¹ Esa ibee mosa a pasaka na esa a fulaa a n'bako kanga soa. Bokota a bakoani na baandeki bayatuo kaba namuna an'dunge Yeso na ola'ake. ² Kanyongoo batuo gea, " N'naake ka esa a fulaa, ka gea bakpa baenei ba tomboke." ³ Saa ne Yeso ayatu na Betania kenju a Simoni n'kpa a sulu, bene bayatu ka meja, n'ke mochi aobika mutake na kekpokpa a malasi a alabasetele a bei anbgo, n'ne ayatu a nari anja. Ao bhuna kekpokpa na dhuka nari no ka moo'ake. ⁴ Alakini bakpa mochi bayatu fua bao bela. Baoyonga subiabo sisabo na gea, " kanyongo sina abungisi malasi ne? ⁵ Bato pasi basombise malasi ne kegoo a mia isalo a dinari, na gaba u mutaa ba maasikini." Baon'sa n'ke no. ⁶ Alakini Yeso ao gea. Kanyongo sina boo n'vulunga n'ke ne? Aya gii kema anja mutamo. ⁷ Boo ikika na ba masikini moni esa buli, saa buli ne bokondi boopasa gea kema anja mutabo, alakini bokotoke ku ika na eme saa buli. ⁸ Atogii kema ne aya pasi agee. Ato mosii gamba ka ngobo kanyongoo a kukua namo. ⁹ Nenongodei dhoni, oma buli n'ne baubilia ku enjili subia mokonda buli, n'ne n'ke ne agii, balabaae, ka n'kumbuka'ake." ¹⁰ Kisa Yuda Isikaliyote mochi a buno komi na ibee, aoga mutaa bakota a bakoani kagea an'fholee mutabo. ¹¹ Saa ne bakota a bakoani baya oki bene, baofualia na aga'ake bangoa. Aokpanga kabha namuna sina an'fholea ku mutabo. ¹² Ka esa a kwanja a n'bako kanga soa, saa ne bayatu n'gaba mona mogogo a Pasaka, banafunji nake bao'ngodea, " Oma sina ookonda bebhongise elea, kagea olee elea a Pasaka?" ¹³ Ao eteka banafunji nake babee na engodea, " Gaani ka mosomba, mogaa mochi akumbi mbiki'ibo adondanaae na benu. Gaani mbusa'ake. Pma ne angia ku n'beani na bon'ngodee mana enju, 'Malimo ajii, " Enju a bageni akoni fua neleaae Pasaka na banafunji namo?" ¹⁵ Anoonisaa enju mochi angbo kegoo n'ne babisi tayali. Bongisani kanyongo nasu fua." ¹⁶ Banafunji baotoka baoga ka mosomba. baodonda kema buli n'ne ayaengodei, na omba elea a Pasaka. ¹⁷ Saa ne ayatu ogogo, aobika na buno komi na ibee. ¹⁸ Bene bayatu ka meja na baolea, Yeso aogea, " Nenongodei dhoni, neoleaga na n'kpa mochi moni n'mo amo sombisa ku." ¹⁹ Bobu baobela, na kila mochi aon'ngodea, " N'na eme? ²⁰ Yeso aojibua na gea, " Ane mochi subia komi na ibee, n'mbo ao bisa njaga na eme subia ofhefhe. ²¹ Kanyongo Muna N'kpa agee bene bayaandeki guake. Alakini ngomi mutaa n'mbo an'sombisi Muna N'kpa! Atuobha anja mutake kabokotane mbe." ²² Bene bayatuo leaga, Yeso ao bedha n'bako, ao bisa kalamo, na bhuna u. Aoebofha na gea, " Bhoani n'ne. N'ne ane ngobo namo." ²³ Aobedha kepoma, aosukulua, na ebofha u, bobu baonoa u. ²⁴ Aoengodea, " N'ne ane majia namo a bobake, majia ne ne dhuki gua bakpa asii. ²⁵ Nenongodei dhoni, kenoa ku goto na benu makana a mbuka ne mopaka esa no saa nenu u goto ka bwame a Mokonga." ²⁶ Saa ne baya lembi lembo, baoga ka Mamba a Mizaituni. ²⁷ Yeso aoengodea, benu bobu boguaae, kanyongo baandeki, ' Ne'mbetaae n'chungi a mogogo na bobu bafhanjekanaae.' ²⁸ Alakini mbusa afufuka'ni, negaae musa'anu ka Galilaya." ²⁹ Petele aon'ngodea, " Ataa bobu bague, n'naake eme." ³⁰ Yeso aon'ngodea, " Nekongodei dhoni, kesane subia kiifhaa mosa mukwa koko a ose mala ibee omonganaae mala isalo." ³¹ Alakini Petele aogee ka bojeme, " Kabe neopasa nekue na obe, kotoke ku nekongane." Bobu boabisa boagi no. ³² Baokidia oma ne baofhani Getesemani, Yeso aoengodea banafunji nake, " Ikani moni na Neomema." ³³ Aon'bedha Petele, Yakobo, na Yoani naye baokpanga sokanaga na bojia angbo. ³⁴ Aoengodea, " Nafusi namo aajia asii, mopake bibi'a kukuwa. Jigani moni kanga dhaa." ³⁵ Aoga dhanga aboa, Yeso aogua kaod'o aokpanga mema gea kabe awezekani saa no anyene dhanga naye. ³⁶ Aogea, " Abba, Abe, kema