¹ Nafusi buli abe na esima ka bokota a kegoo, kanyongoo kotoki opate bokota ne katoki mutaa Mokonga. Bokota buli n'ne aikiki Mokonga ambe abisi u. ² Kabene bhuno batombokei bokota no bagee mbamba na amuli a Mokonga; na buno bakpemi u bapataae ukumu sisab'o. ³ Kanyongoo bokota n'naogea bojede mutaa buno baogea mokambo anja, alakini mutaa buno baogea mokambo ajede. Koakeoo konda tea buno bana bokota? Gea n'ne aanja, opataae bodoko nake. ⁴ Kanyongoo ane n'kpa a mokambo a Mokonga mutako ka bonjanja. Alakini kabe ogii n'ne aajede, tea; kanyongoo kaokumba opanga kanga sabab'o. Kanyongoo ane n'kpa a mokambo a Mokonga, n'lipisi a bela mutaa n'mbo agii bojede. ⁵ Kagea oopasa ob'e na esima, n'na tondo kayongo a bela, alakini goto kanyongo a zamili. ⁶ Ane kanyongo a n'nde aange boolipa kodhi. Kanyongo bakota bane bakpa a mokambo a Mokonga, bune baogea kema ne saa buli. ⁷ Elipani bakpa buli bune boopasa boelipe: kodi mutaa n'mbo anei na kodi, tea mutaa n'mbo aenei bantee, esima muta n'mbo aenei esima. ⁸ Bokob'e na dheni a n'kpa, tondo kandanani sisanu. Kanyongoo n'mbo an'kondi dake aonisi selia. ⁹ Amuli, "kotungane, koole, kuob'e, kobe na kpadha," kabe amuli angboo abei aiki subia n'ne, " Kondani badanu ubate benu sisanu." ¹⁰ ekondi n'naogea bojede muta dako. Kagea, ekondi ane onekana a selia. ¹¹ Kanyongo ne, oubi saa, kagea aye saa nako a jujuka ka too. Kanyongoo ne molamisi nasu a bibi kanyena bene beye belekei mosa. ¹² Kiifha agee mosa, na esa abiki. Bebise mbamba mokambo a kadifhio, na bekumbe ngoa a emani. ¹³ Betambe anja, ubate sua mani, n'na ka fulaa a noa makana ao leboa na makana; beketambe mbe mono ka otungo ao ka kpada a n'no n'noo onekana, n'na ka ofitina ajede. ¹⁴ Alakini bon'lole Bosomwa Yeso Klisto, beke bise mbe n'kumba kanyongo a ngobo, ka kpadha nake.