1 Saa ne Sabato aya nyeni, Malia Magadelena, Malia amake na Yakobo, na Salome baya sombi kasa anja n'na baya pasi basiye ngobo a Yeso. 2 Kan'bimba kan'bimba esa a kwanja a poso, baobika ka bota saa ne mani aya seneki. 3 Baolaba sisabo, " Ani atingisaae kasu ete kiso a n'pome a bota?" 4 Saa ne baya lengi kegoo, bao ona gea bayo batingisi ete, kanyongo aya ngboti fhee. 5 Baongia ka bota baomoona moganda mochi aloli ngombe anjee, aiki ka njanga'amuuku bao sokanaga. 6 Aoengodea, " Boko tee mbe. Boon'kaba Yeso, Munazaleti, n'mbo baya n'kpati. Ayo fufuki! N'naake moni. Lengani oma ne bayan'bisi. 7 Alakini gaani, engodeani banafunji nake na Petele, ' Agee mosaanu na Galilaya. Fua ange bomoonan ku, sa beno ayano'ongodei.'" 8 Baoga na tea mbango toka ka bota; bayatuo sokanaga na yayama. Bakaya yongi'ake kema muta n'kpa kanyongoo bayatuo tea. 9 [ Kan'bimba kan'bimba a esa a kwanja a poso, mbusa a fufuka'ake, ao onekana mosa mutaa Malia Magadelena, n'mbo aya etokisi bayoya saba. 10 Aoga na engodea buno ayatu naab'o, saa ne bayatu ka ngamo na gama. 11 Bao oka gea aya fufuki na aya onekani mutake, alakini bakaya belekei. 12 Mbusa a kema ne aoseneka na namuna angboo muta buno babee bayatuo tamba ka mosomba. 13 Baoja mbusa na engodea buno baya jigi, alakini bakaya belekei. 14 Yeso ao onekana goto mbusa muta buno komi na ibee bene baya dondani ka meja, ao etombokea kanyongo a kanga belekea nabo na bokpekpe a meema nab'o, kanyongoo bakaya ebelekei buno baya mooni mbusa a fufuka'ake toka mutaa baku. 15 Aoengodea, " Gaani subia mokonda buli, na ubilia enjili mutaakema buli n'ne ao fhekumaga. 16 N'mbo abeleki na pata obatizo alamaae, na n'mbo kabeleki bamuukumuaae. 17 Alama ne aange abaae na buno babelekea ku: Kina namo baetokisaae bayoya. Bayongaae ka kesambae a keekee. 18 Baebhedhaae ba njoka na njaga'abo, kabe banu kema ajia, katoke ku aegee bojede. Babisaae njagaa'bo gua basambi, babaae anja." 19 Kisa Bosomwa yonga na'abo baon'sajuwa kegoo na ika ka njaga a muuku a Mokonga. 20 Banafunji baotoka na ubilia oma buli, saa ne Bosomwa aya tomiki naabo na onekanisa yonga ka alama aoga na'abo.]