¹ N'seseani kila n'kpa ne agodomani ka belekea, kanga mofha ukumu gua laba nake. ² N'kpa mochi ana belekea a lea kema bubuli, ongboo a godomani kale kasa. ³ N'mbo aolea kema buli n'naopasa an'zalaue n'mbo kaolea, na n'mbo kaolea kema buli katoke ku ukumua n'mbo aolea kema buli. Kanyongo Mokonga an'sesei. ⁴ Obe ani, n'mbe oo kukumua n'kpoa a mokambo a bakpa? Ane mosa a mokota nake n'mbe aomama ao fua kaod'o. Alakini ban'sakoaae, kanyongo Bosomwa aopasa n'sakuaake. ⁵ N'kpa mochi ana faidha gua n'kpa ongboo. Ongboo agii esa bulu ane namuna imochi. Deketa kila n'kpa aubafha subia meema nake sisake. ⁶ N'mbo aolenga esa, aolenga u kanyongo a Bosomwa; na n'mbo aolea, aolea kanyongo a Bosomwa, kanyongoo aon'sukulua Mokonga. N'mbo n'naolea, akpemi kanyongo a Mokonga; aon'bhetea Mokonga akisanti. ⁷ Kanyongo ani subiasu n'mbe ao ika ka sisake, na n'mbo ao kua kanyongo nake sisake. ⁸ Kanyongoo kab'e beku, beku kanyongo a Bosomwa. Na kabe beiki ao kua, bene a Bosomwa. ⁹ Kanyongo a sabaa ne Klisto ayaku na ikika goto, gea aopasa abe Bosomwa ka baku na buno bao ikika. ¹⁰ Alakini ob'e, kanyongo sina oo ukumua dako? Na ob'e, kanyongo sina oon'zalaua dako? Kanyongo beso bobu bemaae mosa mbata a ukumu a Mokonga. ¹¹ Kanyongo bayaandeki, " Bene neo ikika", Bosomwa ambe ayongi," moa n'kuu buli abhunukaae mosa'ani, na kila edhaka alabaae mutaa Mokonga." ¹² Ka bene, kila n'kpa mutasu ayongaae guake sisake mutaa Mokonga. ¹³ Kabene, beke ukumuane sisasu, alakini gea n'ne, gea tafho n'kpa ne abisaae efhifhi a betekana ao meeko muta dake. ¹⁴ Neubi na belekea subia Bosomwa Yesu gea tafho kema ne aajede. Tondo muta n'mbo agii kema mochi aajede, mutake ane ajede. ¹⁵ Kabe kanyongo a elea munamako a betekani, kotambi'ake ka ekondi. Komuuje mbe ka elea nako mutaa n'kpa no Klisto ayaku guake. ¹⁶ Kabene boko dekete n'ne booni ane anja bayonge ane ajede. ¹⁷ Kanyongoo bwame a Mokonga n'na kegoa elea na makana, alakini gua bonjanja, dhoni, na fulaa subia Loo Motakatifo. ¹⁸ Kanyongo n'mbo aon'tomikia Klisto subia afhe ne Mokonga an'belekei na ubukana na bakpa. ¹⁹ Ka bene, bebee kema anja na kema n'ne aosofheka. ²⁰ kouje mbe mokambo a Mokonga kanyongo a elea. Kema buli aanja, alakini ane anja mutaa n'kpa ka lea kema buli n'ne aon'betekisa n'kpa. ²¹ Ane anja kanga lea elea, ao noa makana, ao gea kema buli ka kema ne aon'betekisa munamako. ²² Belekea ne onee, bisa subiako na Mokonga. Kalamo mutaa n'mbo n'nao uukumua sisake kino ao uba. ²³ N'mboo aokpema bamoo ukumu kabe aolea, kanyongo n'naake ka belekea. Na kema buli n'ne katoki ka belekea ane jambi.