¹ Aoengodea, " neongodei dhoni, ka benu bune bomami moni, buna'ngboo baka kengee ku kukuwa kanga ona bene bwame a Mokonga aobika na bokuu." ² Kisa esa sita, Yeso aon'bhoa Petele na Yakobo na Yoani aodhafha naab'o gua mamba naabo sisake. Ao egalea mosa'abo. ³ Bongo nake aonjenjemana asii, anjee asii konyena kema buli anjee ka od'o n'ne aenei anjenjemane bene. ⁴ Eliya na Musa baoonekana musa'abo, baolaba na yeso. ⁵ Petele aon'jibua Yeso, Rabbi, ana anja mutasu beike moni, osodhekete befheke n'tua isalo, mochi nako, mochi a Musa, na mochi a Eliya." ⁶ (Kanyongoo kaya ubia'ke kema a yonga, kanyongoo bayatuo tea.) ⁷ Ebundu abika na egbukumia. Eso mochi aotoka subia ebundu, " n'mbe ane Michiomo n'mbe nen'kodi. Mookani ye." ⁸ Mala imochi, saa ne baya lengi mbamba, bakaya mooni'ake n'kpa, alakini Yeso sisake. Bene bayatuo dida mamba, aoengodea, baka yonge mbe mtaa n'kpa kema ne baya oni mopaka saa ne Muna N'kpa afufukaa toka mutaa baku. ¹⁰ Baobisa kema no sisab'o, bao laba sisab'o gea, " fufuka toka mutaa baku" ana maana sina. ¹¹ Baomuisia, " Kanyongo sina baandeki bagii gea Eliya aopasa abike mosa?" ¹² Aoengodea, "Eliya aopasa abike mosa ajise kema buli. Kanyongo sina baandeki gea Muna N'kpa aopasa ateseke asii na zalaua'ake? ¹³ Alakini nenongodei gea Eliya ayo biki, na bayagii kema buli n'ne baya kondi guake, bene bayaandeki kanyogoa'ake." ¹⁴ Saa ne baya biki mutaa banafunji, bao ona bakpa asii bibia baandeki bao sana na'abo. ¹⁵ Saa ne baya mooni Yeso, bakpa bobu baoyayama na butukana mbango mutake baon'sesea. ¹⁶ Aoebuuisia banafunji nake, "Kema sina boosana na'abo kau?" ¹⁷ N'kpa mochi subia n'tunduko aon'jibua, " Mwalimo, nebiki na michi'omo mutako. Ahe bayoya bune baon'bisa kanga yonga. ¹⁸ Aon'dunga na n'maka'ake kaod'o, na fulu aon'toka ka ebombo, na goga minyo'ake, na kakamana. Neto usii banafunji nako baetoki subiake, alakini bakaya toki'ake." ¹⁹ Aoe'jibua, " Ebokoti a bakpa kanga belekea, neikaae na benu mopaka saa sina? neno kumbaae mopaka saa sina? N'bikani naye mutamo." ²⁰ Bon'bika na moganda mutake. Saa ne loo no aya mooni Yeso, aon'maka mala imochi ka sokanaga. Moganda aogua kaod'o fulu aon'toka ka ebombo. ²¹ Yeso aomuisia abake, " A'njii bene mala engaani?" Abake aogea, " Kpanga konichi'ake. ²² Atoo n'maka saa buli kin'sa ao ki'ibo na kengea uja'ake. Kabe oenei ogee kema imochi, omo kuie ngomi na osobedhee." ²³ Yeso aon'ngodea, "' Kbe oenei? Kema buli ao wezekane muta n'mbo abelekei." ²⁴ Mala imochi abake na michi ao koga na gea, " nebelekei! Bedhe kanga belekea namo!" ²⁵ Saa ne Yeso aya oni bakpa baobika mbango mutab'o, aon'tokisa loo ajede na gea, "Obe kauma na loo a