¹ Kan'bimba, bakota a bakoani, na bafhomi na baandeki na Bayaudi bobu baodondana. Baon'ndunga Yeso baon'ga naye. Baobika naye mutaa Pilato. ² Pilato aomuisia, " One mwame a Bayaudi?" Aon'jibua, " Ogii bene." ³ Bakota a bakoani baon'sitakea ka kema asii. ⁴ Pilato agotoo muisia, " Komofhi'ake jibo? Onafho namuna ne baoko saitakea ka kema asii!" ⁵ Alakini Yeso kayan'jibuake goto Pilato, aon'yayamisa. ⁶ Ka saa no a fulaa, Pilato ayatu na tabia a n'dheketa kabo n'kpa mochi katoka kenju a kifungo, n'mbo bakondi ban'dekete. ⁷ Mogaa mochi ayatu fua ina'ake Baraba subia enju a kifungo na batomboki bune bayatuo eola bakpa ka tomboka nab'o. ⁸ Bakpa baobika mutaa Pilato baomuisia agee kab'o beno ayatuo gea kala. ⁹ Pilato ao ejibua, " Bookonda ne'dhekete kanu mwame a Bayaudi?" ¹⁰ kanyogoo ayatuo uba siki ne bakota a bakoani bayatu nee ban'bise Yeso ka njaga'ake. ¹¹ Alakini bakota a bakoani baojujuia bakpa gea bakoge gea ban'kode Baraba. ¹² Pilato ao ejibua goto na gea, " Negaae kema sina na Mwame a Bayaudi?" ¹³ Baokoga goto, " N'kpatani!" ¹⁴ Pilato aoengodea, "Bojede sina ato gii?" Alakini baokoga goto asii, "N'kpatani." ¹⁵ Pilato aya kondi afulaise n'kindi a bakpa, aon'dheketa kabo Baraba. Aon'boa Yeso aon'deketa ka njaga'abo ban'kpate. ¹⁶ Ba soda baon'ga naye mbamba a n'tua (N'ne a mena'anji), na bayatuo ofhana u bobu n'tunduko a ba soda. Baon'lolisa Yeso bongo a toko, bao loka kekombo a ngenge na bisa'ake ka moo. ¹⁸ Baokpanga tebea'ake na gea, " N'seseani, Mwame a Bayaudi!" ¹⁹ Bayatuo n'bheta na danga a matike na n'makea soki. Baoga n'betea moa n'kuu mosa'ake. ²⁰ Saa ne baya n'tebei, baon'fholea ngombe na bisa bongo guake, baoga naye oma a n'kpataake. ²¹ Mogaa mochi, ina'ake Simoni a Kurene, ayatuo bika katoka ka mosomba (Ayatu abake na Alikisandele na Rufusi), baon'kakamisa akumbe mosalabha nake. ²² Ba soda baobika na Yeso oma ne baofhani Gologota (n'ne maana li ane Gangata"). ²³ Baon'mofha makane ne babisi kimochi na manemane, alakini kaya kondi'ake anowe u. ²⁴ Baon'kpata na gaba ngombe nake na maka sembe kao kagea baube gbutuka engaani ba soda baenei bapate. ²⁵ Ayatu saa a isalo saa ne baya n'kpati. ²⁶ Bao andeka masitaki guake, " Mwame a Bayaudi," ²⁷ Baya n'kpati na ba kukubha ibee, mochi ka njaga a muuku na bongboo ka njaga a n'kei. ²⁸ N'ne bayaandeki ao kidhi'ane: Bayan'bisi subia bakpa ajede. ²⁹ Buno bayatuo nyena fua bayatuo n'fhota, baotibha moo nabo, " Ah! Oyepasi ngbola ekalo na fheka goto u ka esa isalo, ³⁰ elamisa sisako na dida ka mosalabha!" ³¹ Ka namuna imochi bakota a bakoani bayatuo n'tebeaga kila mochi, na baandeki na gea, " Aya lamisi bakpa, alakini kaotoka elamisa sisake. ³² Klisto, Mwame a Isilaeli, dida gaake ka mosalabha, kagea beone na belekea." Buno baya ekpati najye bagotoo n'fhota. ³³ Ka saa sita, kadhifhio aobhumba mokonda buli mopaka saa tisa. ³⁴ Ka saa tisa Yeso aotata na eso angbo, " Eloime, Eloime,lama sabakatani?" Maana li," Mokonga namo, Mokonga namo, kanyongo sina omodheketi?" ³⁵ Bakpa mochi buno bayatuo mama bao oka yonga ne baogea, " Lengani, aomoofhana Eliya." ³⁶ Bakpa mochi baoga bango, baobisa makana ka bongo, baobisa u ka danga a matike, baomofha u anoe. Mogaa neo aogea, Beone fho ambe Eliya abikaae kon'fholea kaod'o." ³⁷ Yeso aotata na eso angbo kisa aodhusukana. ³⁸ Bongo a ekalo ao bomoka gbutuka ibee kpanga kegoo mopaka kaod'o. ³⁹ Saa ne n'chungi ne aya mame na onjea bene Yeso aya dhusukani ka namuna ne, aoga, " Dhoni mogaa ne ayatu Muna Mokonga." ⁴⁰ Bake bayatu fua bune bayatuo lenga danga. Subi'abo ayatu Malia Magadelena, Malia(amake na Yakobo motoake na Yose), na Salome. ⁴¹ Saa ne ayatu ka Galilaya bayatuoga mbusa'ake na n'tomikia. Bake angboo asii baya dhafhi naya na Yelusalema. ⁴² Ogogo aokidia, kanyongoo ayatu esa a bongisa n'ne ane, esa mosa a Sabato, ⁴³ Yozefu muna Alimatayo aobika fua. Ayatu n'kpa a esima ka n'tua n'mbo ayatuo bondea bwame a Mokonga. Ayagee na bojeme mutaa Pilato na mema ngobo a Yeso. ⁴⁴ Pilato aoyayama gea Yeso ayo ku; aomoofhana n'chugi na muisia ambe Yeso aku. ⁴⁵ Saa ne pilato aya ubi gea yeso aku, aomofha Yozefu ngobo'ake. ⁴⁶ Yozefu aya sombi ngombe anja. Aon'fholea ka mosalab'a, aon'bhumbia na ngombe, na ndhaisa subia bota ne aya tongi ka etandale. Aolingitisa ete kiso a n'pome a bota. ⁴⁷ Malia Magadelena na Malia amake na Yose ao ona oma ne baya muumbi Yeso.