¹ Kabene bokotoke ku ngana, benu bakpa, benu bune boo ukumua, ka kema ne boo ukumua bakpa angboo kao, boo ukumua benu sisanu. Kanyongoo benu bune boo ukumua boogea kema namuna imochi. ² Alakini beubi gea ukumu a Mokonga ane sawa na dhoni saa ne agu gua bune baogea kema a bene. ³ Alakini uba n'ne, benu bakpa, benu bune boo ukumua kema a bene ata bene boogea kema namuna imochi. Bolamaae ka ukumu a Mokonga? ⁴ Ao boozalaua bongbongbo a ekondi, bondea nake ka bheta gbutu, na vumilia nake? Bokoo uba ekondi nake maana li ane gaa na benu ka tubua? ⁵ Alakini ka bokpekpe a meema nako na ka meema nako n'ne n'naokonda a tubue oobisia sisako n'toke a gbutu ka esa no a gbutu, kagea, esa a onekana a ukumu a bakpa anja a Mokonga. ⁶ Aelipaae bakpa bobu sawa na mokambo nabo: ⁷ ka buno sawa ba vumilia nabo a mokambo anja baokaba obebo, esima, na kanga ujukana, aobofhaae maisa a esa bui. ⁸ Alakini ka buno baokaba kema nabo sisabo, buno bao zalaua bonjanja, gbutu na bela akpe abikaae. ⁹ Mokonga abikisaae teseka na bojede gua nafusi buli a bakpa bune baogea bojede, mosa mutaa Bayaudi na goto mutaa Bagiliki. ¹⁰ Alakini bodoko, esima na bonjanja abikaae mutaa kila n'kpa ne aogea kema anja, mosa mutaa Bayaudi, na goto mutaa Bagiliki. ¹¹ Kanyongoo Mokonga n'nao konda tondo ngambo imochi. ¹² Kanyongoo bene bakpa asii bayagii bojede kanga uba selia, na bene bakpa asii bayagii bojede ka esimia selia bae ukumuaae kanyenea selia. ¹³ Kanyongoo n'naake mooki a selia aambe ane onjanja mosa a Mokonga, alakini bakpa a selia aange baonekanaa nan dhoni. ¹⁴ Kanyongoo saa ne bakpa a ka mokonda, bune bakayatu na selia, bagii ka ukona nabo kema a selia, bana selia nabo sisabo, ata bene baka na selia. ¹⁵ Ka n'nde baonisi gea mokambo ne baopasa bagee kanyenea selia baandeki subia meema nabo. Zamili nabo aonisi goto usuudha nabo, na mawazo nabo aenei aesitakee, ao obofha dhoni. ¹⁶ esa no Mokonga aukumuaae sili a bakpa bonu sawasawa enjili namo, kanyenea Yeso Klisto. ¹⁷ Alakini kabe ogii gea one Muyaudi na jiga ka selia na edhokomisa subia Mokonga, ¹⁸ na uba ekondi nake na onisa bene aanja asii kanyongoo bayanofundisi katoea seli; ¹⁹ kabe oubi sisako gea one n'tambisi a kendimendime, obela ka bune aiki subia kadifhio, ²⁰ mwalimo a bhabobo, mwalimo a banichi aboa, na n'ne bonee ka subia selia namuna a ubafha na a dhoni, namuna sina n'ne aenei abedhe namuna ne oo ikika ka maisa nako? ²¹ Obe n'mbe oofundisa bakpa angboo, kotoka ku efundisa sisako? Obe n'mbe oo ubilia gua kubha, boni oubhi? ²² Obe n'mbe ogii gea kotoke ku otungane, boni ootungana? Obe n'mbe ookpema kekeko, boni oo uba subia ekalo? ²³ Obe n'mbe oobeba, boni oon'zalaua Mokonga ka bhuna selia? ²⁴ Kanyongo " Bafhoti ina a Mokonga mutaa bakpa a mokonda kanyongo nanu," ubate bene bayaandeki. ²⁵ Kanyongoo gua ganja aonekani dhoni kabe ona esima ka selia, alakini kabe one n'bhuni a selia, gua ganja nako abikaae ubate kogu ganja. ²⁶ Kabe gaake, n'kpa ne kagu ganja abedhi kema ne selia akondi, kanga gua ganja nake kaotoke ku aonekane ubate agu ganja? ²⁷ na n'mbo kaya gu ganja katoke ku ako ukumue kabe aonekanisi selia? N'ne ane kanyogo bona maandeko a seli na a ganja, beye dhoni babhuni a selia! Kanyongoo kaake Muyaudi n'mbe ane tondo ka okona a n'senge ao ane ganja a kan'senge a ngobo. ²⁹ Alakini ane Muyaudi n'mbe a subhi, na ganja ane n'no a meema, subia Loo, n'naake subia balua. Obebo a n'kpa namuna ne n'naotoka mutaa bakpa alakini mutaa Mokongo.