¹ Aotoka fuamo aoga ka mosomba nake, banafunji nake baon'bea. ² Saa ne Sabato aya enei, aofundisa subia sinagogi. Bakpa asii bao mookanea na yayama. Baogea, " Apati mafundiso ne oma sina?" " Bokichwa sina n'ne bamofhi?" " Ban'pa sins n'ne ao onekana kanjaga'ake?" ³ " N'ne muna n'sekigi mbata ne, muna Malia na muna'amake na Yakobo na Jose na Yuda na Simoni? N'na bana'amake baseka bune na'abo moni?" Kino, bakaya n'belekiake Yeso. ⁴ Yeso ao engodea, " N'nabi ka'ake na esima mutab'o na subia badake na kenju nab'o." ⁵ Kaya toki'ake agee mokambo akpe, tondo bisa njaga gua bakpa a ngobo aboa na efondisa. ⁶ Ao yayama na kanga belekea nab'o. Aoga bibi'a nji na fundisa. ⁷ Aoebofhana buno komi na ibee eteka babee babee, na ebofha bokota gau bayoya, ⁸ aoengodea baka bedhe kema ka tamba nab'o, tondo njombi kanga n'bako, kanga umuno, kanga bangoa ka n'tongo nabo ⁹ alakini balole makalabhanda, baka lole mbe ngombe ibee. ¹⁰ Aoengodea, " Enju buli n'ne bongia ku kao, jiga fua mopaka bene botoka ku fuamo. ¹¹ Kabe bongi ka n'nji ne bakano sesei na oka'anu, saa ne botokaae, jujiani ebuu a echinji nanu abe ubate usuudha mutab'o. ¹² Baoga na ubilia bakpa gea baopasa tubua. ¹³ Baotokisa bayoya asii, na esia bakpa a ngobo ngamba bao efhondisa. ¹⁴ Mwame Herode ao oka bene, kanyongo ina a Yeso aya ubukani anja. Bakpa mochi bayatu gea, "Yoani bobatizi afufuki toka mutaa baku, na ane kabene aogea ban'pa akpe ka mokambo ne asubiake." 5 Bakpa angboo baogea, " Elia. Buna'angboo, " Ane n'nabi, ubate ban'nabi a kala." ¹⁶ Alakini saa ne Herodi aya oki bene aogea, "Yoani n'mbo neye n'teni kingo, afufuki." ¹⁷ Kanyongoo aya eteki bakpa ban'dunge Yoani na bisa'ake kenju a kifungo kanyogo a Herodia (n'ka a muna'ame Filipi), kanyongoo ayan'songi. ¹⁸ Kanyongo Yoani ayan'ngodei Herode, " N'naake anja mutako on'songe n'ka a muna'amako." ¹⁹ Alakini Hero ao bela asii guake na konda ola'ake, alakini kayatokii, ²⁰ kanyogoo Herode ayayuon'tea Yoani; ayaubi gea ane n'kpa anja na motakatifo, aon'chunga anja. Saa ne aya mookanei, ao sangekana asii, ata bene ayakondi amookanee. ²¹ Baati anja ao kidiana saa ne Herode ayatu na fulaa a esa a bokotana'ake aoombisa elea gua bakota nake na gua bagbega a Galilaya. ²² N'seka a Herodia aongia subi sisake na bhina kanyongo nab'o, aon'fulaisa Herode na buno ayaebhoofhani. Mwame aon'ngodea n'seka, " Mo mema kema ne okondi nekofhaae u." ²³ Aon'lapea na n'ngodeaake, " Kema buli n'ne omomemaae, nekofhaae, ata kabhe gbutuka a bwame namo." ²⁴ Aoga na n'ngodea amake, " Kema sina neenei nen'meme?" Aogea, " Moo a Yoani mobatizi." Mala imochi aoja mbango mutaa mwame, aon'ngode, aogea, " Neokonda keekee ne omofhe moo a Yoani mobatizi gua ofhefhe." ²⁶ Mwame aobela asii, kaya tokiake akpeme memi nake kanyongoo a boagi musa a bakpa ne aya eboofhani ka elea. ²⁷ Mwame ao eteka ba soda toka ka buno bayatuo n'chuga bagee babike na moo