¹ Yeso aotoka oma no na gaa ka mosomba a Yudea na gua ob'a Yorodani, n'kindi a bakpa no agotoo bika mutake. Agoo efundisa, beno ayatu desituli nake a gea. ² Bafalisayo baobika mutake ka n'kengea na uisi'ake, " Ane anja moko adheketane na n'kake? ³ Aojibua, " Kema sina Musa aya yongi?" ⁴ Baogea, " Musa ayaengodei boko baandeke bhalua a dheketana na n'tokisa." ⁵ " Ayatu kanyongo a meema nanu akpe aange aya noandekei selia ne, " Yeso aoengodea. ⁶ "Alakini kpanga mosa a mokonda, Mokonga ayan'bisi moko na n'ke.' ⁷ ' Ka bene ange moko an'deketaae abakee na amakee na dungana na n'kake, ⁸ na bobu babhee babikaae kesuku imochi.' ⁹ Kagea n'ne Mokonga a dondanisi, n'kpa katoke ku a katanise." ¹⁰ Saa ne bayatu kenju, banafunji bagoomuisia gua n'nee. ¹¹ Aoengodea, " N'kpa buli an'deketi n'kake na n'songa ongboo agii otungo naye. ¹² Kabe n'ke an'deketi munyake na omana na ongboo, agii otungo." ¹³ Baobika na manichi'abo mutake kagea aebedhe, alakini banafunji bao ejisa. ¹⁴ Alakini saa ne Yeso aya ubi, aobela na engodea," Edheketani banichi aboboa babike mutamo, bokoekpemee, kanyongoo bwame a mokonga ane muta bune ba ubate'abo. ¹⁵ Nenongodei dhoni, n'mbo kabedhi bwame a Mokonga ubate banichi'aboa katoke ku ngia subi." 16 Ao ebedha banichi ka njaga'ake na obhofha kalamo bene aya ebisi njaga'ake guab'o. ¹⁷ Saa ne aya kpangi tamba nake, mogaa mochi aoga mbango mutake na bhuna moan'kuu mosa'ake na muisia, " Mwalimo Anja, neopasa gea kema sina nepate maisa a esa bui?" ¹⁸ Yeso aogea, " Kanyongo sina oomofhani anja? Tafho n'mbe ane anja tondo Mokonga sisake. ¹⁹ Oubi amuli: 'Koole, kotungane, koubhe, kobise usuudha a mbea, kaochongodhaga, esimia abako na amako." ²⁰ Mogaa ne aogea, " Mwalimo, neye esimii kema ne buli kpanga saa ne neyetu michi." ²¹ Yeso aon'lenga na n'konda. Aon'ngodea, " Okosi kema mochi. Oopasa sombisa kema buli onee na gaba u mutaa ba masikini, na pata imona kegoo. Kisa bika, omo bee." ²² Alakini kanyongo a bolabi ne ao lenga ajede aoga na bela asii, kanyongo ayatu na n'kumba asii. ²³ Yeso ao lenga mbamba na engodea banafunji nake, " Ane akpe n'kpa a imona angie ka bwame a Mokonga!" ²⁴ Banafunji baoyayama na yonga ne. Alakini Yeso aoengodea goto, " Banichi, ane akpe kangia ka bwame a Mokonga! ²⁵ Ane adhee kagbema anyene ka kubu a sindano kanga n'kpa a imona ngia ka bwame a Mokonga." ²⁶ Baoyayama asii na laba sisab'o, " Ani gaake aenei a lame?" ²⁷ Yeso ao elenga na gea, " N'nao wezekana mutaa bakpa, alakini n'naake mutaa Mokonga. Kanyongoo kema buli aowezekana mutaa Mokonga. ²⁸ Petele aokpanga n'ngodea, "Lenga, bato deketi kema nasu buli na bika mbusa'ako." ²⁹ Yeso aogea, " Nenongodei dhoni, tafho n'mbo aenei adhekete enju a bana'amake boko na bake ao banichi