¹ Kpanga bene bayasoubi ka belekea, beiki anja na Mokonga kanyenea Yeso Klisto Bosomwa. ² Kanyenea'ake bengi ka belekea subia ngoola n'ne bemami kao, na ebeba subia mosenda a bodoko a Mokonga. ³ N'na tondo n'ne, alakini beebebi goto subia teseka nasu. Beubi gea teseka aobikisa kakamana. ⁴ Kakamana aobikisa bokichwa, na bokichwa aobikisa mosenda, ⁵ na mosenda n'naobikisa soni kanyongo ekondi a Mokonga aya dhukukani subia meema nasu kanyenea Loo Motakatifo, n'mbe bayasofhi. ⁶ Kobhobhoko aso bedhi ka saa aboa, Yeso ayaku ka saa anja kanyongo a bakpa ajede. ⁷ Kagea abae akpe n'kpa akue kanyongon a n'kpa anja, saa angboo n'kpa mochi aenei akengee akue kanyongo a n'kpa anja. ⁸ Alakini Mokonga ayaonisi ekondi nake mutasu, kanyongoo saa ne beyetu bakpa a jambi, Klisto ayaku kanyongo nasu. ⁹ Mala asii, goto, bene, basoubi kanyenea majia nake, belamaae kao toka ka bela a Mokonga. ¹⁰ Kanyongo kabe, saa ne beyetu baadhui, beyepatani mutaa Mokonga kanyenea kukua na Michi'oke, mala saii, kisa patanisa'asu, belamaae kanyenea maisa nake. ¹¹ N'na tondo n'ne, alakini befulai goto subia Mokonga kanyenea Bosomwa nasu Yeso Klisto, mutake bepati okana ne. ¹² Goto, kabene mokonda buli ayangi ka jambi kanyenea n'kpa mochi, na bene ange kukua ayangi kanyenea jambi. Na kukua aya fhanjekani mutaa bakpa bobu, kanyongoo bobu bagii jambi. ¹³ Kanyongo mosa a selia, jambi ayayu ka mokonda, alakini, bakaya ubi jambi saa ne selia n'natuake bei. ¹⁴ Ataa bene, kukua aya iki kpanga Adamu mopaka Musa, ataa gua buno bakaya gii jambi ubate kosa esima a Abdamu, n'mbe ayatu malikua'ake na n'mbe aya biki. ¹⁵ Alakini egabo a jaai n'naake ubate bojede. Kanyongoo kabe ka bojede a n'kpa mochi bakpa asii bayaku, mala engaani asii ngoola a Mokonga na egabo kanyenea ngoola a n'kpa mochi, Yeso Klisto, aongezeki kanyongo a bakpa asii! ¹⁶ Kanyongo egabo n'naake ubate onekana a jambi a n'kpa. Ukumu aon'bea n'mbo agii bojede na bikisa gbutu, alakini egabo aobea bojede asii na bikisa ubukana ka dhoni. ¹⁷ Kanyongo kabe, kanyenea bojede a n'kpa mochi, kukua aiki kanyene n'mbo mochi, mala engaani, buno bapataae ngoola asii na egabo a dhoni batawalaae kanyenea maisa n'mbo mochi, Yeso Klisto. ¹⁸ Ka bene, kabe kanyenea bojede imochi bakpa bonu bayapati gbutu, kabe kanyenea mokambo anja mochi bayasoubi kao kanyongo a maisa a bakpa bubo. ¹⁹ Kagea kabe kanyenea koso esima a n'kpa mochi bakpa asii baya ebisi bakpa a jambi, ataa kanyenea esima a n'kpa mochi bakpa asii baebisaa ka dhoni. ²⁰ Alakini selia ayabiki ka ngbotisa bojede. Alakini fua jambi atumi, ngoola atumi asii. ²¹ N'ne ayakidiani kagea, bene jambi aikidhii kukua, na be ange ngoola aenei aikidhie bonjanja kanyongo a maisa a esa bui kanyenea Yeso Klisto Bosomwa nasu.