikisi maisa aya gaekani aoba kukua mutamo. ¹¹ Kanyongoo jambi ayapati oma kanyenea amuli na tena'ani mosenda. Kagea amuli amooli. ¹² Kagea selia aanja, na amuli aanja, dhoni, na bhonga. ¹³ Kabene ane anja kuka abike mutamo? N'aopasa abe. Alakini jambi, kagea aopasa aoneka abe jambi, abiki ka kakua subiani kanyenea n'ne ayatu anja, na kanyenea amuli jambi aopasa bika soni asii. ¹⁴ Kanyogoo beubi gea selia ane a loo, alakini nene ka ngobo. Baya mosombisi kusi a kokobhe a jambi. ¹⁵ Kanyongo n'ne neogea, keouba anja. Kanyongo n'ne neokonda gea, kaogea, na n'ne neokpema, neobea. ¹⁶ Alakini kabe negii n'ne keokonda, nebelekeani na selia gea selia aanja. ¹⁷ Alakini n'naake danga negii u, alakini jambi n'ne aiki subiani. ¹⁸ Kanyongo neubi gea subiani, n'ne akangoboa'ni, kama ajede aiki. Kanyongo siki a bonjaanja asubiani, alakini ketoke ku gea u. ¹⁹ Kanyongoo bonjanja ne neokonda, keogea u, alakini bojede ne keokonda, aange neogea. ²⁰ Bene kabe negii n'ne keokonda negee, n'na n'no neogea, alakini ane jambi ne aiki subiani. ²¹ Bene, netondi selia ne: Saa ne neokonda negee kema anja, bojede ange abiki mosa'ani. ²² Kanyongoo nefulai subia selia a Mokonga na kokpa a subiani. ²³ Alakini neoni selia asii subia gbutuka a ngobo namo. Neo mana na selia a keekee subia mawazo namo. Amobisi n'kobhe ka selia a jambi n'ne aiki subia gbutuka a ngobo namo. ²⁴ Nene n'kpa a ngomi! Ani amofholeaae ka ngobo ne akukua? 25 Alakini akisanti mutaa Mokonga kanyenea Yeso Klisto Bosomwa nasu! Kagea, eme sisani neotomikia selia a Mokonga na mawazo namo. Kabene, na ka ngobo neotomikia seila a jambi.