kukua, nekongodei, toka subia'ke, kongie goto subi'ake." ²⁶ Ao tata na n'kakamisa moganda asii aotoka subi'ake. Moganda aob'a ubate n'kpa ne aku, bakpa asii bao gea, " Aku." ²⁷ Alakini Yesu aon'ndunga ka njaga na n'mamisa, na moganda ao mama. ²⁸ Saa ne Yeso ayangi kenju, banafunji nake baomuisia mbamba, " Kanyongo sina bekeye toki n'tokisa?" ²⁹ Aoengodea, " N'kokoa a loo ne kotoke ku a tee kanga mema." ³⁰ Baotoka fua baonyena ka Galilaya. Kaya kondi'ake n'kpa aube fua baleo, ³¹ kanyongoo ayatuo fundisa banafunji nake. Aoengodea, " Ban'fholeaae Muna N'ka ka njaga a bakpa, ban'bisaae ka kukuwa. Saa ne ban'bisa ku ka kukuwa, afufukaae goto kisa esa isalo." ³² Alakini bakaya ubi'ake bolabi ne, bayatuo tea uisia'ake. ³³ Baokidia na Kapernaumu. Kisa aongia kenju aoebuisia, Kema sina botoo kindana kao ka afhe?" ³⁴ Alakini baya dakani. Bayatuo sana sisab'o ka afhe gua n'mbo ayatu gbega. ³⁵ Bao ika kaod'o, ao ebofhana buno komi na ibee omo imochi na engodea, " Kabe n'kpa aokonda ab'e mosa, aopasa ajige mbusa a bakpa bobu na etumikia bakpa bobu." ³⁶ Aon'boa michi aboa aon'bia subia'bo. Aon'dunga ka njaga nake na engodea, ³⁷ " N'mbo an'sesei michi ne ki'ina namo amo sesei, n'mbo amosesei kamosesei alakini n'mbo amoteki." ³⁸ Yaoni aon'ngodea, " Mwalimo, bemooni n'kpa mochi aotokisa bayoya ka ina'ako beon'mamisa, kanyongoo n'naakeo bika mbusa'asu." ³⁹ Alakini Yeso aogea, " Boko n'mamise mbe, kanyongo tafho n'mbo aenei afhanye mokambo angbo kina'ani kisa fua ayonge kema keguani. ⁴⁰ N'kpa buli n'mbo kaoso kinda ane n'chi nasu. ⁴¹ N'mbo anofhi kepoma a ib'o anoa kina namo kanyongoo ane mutaa Klisto, dhoni nenongodei, kabungise ku n'toke nake. ⁴² N'mbo aebisili meeko buno baaboa buno bamo belekei, ane anja mutab'o balingi ete angbo ka kingo'abo na emaka ka ob'a. ⁴³ Kabe njaga'ako ako betekanisi, tena u. Kagea ane anja mutako kangia ka usiza na njaga imochi kanga gaa ka kiba a in'sa na njaga ibee, subia in'sa ne n'naolimika. ⁴⁴ Fua baama n'songodhomio baolea n'ngoba bakao kuwa na in'sa n'nao limika. ⁴⁵ Kabe echinji'ake ako betekanisi, tena u. Ane anja mutako onjia subia maisa na echinji imochi kanga ngia ka kiba a in'sa na ichinji ibee. ⁴⁶ Fua baaman'songodhomia bakao kuwa na in'sa n'nao limika. ⁴⁷ Kabe iso nako ako betekanisi, boma u. Ane anja mutako ongie ka bwame a Mokonga na iso imochi kanga ngia ka kiba a in'sa na iso ibee, ⁴⁸ Fua baaman'songodhomia banaokuwa, na in'sa n'nao limika. ⁴⁹ Kanyongoo kila n'kpa in'sa an'bisaae chombe. ⁵⁰ Chombe ana bodeke, alakini kabe chombe abungisi bodeke nake, namuna sina oenei obise goto bodeke kao? Baani chombe subianu sisanu, na baani anja na buna'angboo."