¹ Bayaudi bana faidha sina? Na faidha sina a gua ganja? ² Ane anja asii ka afhe buli. A kwanja ka bui, Bayaudi ne baya pati ufunua atoka mutaa Mokonga. ³ Kanyongo sina kabe Bayaudi bayatu kanga belekea? Kanga belekea nabo afholeaae belekea a Mokonga? ⁴ Kabhe ku bene. Alakini, Mokonga abhe dhoni, ataa bene bakpa asii bana mbea. Bene baya andeki, " Gea oopasa ooneka na dhoni sbia yonga nako, na gea oopasa okinde saa ne bobiki ka ukumu." ⁵ Alakini akbe bojede nasu aonisi bonjanja a Mokonga, beopasa gea eke? Beenei beyonge gea Mokonga n'naake onjanja ka bikisa beli nake guasu? (Neoyonga ka namuna a bakpa.) ⁶ N'naotoka abhe. Kanyogoo namuna sina Mokonga aopasa aukumue mokonga? ⁷ Alakini kabe ka mbea namo dhoni a Mokonga adhafisi bodoko nake, namuna sina nebaae tondo ubate n'kpa a jambi? ⁸ Kanyongo sina bekeenei beyonge, bene baya soyongei mbea na bene bunanbgoo bagii gea beyongi, " Begee bojede, kagea bonjanja abike?" Ukumu nabo ane dhoni. ⁹ Eke goto? Beo elabea sisasu? N'aake. BKanyongoo Bayaudi na Bagili baya sositakei kala, bobu, baiki kusia jambi. ¹⁰ N'ne ane ubate bayaandeki: Tafho n'mbe ana dhoni, ata mochi; ¹¹ tafho n'mbo ao uba; tafho n'mbo aon'kaba Mokonga. ¹² Bobu bagee mbamba; bobu babiki kanga maana. Tafho n'mbe aoge anja, n'ake, n'na mochi." ¹³ " Mogoo nabo ane bota ne aukukani. Edhaka nabo aoyonga mbea. Bojia a njoka aiki kusi a afhenoko nabo." ¹⁴ " Ebombo nabo atumi na n'bumo na bojia." ¹⁵ " Echinji na ana mbango ka dhuka majia. ¹⁶ Afhe nabo ane ujukana na teseka. ¹⁷ Bakpa ne bakao uba afhe a dhoni." ¹⁸ " Tea a Mokonga n'naake mosa a iso'abo." ¹⁹ Bene beubi gea kema buli n'ne selia agii, ayongi mutaa buno ba kusia selia, kagea kila ebombo adakekanaae, na mokonda buli ajibue mutaa Mokonga. ²⁰ Kanyongo tafho ngobo ne aubukanaae ka mokambo a selia kiso'ake. Kanyongoo ubafha a jambi abiki kanyenea selia. ²¹ Alakini kanga selia, dhoni a Mokonga aubukani, muta buno selia na ban'nabi aubukani. ²² Dhoni a Mokonga kanyenea belekea subia Yeso Klisto mutaa buno bobu ban'belekei. Kamyongoo egabo n'naake bei. ²³ Kanyongoo bobu bayagii jambi na dida ka bodoko a Mokonga, ²⁴ baebisi ka dhoni a jaai ka ngoola a kodhokana n'ne ane subia Yeso Klisto. ²⁵ Kanyongoo Mokonga ayan'fholei Yeso Klisto ubate fhela a dondanisa kanyenea belekea subia majia nake. Ayan'fholei Klisto ubate usuudha a dhoni nake, kanyongoo a kanga lenga a jambi a kala ²⁶ ka bondea ne. N'ne ayatu bonjanja nake ka saa ne, gea aopasa abe na dhoni na moonisi a n'mbo ana belekea subia Yeso. ²⁷ Ka oma sina oobeba kao? Batokisi. Kanyenea namuna sina a selia? A mokambo? N'naake, alakini kanyenea selia a belekea. ²⁸ Begobi kagea bene kanyenea belekea kanga mokambo a selia. ²⁹ Ao ane Mokonga tondo Mokonga a bayaudi? N'naake goto Mokonga abakpa a mokonda. ³⁰ Kabe, dhoni, Mokonga ane mochi, aonisaae ganja kanyenea belekea, na kanga gua ganja kanyenea belekea. ³¹ Beenei betokise selia kanyenea belekea? N'na beno! Mbamba a bene, bejigi na selia.