¹ Neyongi bene, Mokonga aenei amake bakpa nake? N'naotoka abe bene. Kanyongo na eme nene Muisilaeli, ebokoti a Abulahamu, kenju a Benjamina. ² Mokonga kaya emaki'ake bakpa nake, buno ayaeubi mosa. Bokoo uba n'ne maandeko ayongi gua Eliya, namuna sina ayatuo n'dengemisa gua Isilaeli? ³ " Bosomwa, baya emwe ba n'nabi nako na bhuna mazabhao nako. Nejigi sisani, baokabha kukua namo." ⁴ Alakini eke ne Mokonga ayan'jibu? " Neto bisi mbamba sisani bakpa elefu sabha bune bakan'bhetei Bali mua n'kuu." ⁵ Ataa bene, ka saa ne goto bune bajigi kanyongo a sombao a ngoola. ⁶ Alakini kabe ane ka ngoola, n'naotoka ku abe ka mokambo. Kabe n'na ka ngoola kabhe goto ngoola. ⁷ Eke goto? Kema ne Isiaeli ayatuo kaba, kaya patia'ke, alakini n'sombo ambe ayapati u, na buno bayajigi baya kakamani. ⁸ Ane tondo bene bayaandeki: " Mokonga aya ebhofhi loo a kobobo, iso ne bakatoke ku baone, na kechue kagea baka tokeku oka, mupaka ka matu ne." ⁹ Davidi aogea, " Meja nabo abiki kalongo na meeko, efhifhi a betekana na n'toke nabo. ¹⁰ Iso nabo ane kadifhio kagea bakaone mbe, na godhumisa ngongo'abo esa bui." ¹¹ Negii be, " Boni babhetekani na gua kaod'o? "Kabe mbe mono bene. Alakini ka gua nabo, lama aya gee mutaa bakpa a ka mokonda, kanyongo uwivu aengie. ¹² Bene kabe gua nabo an kabe bunga nabo ane imona a bakpa a mokonda, mala engaani asii abaae ka kpekpemana nabo? ¹³ Alakini neoyonga mutanu bakpa a ka mokonda, kagea neye n'goigi mutaa bakpa a mokonda, neebebi subia odhuma namo. ¹⁴ Saa angboo nebikisaae uwivu mutaa buno bane ngobo namo sisani. Saa angboo belamisaae bakpa mochi subiabo. ¹⁵ Kanyongoo kabe maana a ekpemaab'o ane patanisa na mokonda, belekea nabo abaae eke alakini maisa katoka ka kukua? ¹⁶ Kabe mbuka a kwanja ane anja, dhoni ane n'tunduko a bonga. Kabe miigi aanja, na n'tabi abaae anja. ¹⁷ Alakini kabe n'tabi abhunuki, kabe obe, n'tabi a mee a mizaituni, bayabisi subi'abo, na kabe ogabi naabo subia miigi anja a mee a mizaituni, ¹⁸ Koebebee gua n'tabi. Alaakini kabe oebebi, n'naake ob'e ambe ookakamisa miigi, alakini miigi ange ako kakamisi. ¹⁹ Ogeaae, " N'tabi ato bhunuki ka bene neopasa neebise subi." ²⁰ N'ne ane dhoni. Kanyongo kanga belekea nab'o aya bhunuki, alakini omami akpe kanyongo a belekea nako. Kobhe mbe n'jonjoko ka mawazo nako, alakini tea. ²¹ Kanyongo kabe Mokonga kaya dheketi n'tabi anja, katoke ku akoulumie. ²² Lenga fho, bene, namuna a mokambo na kokae a Mokonga: Kokae aya biki gua Bayaudi buno bayagu, alakini bonjanja a Mokonga abiki mutako, kabe ojigi subia bonjanja nake. Ka ngambo angboo bako tenaae. ²³ Na bene, kabe bakan jigi subia kanga belekea nabo, baebisaae kao. Kanyongo Mokonga aenei aebise goto. ²⁴ Kanyongoo kabe bayanoteni ka n'ne aanja mee a mizaituni a kosala, ka namuna angboo bonjanja bayabisi ka mee anja a mizaituni, mala engaani n'ne abaae, n'tabi a mee, babisaa mbusa ka mee a mizaituni nake sisake? ²⁵ Kanyongoo keokonda nebe kanga okona, badani, a udhuma ne, kagea bokoopasa ba bakichwa ka mawazo nanu: Sili ane kagea bokpekpe atoki gua Isilaeli mopaka esabo buli a bakpa a ka mokonda abike. ²⁶ Bene Isilaeli buli alamaae, saa bene bhayaandeki: Molamisi atokaae ka Sayuni. Atokisaae bojede muta Yakobo, ²⁷ na n'ne abaae agano namo naab'o, saa ne netokisaae jambi nabo." ²⁸ Mopaka bene balabi enjili, bane baadhui kanyongo a inaako. Alakini mopaka laba a somboa, baekondi kanyongo a batatasu. ²⁹ Kanyongoo egabo na ofhana a Mokonga n'nao badilika. ³⁰ Kanyongoo bene botu kapanga kala kanga esima mutaa Mokonga, bene bopati uluma kanyongo a kosa esima nabo. ³¹ Ka namuna ne mochi, bene Bayaudi ne bayatu kanga esima. Jibu mokambo nabo ayatu gea ka uluma ne aonekani mutanu baopasa goto pata uluma. ³² Kanyongoo Mokonga aya dhaki buli ka kosa esima ka gea aopasa onisa uluma gua bakpa bobu. ³³ Oh, ndia a imona buli a bokichwa na ubafha a Mokonga! Namuna sina kaokabakana ukumu nake, na afhe nake gua fhufhuka! ³⁴ " Kanyongoon'mbo ayaubi mawazo a Bosomwa ao n'mbo ayabiki n'fheli nake? ³⁵ Ao ani aya gabi mosa kema bui mutaa Mokonga, gea Mokonga aopasa an'lipe mbusa?" ³⁶ Kanyongoo toka mutake na kanyenea ye na mutake kema bubuli asubi. Bodhoko ab'e mutake esa bubui. Amina.