¹ Kema sina beyongaae gea Abulahamu, tatasu ka ngobo, apatekani? ² Kanyongoo Abulahamu aya ubukani ka mokambo, ayapasi abe na selia aebeba, alakini n'naake mosa a Mokonga. ³ Kanyongo maandeko agii eke? " Abulahamu ayan'belekei Mokonga, na baya muubi ana dhoni." ⁴ Bene ka n'mbo ao tomika, musaala nake banao uba u ubate egabo, alakini ubate n'ne baopasa ban'lipe. ⁵ Alakini mutake n'mbo n'nao tomika alakini abelekei mutaa n'mbo amuubi kana bojeme, belekea nake aubukani ubate n'kpa a dhoni. ⁶ Davidi aya yongi kalamo mutaa n'kpa ne Mokonga amuubi ana dhoni kanga mokambo. ⁷ Agii, " Kalamo abe muta buno bafholei mokambo ajede nabo, na bune babhumbi jambi nabo. ⁸ Kalamo mutaa n'kpa no Bosomwa kaubaae jambi nake." ⁹ Boni, baya yongi kalamo tondo mutaa bakpa ne bagu ganja ao goto mutaa bune baka gu ganja? Kanyongo begii, " Baya muubi Abulahamu n'kpa a dhoni ka belekea." ¹⁰ Namuna sina baya muubi? Ayatu mosa a mbusa agua ganja? Kayatuake mbusa, alakini mosa! ¹¹ Abulahamu aya pati alama a ganja ubate n'dhakio a dhoni n'ne ayaoati ka belekea saa ne kaya guake ganja. Sabaa ayatu abike abake na buno bobu baobelekea alakini n'na buno bayagu ganja, kagea bayapasi bae buuube bakpa a dhoni. Ane goto abake bagu ganja buno baka tondo bagu ganja alakini buno bagoto'o tamba ka afhe a belekea n'ne abasu Abulahamu ayatu ne mosa ague ganja. ¹³ Kanyongo boagi a Abulahamu na basukuake n'ne bayapasi ba be na uliti n'na tuake kanyenea selia alakini knyenea dhoni a belekea. ¹⁴ Kanyongo kabe baiki kanyenea selia baopasa ba baliti, belekea kana kema, na boagi ane jaai. ¹⁵ Kanyogo selia abikisi bela, alakini selia n'naake bei, bojede n'naake bei. ¹⁶ Kanyongoo bene ane kanyenea belekea, kagea boagi aopase ajige ka ngoola na n'toke mutaa basukuake buli a Abulahamu n'na tondo ka buno baiki kusia selia, alakini goto mutaa buno bagabi belekea a Abulahamu. Ane abasu besu bobu. ¹⁷ bene bayaandeki, " Netokobisi abake na n'njin asii." Abulahamu ayatu mosa a n'mbo ayan'tomainii, n'mbe ane, Mokonga, n'mbo aogaba maisa mutaa baku na bikisa kema ne n'nao onekana a onekane. ¹⁸ Ka mosenda aya beleki ka mosenda, gea aya pasi abe abake na n'nji asii, sawa na n'no ayagii, " Bene ange basiko nako babaae." ¹⁹ Kanga bika n'kusi ka belekea, anabisi ngobo'ake sisake ubate n'ku (kanyongo ayatu na mwaka bibi'a mia imochi a fhoma), na kukuawa a sofho a Saraha. ²⁰ Alakini kanyongo a boagi a Mokonga, Abulahamu kaya kpemi'ake subia kanga belekea. Alakini, aya kakamani subia belekea na n'dokomisa Mokonga. ²¹ Ayaubi gea n'no Mokonga aya mofhi boagi, aya toki goto akidhiane. ²² Ka bene, n'ne ayatu goto "baya muubi ubate n'kpa a dhoni. ²³ Alakini yonga " baya muubi" bakaya andeki tondo kanyongo nake sisake. ²⁴ Bayaandeki goto kanyongo nasu, na baya soubi buno baon'belekea n'mbo ayan'fufui Bosomwa nasu Yeso toka mutaa baku. ²⁵ N'ne ane n'mbo bayan'fholei kanyongo a bojede nasu na aya fufuki kanyongo a ubukana nasu.