a Yoani. Baoga na tena moo nake subi enju a kifungo. ²⁸ Baobika na moo nake subia ofhefhe baomofha n'ska no, na n'seka aomofha amake. ²⁹ Saa ne banafunji nake baya oki bene, bao bika baobedha ngobo'ake na bisa i subia bota. ³⁰ Bagoigi baobika na Yeso kimochi na n'ngodea kema buli n'ne ayatuo gea na fundisa. ³¹ Aoengodea, " Begee mbamba oma mochi ne asomeani beumbie fua aboa. " Kanyongoo bakpa asii baya biki na gaa naye, na kanga pata saa a leaga. ³² Baoga subia koko, oma mochi ka mbunja sisab'o. ³³ Alakini bao eboona na baoga kanyongoo bakpa asii baya eubi, baoga mbango fua ka echinji, baokidia mosa'abo. ³⁴ Saa ne baya kidiani ka motili, ao ona n'tunduko angbo a bakpa ao ekulia ngomi kanyogoo bayatu ubate ba mogogo kanga unchungi'abo. Aokpanga efundisa kema asii. ³⁵ Saa ne mani aya kengetani, banafunji nake baobika mutake na gea, " N'ne ane ndula na saa anyeni. ³⁶ Eteka bagee bibi a nji na mosomba basombe kabo kema alea." ³⁷ Alakini aoejibua, " Ebofhaani kema alea." Baon'ngodea, " Beenei begee na dinali mia ibee besombe kabo n'bako na ebofha ba lee?" ³⁸ Aoengodea, "Bona gbutuka engaani a n'bako? Gaani na ona." Saa ne bayadondi u, baogea, " Gbutuka itano a n'bako na bisoko ibee." ³⁹ Aoengodea bakpa bobu baike kaod'o ka n'tunduko n'tunduko gua kasa. ⁴⁰ Bao ika ku n'tunduko a mia imochi na a makomi itano. ⁴¹ Aobedha gbutuka itano a n'bako na bisoko ibee ao sukulua na bhunaga na ebhofha banafunji nake babise mosa a bkpa. Agotoo gaba bisoko ibee mutaab'o bobu. ⁴² Bobu baolea mopaka bene baya kuti. ⁴³ Bao boa bgutuka gbutuka ne aya jigi a n'bako, baotumisa djo komi na ibee, na gbutuka gbutuka a bisoko. ⁴⁴ Bayatu bakpa elefu itano buno baya lei gbutuka a n'bako. ⁴⁵ Mala imochi aoengodea banafunji nake bangie ka koko na gaa mosa'ake ka n'chi'angboo, ka Betesaida, saa ne aya tokisi n'kindi a bakpa. ⁴⁶ Kisa edheketa, aodhafha ka mamba ka mema. ⁴⁷ Ogogo aobika, na koko aoba subia ob'a, ao jiga sisake kubi. ⁴⁸ Ayaoni gea banafunji nake bakayatuo uba obha koko, kanyongoo maifhio ayatuo ebheta. Bibia saa gena a kiifha aibika mutabo, aotamba gua ob'a, aya kondi aenyene. ⁴⁹ Alakini saa ne baya mooni aotamba gua ob'a, baowaza gea ane n'keti baotata, ⁵⁰ kanyongoo bayamooni na vulungana. Mala imochi aoengodea na gea, " Kpekpemana'ani! Eme ambe! Bokotee mbe!" ⁵¹ Aongia subia koko naab'o, maefhio ao dakana. Baoyayama asii. ⁵² Kanyongoo bakaya ubi'ke maana a gbutuka a n'bako. Alakini, meema nab'o ayatu akpe. ⁵³ Saa ne baya jabi kubi'angboo baokidia kubi ka Genezareti bao bowa koko. ⁵⁴ Saa ne baya toki ka koko, bakpa baomuuba mala imochi, ⁵⁵ baoga mbango kanyenea ka mosomba buli baokpanga bika na bakpa a ngobo gua kalagba nab'o oma ne baya oki aikiki. ⁵⁶ Oma buli n'ne ayatuo ngia subia n'nji, baya pasi ebisa bakpa a ngobo ka soko. Baon'dengemisa badunge sese'a ngombe nake, na bakpa asii bune baya tungi ngombe nake baya fhondi.