ao odho kanyongo'ani na kanyongo a enjil ³⁰ N'mbo katoke ku apate mala mia imochi ka matu ne beiki kau: enju na banan'ma boko na bake na banichi na od'o na teseka, na ka mokonda ne aobika, maisa a esa bui. ³¹ Alakini asii buno bagee mosa babaae mbusa na buno bajigi mbusaa babaae mosa." ³² Bayatu ka afhe ka tamba a gaa na Yelusalema, na yeso ayatuo ga mosaa'bo. banafunji bayatuo yayama, na buno bayatuo ga mbusa'ake bao sokonaga. Yeso aoga goto na buno komi na ibee mbamba na engodea kema ne aogea an'nyenee soma. ³³ onjea, beoga na Yelusalema, ban'fholeaae Muna N'kpa ka njaga a bakota a bakoani na baandeki. Ban'bisaae ka kukua na n'fholea mutaa bakpa a Mokonda. ³⁴ Ban'tebeagaae, n'bheta'ake, na n'bisa ka kukua. Alakini kisa esa isalo afufukaae." ³⁵ Yakobo na Yoani, banichi'a Zebedeyo, baobika na n'ngodea, " Mwalimo, beokonda ogee mutasu kema buli n'ne beko memi. ³⁶ Aoengodea, " Kema sina bookonda negee kanyongo'anu?" ³⁷ Baogea, " Beokonda beike na naobe ka bodoko nako, mochi njaga'a muuku na ongboo ka njaga'a n'kei." ³⁸ Alakini Yeso aoejibua, " Bokoo uba n'ne boo mema. boenei bonue kepoma ne nenoaae na obatizo na bamobatizaae? ³⁹ Baon'ngodea, " beenei." Yeso aoengodea, " Kepoma ne nenoaae, baonoaae, na obatizo ne nepataae, na benu bano batizaae. ⁴⁰ Alakini n'mbo aopas aike ka njaga'ani a muuku ao ka njaga'ani a n'kei n'na emeambe neenei ne bofhe, alakini oma no ane a buno baya bongisi kanyongo'abo." ⁴¹ Saa ne banafunji angboo komi baya oki bene, baokpanga bela asii gua Yakobo na Yoani. ⁴² Yeso aoebofhana sisake na gea, " Boubi buno baoebofhana ny bakota a mokonda bao ikika guabo, na bakota nabo angbongbo baobisa bokota guabo. ⁴³ Alakini n'naake ka afhe ne subi'anu. N'mbo aokonda abike ongbongbo subia'nu aopasa abe n'kpa a mokambo nanu, ⁴⁴ N'mbo aokonda abe a kwanja subi'anu aopasa abe n'kobe a bobu. ⁴⁵ Kaanyongoo Muna N'kpa katobiki'ake ban'tomikie, alakini atomikiane, na gaba maisa nake ubate kema a ekombola bakpa asii." ⁴⁶ Baokidia ka Yeriko. Bene ayatoki na Yeriko na banafunji nake na n'kindi angbo a bakpa, muna Bartelemayo muna Timau, kendimendime n'memigi, ao ika kaod'o ka afhe. ⁴⁷ Saa ne aya oki gea Yeso Munazaleti ambo ayatuo nyena, aokpanga koga na gea, "Yeso Muna Daidi, omo kuia ngomi!" ⁴⁸ Bakpa asii baon'tombokea, baongodea adakane. Alakini agotoo koga akpe asii, " Muna Davidi, mokuia ngomi!" ⁴⁹ Yeso ao mama na engodea bamoofhane kendimendime, aogea, " Kakamana! Mama! Akoofhani." ⁵⁰ Aomaka mbongo nake mbamba, ao chadhoka, na bika mutaa yeso. ⁵¹ Yeso aon'jibua, "Ookonda negee kema sina mutako? Kendimendime aogea, "Rabbi, neokonga onafha." ⁵² Yeso aon'ngodea, " Gaa. Belekea nako akofhondisi." Mala imochi agotoo onafha, na gaa mbusa'ake ka afhe.