buli aowezekana mutako. Omo tokisee kepoma ne. Alakini n'naake ka ekondi namo, alakini kine'ako. ³⁷ Aoja na endonda na badhae, aon'ngodea petele, " Simoni, odhae? Kotoke ku oike saa mochi kanga dhaa? ³⁸ Jiga kanga dhaa na mema kagea kongie mbe subia majalibho. Loo aokonda, alakini ngobo ane n'kusi." ³⁹ Agoto'oga dhanga aboa ka mema, aolaba yonga no imochi. ⁴⁰ Saa ne ayaji goto, aoedonda bahae, kanyongoo iso'abo ayadokomani. Bakaya ubi kema an'ngodea'ake. ⁴¹ Aobika mala a isalo na engodea, " Bhoma tondo'odhaa na umbia? Asii! Saa abiki. Lengani! Muna N'kpa angi ka njaga a bkpa a jambi. ⁴² Mamani, begee. Lengani n'mbo amosombisi abibi'ani." ⁴³ Saa ne ayatuo laba, Yuda, mochi subia komi na ibee, ao kidia, na n'kindi angbo a bakpa na opanga na danga, toka mutaa bakota a bakoani, baandeki, na bafhomi. ⁴⁴ N'mbo ayan'sombisi aoebofha alama, aogea, " N'mbo nen'kotoa ku aambo. N'ndungani na gaani naye." ⁴⁵ Saa ne Yuda aya kidhi, aobika mala imochi mutaa Yeso na gea, " Rabi," na n'kotoa'ake. ⁴⁶ Baobisa njaga guake na n'ndunga. ⁴⁷ Alakini mochi subiabo n'mbo aya mame aofholea opanga nake aon'tuma n'kpa a mokambo a koani ongbongbo na tena kechuwe nake. ⁴⁸ Yeso aoengodea, Bobiki ubate mutaa n'kukuba, na opanga na danga, ka dunga'ani? ⁴⁹ Saa ne neyetu na benu esa buli subia ekalo, bokoto mo dungia'ake. Alakini n'ne anyeni bene kagea maandeko akidiane." ⁵⁰ Buno bobu bayatu na Yeso baon'dheketa na tea. ⁵¹ Moganda mochi, aloli tondo ngombe ne ayatuo ebhumia nee, aoga mbusa a Yeso. Saa ne bakpa ne baya n'ndungi, ⁵² Aodheketa ngombe no na tea ndumbu. ⁵³ Baon'ga na Yeso mutaa koani ongbongbo. Baodondana na bakota a bakoani bobu, na bafhomi, na baandeki. ⁵⁴ Petele aoga mbusa'ake dhanga aboa mopaka na n'tua a koani ongbongbo. Ao ika subia bakota, aojongisa ngobo nake bibia in'sa. ⁵⁵ Bakota a bakoani na Bayaudi bobu a n'tua bayatuo kaba usuudha gua Yeso kagea bamwe. Alakini bakaya pati'ake mochi. ⁵⁶ Kanyongoo bakpa asii baya biki na usuudha a mbea guake, alakini ataa bene usuudha nabo kayatu'ake anja. ⁵⁷ Bakpa mochi baomama na bikisa usuudha a mbea guake; baogea, ⁵⁸ Betomooki aogea, ' Ne ngbolaae ekalo ne baya fheki na njaga, na fheka angboo kisa esa isalo n'ne baka fheki na njaga. '" ⁵⁹ Ataa bene usuudha nobo n'natuake anja. ⁶⁰ Koani ongbongbo ao mama subia'abo ao muisia Yeso, " Koo jibua? Kema sina ne bakpa ne bao laba guako?" ⁶¹ Alakini aya dakani kanga jibua. Koani ongbongbo agotoo muisia na gea, " Obe ambe Klisto , Muna N'mo ana Kalamo?" Yeso aogea, " Eme ambe; na omoonaae Muna N'kpa saa ne aiki ka njaga a muuku a bokuu na bika na ebundu a egoo." ⁶³ Koani ongbongbo aoboma ngombe nake na gea, " Beo beokonda usuudha? ⁶⁴ Booki bene an'fhoti Mokonga. Boyongi kema sina?" Bobu bao gea aopasa akuwe. ⁶⁵ Bakpa mochi bao kpanga n'makea soki na bhumba endondo'ake na n'bheta na mangume na n'ngodea, " N'naba!" Mokota aon'nduga aon'bheta. ⁶⁶ Saa ne Petele ayatu kaod'o subia n'tua, n'seka mochi ka bakpa a mokambo a Koani ongbongbo aobika mutake. ⁶⁷ Aomoona Petele ao ota in'sa, aon'lenga asii na gea, " Na obe otu na Yeso, Munazaleti." ⁶⁸ Alakini aongana, aogea, " Kao uba ao okafha kema ne ooyonga kao." Aoga ka afhe. Mukua koko ao osa. ⁶⁹ Alakini n'seka aomoona ao kpanga goto engodea buno baya mame fua, " Mogaa ne ane mochi subi'abo!" ⁷⁰ Alakini ao ngana goto. Mbusa a saa aboa buno baya mame fua baon'ngodea Petele, " Dhoni one mochi subi'abo, kanyongo one Mugalilaya." ⁷¹ Alakini ye sisake aokpanga bhumiaga na lapa, " Keo muuba mogaa ne boolaba guake." ⁷² Mala imochi mukwa koko ao osa mala a ibee. Petele ao kombuka yonga ne Yeso ayan'ngodei: " Mosa mukwa koko a ose mala ibee, omonganaae mala isalo," aogua kaod'o aogama.