1 Kadengadenga badani, ka ngomi a Mokonga fholeani ngobo nanu fhela ne aikiki, anja, n'ne Mokonga akondi. N'ne ane mokambo nanu anja. 2 Bokoobise mbe ka kema a mokonda nee, alakini bogaekane ka bisa mawazo nanu abe a keekee. Geani bene kagea bano pime na onisa n'ne aanjaa, n'ne bakondi, na ekondi anja a Mokonga. 3 Kanyongo a ngoole ne baya mofhi nen'godei kila n'kpa subi'anu: Bokowaze mbe asii kanyena n'ne botopasi, alakini, wazani kema anja, kila kema bya belekea ne Mokonga ayanofhi. 4 Kanyongoo ngobo nasu ana gbutuka asii, alakini n'naake na mokambo mochi. 5 Ka namuna no mochi, bene asii subia ngobo no mochi a Klisto, na kila gbutuka a ngobo ana siki adake. 6 Bena egabo dhanga dhanga ka ngoola ne bayasofhi. Kabe egabo a n'kpa ane kon'nabi, n'deketa atomike sawa na kipimo a belekea nake. 7 Kabe egabo a n'kpa ane tomika, n'deketa atomike. Kabe egabo a n'kpa ane fundisa, n'deketa afundise. 8 Kabe egabo a n'kpa ane ekpekpemisa bakpa, n'deketa ae kpekpemise. Kabe egabo a n'kpa ane gaba, n'deketa agee u kabonjanja. Kabe egabo a n'kpa ane ongoza, n'deketa agee u na bojemee. Kabe egabo a n'kpa ane kuiana ngomi, n'deketa agee u na ekondi. 9 Deketani ekondi ab'a kanga kobolia. Ane bojede sina ajia; jiga na oogea n'ne aanja. 10 Kanyongo a ekondi a badanu, kuianani ngomi sisanu. Kanyongo a esima, esimianani sisanu. 11 Kanyongo a bojeme kondindimane mbe. Kanyongo a loo b'a na siki. Kanyongo a Bosomwa, n'tomikia. 12 Bofualie subia mosenda, bokakamane ka teseka, ikani na belekea subia mame. 13 Gabani mutaa bakpa a Mokonga ka siki nabo. Kabani namuna asii aonesa seseana. 14 Ebofhani kalamo buno baono tesa; yongani kalamo, boko bumiane mbe. 15 Bofulaie na bono bao fulaia; gamani na buno baogama. 16 Ba'ani na mawazo mochi sisanu. Bokowaze mbe ka namuna a ebeba, alakini eseseani bakpa a kusi. Bokob'e mbe bakichwa ka mawazo nanu sisanu. 17 Boko lipe mbe bojede ka bojede. Geani kema anja mutaa bakpa bobu. 18 Kabe awezekani, ata n'ne boenei, ikani anja na bakpa bobu. 19 Boke mane sisanu, bakondani, alakini, deketani oma ka bela a Mokonga. Kanyongoo baandeki, " Manisa ane namo; nelipisaae, ' Bosomwa ayondi bene." 20 Alakini " Kabe adhui nako aku nanja, n'mofha elea. Kabe ana siki'ibo, n'mofha ib'o anoe. Kanyongoo kabe ogii bene, otitiaae eka a in'sa gua moo'ake." 21 Bojede kako kinde mbe mono, alakini kinda bojede na bonjanja.