¹ Baobika na Yelusalema, bayatu bibi'a Betefage na Betania ka mamba a Mizaituni, Yeso ao eteka banafunji nake ibee. ² Ao engodea, " Gaani ka nji ne a bibi'asu. Saa ne bongia ku subi, bon'dondaae muna punda n'mbo baka kpati mbe guake. N'kodani na bikani naye mutamo. ³ Kabe n'kpa anongodei, ' kanyongo sina bogii bene?' Boopasa gea, ' Bosomwa ana siki'ake na mala imochi bikani naye moni.'" ⁴ Baoga na n'donda muna punda ban'boe kiso a n'pome kan'tanga a afhe, na n'kodha'ake. ⁵ Bakpa bune bayatuo mama fua baoengodea, "Boogea kema sina?" ⁶ Baoengodea bene Yeso atoengodei, bakpa no baoedeketa bhabedhe tamba nabo. ⁷ Baon'bika na muna punda mutaa Yeso na bisa bongo nabo guake, na ika guake. ⁸ Bakpa asii bao ojyea ngombe nabo ka afhe, ba buna'ngboo bao ojyea n'tabi'a mbia ne baya teni ka chiko. ⁹ Bune baya gee mosa'ake na buno baya gee mbusa'ake bao koga, Hozana! Kalamo ane n'mbo abiki kina a Bosomwa. ¹⁰ Kalamo ka bika a bwame a abasu Davidi! Hozana kegoo asii!" ¹¹ Yeso aongia ka Yelusalema na gaa subia ekalo na lenga kema buli. Saa aya nyeni, aoga na Getania na buno komi na ibee. ¹² Mama nosi saa ne bayatuo toka na Betania n'nja aon'bedha. ¹³ Aoenjea dhanga ka mee a mozabibo n'no ayatu na kasa, aoga kagea aone ambe aenei adonde mbuka kao, saa ne aya biki bibii, kayadondi'ake muka tondo kasa, kanyongoo n'natuake saga a mozabibo. ¹⁴ Aon'ngodea mee, "N'kpa katoke ku goto alee ka mbuka nako." Na banafunji nake baya oki n'ne. ¹⁵ Baobika na Yelusalema, aongia subia ekalo na kpanga ayongaga basombisi na basombi subia ekalo. Ao lingitisaga meja a bagaligi bangoa na mbata a buno bayatuo sombisa ba mbole. ¹⁶ Kaya kondi'ake akumbe kema ka ekalo n'ne bayapasi sombisa. ¹⁷ Aoefundisa na gea, " Bakaandeki'ake, ' Enju namo baofhanaae enju a memi a bkpa bobu a mokonda'? ¹⁸ Mokota a bakoani na baandeki baya oki n'no ayagii, baokabha namuna a ola'ake. Kagea bayatuo n'tea kanyongo bobu bayatuo yayama na mafindiso nake. ¹⁹ Baotoka ka nji no ogogo. ²⁰ Bene bayatuo tamba kan'bimba, bao ona mee a mozabibo amokaki kpanga ka miigi'ake. ²¹ Petele ao kombuka na gea, "Rabbi, lenga! Mee a mozabibo no ato bhumiigi amokaki." ²² Yeso ao ejibua, Baani na belekea subia Mokonga. ²³ Nenongodei dhoni kabe n'kpa ayongi ka mamba ne, ' Toka moni emaka subia ob'a kanga ngana subia meema nane alakini abeleki n'ne agii akidianaae, n'ne ange Mokonga ageaae. ²⁴ Nenoongodei bene: Kema buli bomeni na uisia, belekeani gea bopataae u, abaae nanu. ²⁵ Saa ne bomami na mema, boopasa boulumie kema buli n'ne bonee muta n'kpa, kabene Abanu n'mbo akegoo ano ulumiaae ka bojede nanu." ²⁶ [Kabe boko ulumie bakpa angboo, Abanu n'mbe akegoo katoke ku aulumie bojede ne boogea.] ²⁷ Baobika goto na Yelusalema. Bene Yeso ayatuo tamba subia ekalo, bokota a bakoani, baandeki, na bafhomi baobika mutake. ²⁸ Baon'ngodea, " Ka bokota sina oogea kema ne, na ani ayakofhi bokota agea u?" ²⁹ Yeso aoodea, " Neno uisiaae kema mochi. Bomoongodee na eme nenoongodeaae ka bokota sina neogea kema ne. ³⁰ Yoani mobatizi ayatoki kegoo ao mutaa Mokonga? Bomojibue." ³¹ Bao laba sisabo baosana na gea, " Kabe begii, 'Atoki kegoo, ' ageaae, ' Kanyongo sina bokon'belekei'ake? ³² Alakini kabe begii, ' Mutaa bakpa,' ...? Bayatuo tea bakpa, kanyongo n'kpa buli aya ubi gea Yaoni ayatu n'nabi. ³³ Kabene baon'jibua Yeso na gea, " Bekeo uba." Na Yeso aoengodea, Na eme kenongodee ku ka bokota sina neogea kema ne."