¹ Bene Yeso ayatuo toka ka ekalo, mochi ka banafunji nake aon'ngodea, " Mwalimo, lenga ka ete angbo na enju angbo!" ² Yeso aon'ngodea, "Ooni enju ne angbo? Tafho ete ne ajiga ku gua ete angboo kanga bomoka." ³ Bene ayatu gua mamba a Mizaituni n'chi angboo a ekalo, Petele, Yakobo, Yoani, na Andelea baomuisia mbamba, ⁴ " Osongodea saa sina kema ne akidianaae? Kema sina abaae alama saa ne kema ne buli abae bibi'a kidiana? ⁵ Yeso aokpanga engodea, " Engefhaani ka gea bakano bungise mbe mono. ⁶ Bakpa asii babikaae kina'amo na gea, ' Eme ambe ye,' babungisaae bakpa asii. ⁷ Saa ne booki etu na nungunungun a etu, bako sokanege mbe; kema ne aopasa anyene, alakini muiso n'naake bibi. ⁸ Kanyongoo n'nji a mamaee gua n'nji angboo, na bwame gua bwame. Baningina abaae oma asii, na n'nja. N'ne ane kpanga bojia a bokotana. ⁹ " Engefhani. Banobisaae ka n'tua, na ebhinda subia sinagogi. Bomamaae mosa a ba mena'anji na baame gua ina namo, bea usuudha mutab'o. ¹⁰ Alakini baopasa ubilia enjili mosa ka n'nji buli. ¹¹ Saa ne bano dungi na efholea, boko ndindimanege kegoa n'ne boopasa yonga. Kanyongoo ka saa no, n'ne boopasa laba banofhaae u; n'naake benuange bolaba ku, alakini Loo Motakatifo. ¹² Ba munan'ma baolanaae, na abe na anake. Banichi ba mamaae gua babokoti'abo na gea baemwe. ¹³ kila n'kpa ano jyaae kanyongo a ina'amo. Alakini n'mbo ajiga ku na kakamana mopaka muiso, n'kpa no a lamaae. ¹⁴ " Saa ne booni bojede a ujukana amame fua kayatuo pasa a mame, " (n'mbo ao uba soma aubafhe) " N'mbo aiki ka Yudea atee ka mamba, ¹⁵ n'mbo aiki ka n'tondo kadide mbe gua enju ao bedhe kema koni, ¹⁶ n'mbo aka chiko kaje mbe ka bedha ngombe nake. ¹⁷ Alakini ngomi ka buno bana leme na buno bao ungisa banichi ka esa noo! ¹⁸ Memani kema no kakidiane ka okame. ¹⁹ Kanyongo abaae esa mochi a bojede angbo, saa beno ayatu mosa a bongisa mokonda, n'ne Mokonga aya bongisi, mopaka bene, n'naake, kabebe ku goto. ²⁰ Tongo Bosomwa a bise esa no angbi, tafho kesuku ne aopasa alame. Alakini kanyongo a somboa, bune ayaesombu, abisi esa angbi. ²¹ Kabe n'kpa akongodei, ' Lengani, Kliosto a moni!' ao ' Lengani, afuamo!' boko belekee u. ²² Kanyongoo ba Klisto a mbea bakidhianaae na onisa alama na ban'pa kagea bono demee, kabe awezekani, ataa basombo. ²³ Engefhani! Neyenoongodei kema ne mosa a matu. ²⁴ " Alakini kisa teseka a matu no, mani abaae kadhifhio, na songe katoke ku aonekane, ²⁵ Ba lelengoa baguaae toka kegoo, na bokuu ne a kegoo a sokanagaae.' ²⁶ Bamoonaae Muna N'kpa abiki subia ebhundu na bukuu angbo na bodhoko. ²⁷ Atekaae ba malaika nake na edondanisa basombo nake ka maifhio gena, toka na muiso a od'o mopaka muiso a egoo. ²⁸ Ejifunjani nyongo a mee a mozabibo. Saa ne n'tabi aodhemani na fholea kasa nake, boubi gea, n'pombo abibi. ²⁹ Bene goto, saa ne booni kema ne akidhiani, ubani gea aye bibi, bivi'a iso a n'pome. ³⁰ Nenongodei dhoni, ebokoti ne ka nyena ku mopaka kema ne akidiane. ³¹ Egoo na od'o anyenaae, alakini yonga namo kanyena ku. ³² Alakini kanyongoo a esa no ao saa no ata malaika a kegoo, ao Michi, alakini Abe sisake. ³³ " Bokodhae mbe! Lengani, kanyongoo bokoo uba aoba ka saa sina. ³⁴ Ane ubate n'kpa ne agee ka tamba adeketi enju nake na n'bisa n'kpa a mokambo nake gua enju nake, kila n'kpa na mokambo nake, na n'ngodea n'chungi'a iso'a n'pome ajige kanga dhaa. ³⁵ Ka bene jigani kanga dhaa kanyongoo bokoo uba saa ne mokoa enju abikaae mutake; aenei abhe ogogo, subia kiifha, saa ne mukwa koko ao osa kan'bimba. ³⁶ Kabe abiki kanga uba, kano donde na boodhaa. ³⁷ N'ne nenongodei negii mutaa n'kpa buli: Lengani!"