¹ Yeso aokpanga fundisa ka mekele. Aogea, Mogaa mochi aya koni ebondo, aotimba u na anga, aotonga echia ka bongisa makana. Aofheka kaulu na edheketa bachungi'a chiko a ebondo. Aoga ka tamba dhanga. ² Ka saa anja, aon'teka n'kpa a mokambo mutaa bakpa a mokambo a chiko kagea apate mbuka a chiko a ebondo. ³ Alakini baon'ndunga, baon'binda, na n'jisa njaga jaai. ⁴ Agoton'teka n'kpa a mokambo ongboo, baon'tuma na onisaake noni. ⁵ Agotoon'teka ongboo, baon'mwa n'mbe. Bayagii bene mutaa bakpa a mokambo asii bao emwa buna'ngboo. ⁶ N'kpa mochi n'mbe aya jigi an'teke, ayatu mchi'oke n'mbe aya n'kondigi. Ayatu a mbusa n'mbe ayan'teki mutabo. Aogea, ' Bamoosimiaae michi'omo.' ⁷ " Alakini babongisi makana baoyonga sisabo, ' N'mbe ane muliti. Bikani, ben'mwe, na uliti ne ajige nasu.' ⁸ Baon'ndunga, baon'mwa, na n'maka mbamba a chiko. ⁹ Kabene, moko'a chiko ageaae kema sina? Abikaae na uja bachungi'a chiko na gaba chiko mutaa bakpa angboo. ¹⁰ Bako somi'ake maandeko? ' Ete ne bafheki baya maki aange abiki ete a n'sungo. ¹¹ N'ne ayatoki mutaa Bosomwa, ane yayama kiso nasu." ¹² Kisa bene bakota a Bayaudi baokaba namuna a n'ndunga Yeso kanyongoo baya ubi gea ayatuo yonga mekele no kegoab'o. Alakini bayatuo tea n'kindi a bakpa. Beon'deketa na gaa. ¹³ Bao eteka Bafalisayo na bakpa a Herode ban'betekanise na yonga. ¹⁴ Saa ne baya biki, baon'ngodea, " Mwalimo, beubi gea oyongi dhoni kootea n'ne bakpa angboo bao waza, na koolenga hali a bakpa. Osongodea, selia nasu akondi bakpa balipe kodi mutaa Kaisala ao n'naake? Beopasa belipe ao n'naake?" ¹⁵ Alakini Yeso aya ubi konjonjoko nabo na engodea, " Kanyongo sina boomo pima? Bikani kani na dinali mochi ne lenge u." ¹⁶ Baobika na dinali mochi mutaa Yeso. Aoengodea, " Maandeko a n'kpa sina a bene?" Baogea, "A Kaisala" ¹⁷ Yeso aogea, " Mofhani Kaisala kema ne ane a Kaisala, na Mokonga kema ne ane a Mokonga." Baoyayama guake. ¹⁸ Basadukayo, buno bayatuo gea ufufuko n'na bei, baobika mutake baomuisia, baogea, ¹⁹ " Mwalimo, Musa ayaso anadekei, kabe muna'amake na moko aku na an'deketi n'ke, alakini kanga michi, mogaa no aopasa an'songe n'ka a muna'amake, na efholea banichi ka muna'amake.' ²⁰ Bayatu boko saba; n'mbo a mosa aon'songa na kuwa, kanga bokota banichi. ²¹ N'mbo a pili aon'songa na kuwa kanga michi, na n'mbo a isalo namuna no mochi. ²² N'mbo a saba aon'deketa kanga banichi. Bobu baosia, na n'ke aokuwa beno. ²³ Ka ufufuko, n'ke no abaae a n'kpa sina? Kanyongo bobu saba bayan'songi n'ke no. ²⁴ Yeso aogea, " Bona mbea, boubi ane kanyongo sina, ane kanyongo bokoo uba maandeko na bokuu Mokonga? 25 kanyongoo saa ne afufuki toka muta baku, baka songe ku ao omana, alakini bajigaae ubate ba malaika kegoo. ²⁶ Alakini bune baya fufuki, bokoto somi'ake subia kitabo a Musa, n'ne ayongi gua moseko a mee aon'ngodea na gea, ' Eme ambe Mokonga a Abulahamu na Mokonga a Isaka na Mokonga a Yakobo?' ²⁷ N'naake a baku alakini a baoni. Bojigi subia mbea." ²⁸ Mochi ka baandeki aobika na oka kindana'abo; ao ona Yeso bene ayatuo ejibua anja. Ao muisia, " Amuli sina aangbo kanyena buli?" ²⁹ Yeso aon'jibua, " N'no a lazima ane, 'Okafha, Isilaeli, Bosomwa Mokonga nasu, Bosomwa ane mochi. ³⁰ Oopasa n'konda Bosomwa Mokonga na meema nako buli, na nafusi nako buli, na akili nako buli, na bokpekpe nako buli.' ³¹ Amuli a ibee aange, ' Oopasa n'konda dako ubate obe sisako.' N'naake na amuli angbo konyena n'nde." ³² Moandeki aon'ngodea, " Aanja, Mwalimo! Ogii dhoni gea Mokonga ane mochi, na n'naake ongboo mbamba nake. 33 N'konda na meema buli na ubafha buli na bokpekpe buli, na n'konda dako ubate obhe sisako na egabo a namuna buli na fhela." ³⁴ Saa ne Yeso aya oni amofhi jibo a bokichwa, aon'ngodea, " Koake dhanga na bwame a Mokonga." Kisa beno, kaya kengi'ake muisia Yeso angboo. ³⁵ Saa ne Yeso ayatuo fundisa subia ekalo, aogea, " Namuna sina baandeki bagii Yeso ane Muna Davidi? ³⁶ Davidi ayagii sisake, subia Loo motakatifo, gea, ' Bosomwa ayagii mutaa Bosomwa namo, " Ika ka njaga'ani a muuku mopaka bene nebisa ku baadhui nako kusi'a echinji'ako.'" ³⁷ Davidi ye sisake amoofhani 'Bosomwa', namuna sina Klisto aenei abe muna Davidi? N'kindi a bakpa baomookanea anja. ³⁸ ka mafundiso ne Yeso aogea, " Engefa'ani na baandeki, buno baotamba na ngombe endaa subia soko, ³⁹ na ika ka mbata a mosa subia sinagogi na oma a esima kafulaa. ⁴⁰ Bagoto'o uja enju a bake a kekusa, na mema endaa gea bakpa baeboone. Bakpa ne bakpa ne bapataae ukumu angbo." ⁴¹ Yeso ao ika mosa a umuno a bisa egabo subia ekalo; ayatuo lenga bakpa bene bayatuo maka bangoa nabo subia umuno. Bakpa asii a imona bayatuo bisa bangoa asii. ⁴² N'ke a kekusa mochi masikini ayabiki na bisa bangoa ibee aboa. ⁴³ Ao ebofhana banafunji nake na engodea, " Nenongodei dhoni, n'ke ne masikini a kekusa abisi asii konyena bobu ka bune baya bisi bangoa subia umuno. ⁴⁴ Kanyongoo bobu baya fholei ba bongbongbo nabo. Alakini n'ke a kekusa, afholei bangoa buli a omasikini nake n'ne aya oasi aike nee."