¹ Badani, ekondi a meema namo na moofhani namo mutaa Mokonga kanyongo'abo, ka lama nab'o. ² Kanyongo neonisi guabo gea bana bojeme kanyongo a Mokonga, alakini n'na ka ubafha. ³ Kanyongo gua kanga okafha bonjanja ne atoki mutaa Mokonga, na kabaga bisa bonjanja nabo sisabo, bakaya lengi'ake ka bonjanja a Mokonga. ⁴ Kanyongo Klisto ambe onekana a selia kanyongo a bonjanja a kila n'kpa ne abelekei. ⁵ Kanyongoo Musa ayaandeki gua bonjanja n'ne ayatoki ka selia: " N'kpa ne agii kemma ne aikikaae kao. ⁶ Alakini bonjanja ne atoki ka belekea agii: " Koyonge mbe subia meema nako, ' Ani adhafhaku kegoo?' (n'ne ane n'didisa Bosomwa kaod'o); ⁷ koyonge mbe, ' ani adidiaae ka kiba a in'sa?"' (n'ne ane, n'bikisa Klisto kegoo toka mutaa baku). ⁸ Alakini agii eke? " Yonga a bibi'ako, subia a ebombo nako na subia meema'ako." N'ne ane yonga a belekea, n'ne beolaba. ⁹ Kanyongo kabe oon'laba Yeso na ebombo nako bya Klisto, na belekea subia meema nako gea Mokonga ayan'fufuli toka mutaa baku, alamaae. ¹⁰ Kanyongo ka meema n'kpa abelekei na pata dhoni, na tubua ka ebombo nake na lama. ¹¹ Kanyongo maandeko agii, " Kila n'mbo an'belekei kakue ku na soni." ¹² Kanyongoo Bayaudi na Bagiliki batondo namuna mochi. Kanyongo Bosomwa ane Bosomwa nabo bobu, na n'mbo ana imona mutaa bobu buno baomoofhana. ¹³ Kanyongo kila n'mbo ao ofhana kina'a Bosomwa alamaae. ¹⁴ Namuna sina baenei baofhane gua n'mbo bakaya belekei subia'ke? Namuna sina baenei babelekee subia n'mbo bakaya mooki? Namuna sina baenei bamooke kanga muubili? ¹⁵ Namuna sina baenei baubilie, ambe tondo baeteki? Bene bayaandeki, " Namuna sina echinji a buno bao ubilia mbino anja a bhongi!" ¹⁶ Alakini n'na bobu buno bao esimia mbino anja. Kanyongoo Isaya agii, " Bosomwa, ani abekei bolabi nasu?" ¹⁷ Belekea aobika ka okafha, na okafha ka yonga a Klisto. ¹⁸ Alakini negii, " Bakaya oki?" Eya, ka dhoni asii. " Eso'abo agee subia od'o buli, na yonga nabo na n'sungo a mokonda." ¹⁹ Kanyene buli, negii, "Isilaeli n'natuake ko uba?" Musa ayagii mosa, " Nenobomaae na wivi kino n'naake nji. Ka afhe a nji kanga ubafha, neno songodhagaae mopka bobele." ²⁰ Isaya ayatu na bojeme saa ne agii, " Neto patekani na buno bakaya mo kabhi. Neto bongisi mutaa buno bakaya muisii." ²¹ Alakini negii mutaa Isilaeli, " Neye mamisi njaga namo esa buli mutaa buno baka na esima na mutaa bakpa akpe."