¹ N'kindi angbo a bakpa ayatu goto ka matu no, bakayatu na kema alea. Yeso aoebofhana banafunji nake na engodea, ² nena ngomi a bakpa ne kanyongoo baka na kema a lea. ³ Kabhe neejisi kenju nab'o kangan leaga, baenei badhusukane ka afhe. Asii subi'abo batoki dhanga." ⁴ Banafunjin nake baon'jibua, "Oma sina beenei bepate n'bako asii ka ndula ne a kutisa bakpa ne?" ⁵ Aoeusia, " Bona gbutuka engaani a n'bako?" Baogea, "Saba." ⁶ Aoengodea bakpa baike kaod'o. Aobhoa gbutuka saba a n'bako, ao sukulua, na bhunaga u. Ao ebhofha banafunji nake babise u mosa'abo, baobisa musa a bakpa. ⁷ Bayatu goto na bisoko aboa, kisa sukulua u kanyongo'abo, aoengodea banafunji baebhofhe goto. ⁸ Baolea na kuta, na bonyea gbutuka gbutuka no aya jigi, djo saba. ⁹ Bayatu bibi'a bakpa elefu gena. Aoejisa. ¹⁰ Mala imochi aongia subia koko na banafunji nake, baoga ka mosomba a Damanuta. ¹¹ Bafalisayo baobika na kpanga sania'ake. Baon'ngodea aeonise alama mochi n'ne atoki kegoo kanyongo ban'bisie meeko. ¹² Aofhekuma asii subia loo nake na gea, " Kanyongo sinaebokoti ne aokaba alama? Nenongodei dhoni, ebokoti ne n'naoyoka apate alama." Aoedheketa aongia goto subia koko, aoga kubi'angboo. ¹⁴ Banafunji baya bosei kumba n'bako. bakayatua'ake na kema tondo gbutuka mochi a n'bako subia koko. ¹⁵ Aoengodea, gea, " Engefhaani na ikani mbamba a konjonjoko a Bafalisayo na n'ne a Herode." ¹⁶ Banafunji bao sana sisab'o bene bakayatu n'bako. ¹⁷ Saa ne aya ubi bene, aoeuisia, " Kanyongo sina boosana kaika kanga n'bako? Bojigi kanga onafha ao ubafha? Bokpekpemisi meema nanu? ¹⁸ Bona iso, kanga onafha? Bona kechuwe, kanga okafha? Bokoo kumbuka? ¹⁹ Saa ne neye bhuni n'bako itano subia bakpa elefu itana, djo engaani a gbutuka an'bake ne aya jigi n'ne boto bonyii? Baon'ngodea, "Komi na ibee." ²⁰ " Saa ne neye buni n'bako saba subia bakpa elefu gena, djo engaani a gbutuka a n'bako boto benyii? Baon'ngodea, "Saba." ²¹ Aogea, kpanga fua boko ubi?" ²² Baobika na Betesaida. Bakpa baobika mutake na kendimendime baon'dengemisa Yeso an'bisie njaga. ²³ Yeso aon'bedha kendimendime ka n'njaga aon'tokisa ka nji. Aobhoa soki nake aobisa kiso'ake, aomuisia, " Ooni kema?" ²⁴ Aolenga kegoo, na gea, " Neoni bakpa bune baotamba ubate mee." ²⁵ Agotoo bisa njaga'ake kiso'ake, mogaa no ao ukua iso'ake, onafha nake aob'a anja, na ona kema bubuli anja. ²⁶ Yeso aon'jisa kenju nake na n'ngodea, " Kongie mbe ka n'nji." ²⁷ Yeso aotoka na banafunji nake na gaa ka n'nji a Filipini Kaisala. Ao ebuuisia banafunji nake ka afhe, " Bakpa baogea nene ani?" ²⁸ Baon'jibua na gea, " Yoani mobatizi. Buna'angboo baogea, ' Eliya, na buna'angoo, 'Mochi subia ban'nabi."' ²⁹ Ao ebuuisia, " Alakini benu bogii nene ani?" Petele aon'ngodea, "One Klisto." ³⁰ Yeso aoe engefhisa bakan'ngodee mbe n'kpa guake. ³¹ Ao kpanga efundisa gea Muna N'kpa aopasa ateseke asii, bafhomi ban'makaae na bakota a bakoani na baandeki, na aopasa akuwe, na fufuka kisa esa isalo. ³² Aya yongi mbino ne kan'tanga. Petele aoga naye mbamba na kpango n'tomokea'ake. ³³ Alakini Yeso agalekane na lenga banafunji nake kisa aon'tombokea Petele na gea, " N'keti, gaa mbusa'ani! Koobisa'ake kema a Mokonga ka mawazo nako, alakini ka kema a bakpa." ³⁴ Ao dondanisa bakpa na banafunji nake oma imochi, aoengodea, " Kabe n'kpa aokonda agee mbusa'ani, aopasa akumbe mosalaba nake sisake, na bika mbusa'ani. ³⁵ Kanyongoo n'mbo aokonda a lamise maisa nake abungisaae u, na n'mbo abungisi maisa nake ka nyongoa'ani na kanyongo a enjili alamisaae u. ³⁶ Faidha sina mutaa n'kpa apate mokonda buli na kisa abungise maisa nake? ³⁷ Kema sina n'kpa aenei afholee ka badilisa na maisa nake? ³⁸ N'mbo aomo kulia soni na yonga namo musa a bakpa a mambo na jambi a ebokoti ne, Muna N'kpa an'kuliaae soni saa na abika ku ka bodoko a Abake na bamalaika anja."