¹ Begeaae kema sina? Beenei bejige subia jambi kagea ngoola abe asii? ² N'naenei ab'e. Besu bune beyeku ka jambi, namuna sina beenei beike subii? ³ Bokoo uba gea bakpa asii bayaebatizi subi Yeso Klisto bayaebatizi subia kukua nake? ⁴ Bayasoumbi, bene, naye kanyenea ubatizo subia kukua. N'ne ayakidhiani kagea bene Klisto ayafufuki toka mutaa baku ka bodoko a Abe, beopasa goto betambe maisa a mopiya. ⁵ kanyongoo kabe bebombotani naye subia kengeanaga a kukua nake, bebombotanaae goto na ufufuko nake. ⁶ beubi n'ne, gea n'kpa nasu a kala baya n'kpati naye ka gea gea ngobo a jambi aopasa aujukane. N'ne ayakidhiani kagea bekeye pasi'ake bejige bakobhe a jambi. ⁷ N'mbo ayaku bamoohani n'kpa a dhoni ka jambi. ⁸ Alakini kabe beyeku na Klisto, bebeleki gea beikaae goto naye oma imochi. ⁹ Beubi gea kpanga bene Yeso aya fufuki toka muta baku; katoke goto akue; kukua katokeku goto aike guake. ¹⁰ Kanyongoo ka mbino a kukua n'ne ayaku kao ka jambi, ayaku mala imochi ka buli. Kabene, maisa ne aya iki kao, aya iki kanyongo a mokonga. ¹¹ ka namuna ne mochi, oopasa uba sisako okue ka jambi, alakini ikika mutaa Mokonga subia Yeso Klisto. ¹² Kabene kodekete jambi aike gua ngobo ako akua kagea oesimie kpadha nake. ¹³ Kofholee mbe gbutuka a gbobo nako ka jambi, abe ngoa atomikia ka bojede. alkini bika sisako mutaa Mokonga ubate buno bayatoki ka maisa a kukua, na bisa gbutuka a ngobo nanu mutaa Mokonga ubate ngoa atomikia kanyongo a bonjanja. ¹⁴ Kokonde mbe jambi aike guako. Kanyongoo koake kusi a selia, alakini kusi'a ngoola. ¹⁵ Kema sina? Befanye jambi kanyongoo bakeake kusi'a selia, alakini kusi'a ngoola? Katoke ku ab'e beno. ¹⁶ Koo uba gea kabe oebisi sisako ubate n'kobhe, one n'kobhe muta n'mbo oomoesimia? N'ne ane dhoni bone bakobhe a jambi, n'ne aogeesa ka kukua, ao bakobhe ka esima, n'ne aoegeesa ka bonjanja. ¹⁷ Alakini akisante mutaa Mokonga! Kanyongo boyetu bakobhe a jambi, alakini boye esimii katoka ka meema badake na mafundiso n'ne bayanofhi. ¹⁸ Bayaebisi hulu toka ka jambi, na bayanobisi bakobe a dhoni. ¹⁹ Neyongi ubate n'kpa kanyongoo a koboboko a ngobo nanu. Kanyongoo bene bobisi gbutuka a ngobo nanu ubate bakobhe kema a n'kiki, aotoka subia kema ajede asii, ka namuna ne, bisani gbutuka a ngobo nanu ubate bakobhe a a dhoni ka bonjanja. ²⁰ Kanyongoo saa ne boyetu bakobhe a jambi, boyetu hulu toka ka dhoni. ²¹ Ka saa no, mbuka sina onee a kema ne aona soni kao? Kanyongo mbuka a kema ne ane kukua. ²² Alakini bene gaake bayano bisi hulu toka subia jambi botoki ka bokobhe mutaa Mokonga, bona mbuka nanu ka bonjanja. mbuka a maisa a esa bui. ²³ kanyongoo musaala a jambi ane kukua, alakini egabo a Mokonga ane maisa a esa bui subia Yeso Klisto Bosomwa nasu.