¹ Bakidhia kubi'angboo a ob'a, ka mosomba a Gerezeneza. ² Saa ne Yeso aya toki subia koko, mogaa mochi aobika mutake n'mbe ayatu na bayoya kpanga bene ayatoki ka sofho a'amake. Magaa no ayatuo ikika ka ngbangbata. Tafho n'mbo ayatoki an'dunge, ata na n'tongo. ⁴ Bayatuo n'lingia na n'tongo mala asii. Ayatuo tena ngoli na n'tongo teneka. Tafho n'mbe ayatu na bokpekpe n'dunga. ⁵ Kiifha buli na sua mani ayatu ka ngbangbata na ka mamba, aotata na etumaga na ete. ⁶ Saa ne aya mooni Yeso danga aoga mbango mutake na gudhumana mosa'ake. ⁷ Aotata na eso angbo, " Nekogii kema sina, Yeso, Muna Mokonga n'mbo akegoo asii? Neko dengemisi muta Mokonga sisake, komogee mbe bojede." ⁸ Kanyongoo ayatuo n'ngodea, " Toka subia n'kpa ne obe amandaima." ⁹ Ao muisia, " Inaako ani?" Aon'jibua, " Ina'amo Jesi, kanyongo bene asii." ¹⁰ Aon'dengemisa goto koso teke mbamba a n'nji. ¹¹ N'yunduko angbo a bangea bayatuo lea ka mamba fua, ¹² baon'dengemisa, baogea, " Osoteke subia bangea; bengie subia'bo." ¹³ Aoengodea bangie subi'abo; baamandaima baon'toka na ngia subia bangea, n'tunduko a bangea baoga bango bao emaka ka ob'a, bayatu bibi'a elefu ibee. ¹⁴ Buno bayatuo elisa bangea baotea mbanga baoyonga kema ne aya nyeni kanji na ka mosomba, bakpa baoga kaona kema ne aya nyeni. ¹⁵ Baobika mutaa Yeso baomoona mogaa no ayatu na bayoya, n'mbo ayatu na Jesi, aiki fua, aloli ngombe na akili nake anja, baotea. ¹⁶ Buno bayaoni kema ne ayanyeni mutaa mogaa no ayatu na bayoya baoengodea anja guake, bagotoo engodea guan bangea. ¹⁷ Baokpanga n'dengemisa atoke ka n'nji nabo. ¹⁸ Saa ne ayatuo ngia subia koko, mogaa no ayatu na bayoya aon'dengemisa aike naye. ¹⁹ Alakini Yeso kaya kondi'ake, alakini aon'ngodea, " Gaa kenjun nako na mutaa bakpa nako engodea n'ne Bosomwa agii mutako, na bene atoko kuili ngomi." ²⁰ Aoga na kpanga laba ka Dekapoli kema angbo n'ne Yeso ayagii mutake, kila n'kpa aoyayama. ²¹ Saa ne Yeso aya jabi kub'i ob'a subia koko, n'kindi angbo a bakpa aon'timba, bene ayatu ka motili a ob'a. ²² Mochi ka bakota a sinagogi inaake Yailo aobika, saa ne aya mooni, aogua kechinji'ake. ²³ Aon'dengemisa asii aogea, " N'seka namo aogea akue. Kadengadenga, bika obise njaga'ko guake kagea afhonde a ikika." ²⁴ aoga naye, n'kindi angbo a bakpa bakpa baoga mbusa'ake baon'songanisa. ²⁵ N'ke mochi ayatu fua majia ayatuo n'dida mwaka komi na ibee. ²⁶ Aya teseki asii mutaa ba monganga na bungisa bangoa asii na kema buli n'ne ayatu nee, alakini ayatuo oka ajede. ²⁷ Saa ne aya oki mbino a Yeso, aobika mbusa'ake subia n'kindi a bakpa na bedha kusia' bongo nake. ²⁸ Kanyongo ayagii, " Kabhe nebedhi tondo ngombe nake nefhondaae." ²⁹ Saa ne ayan'bedhi, dida a majia aoteneka, ao oka ka ngboa'ke afhondi. ³⁰ Mala imochi ao uba gea bokpekpe nake an'didi. Aogalekana ka n'kindi a bakpa aogea, " Ani amobedhi ka ngombe?" ³¹ Banafunji nake baogea, " Ooni n'kindi a bakpa bakosonganisi, ' Na gea,' Ani amobedhi?"' ³² Alakini Yeso aolenga mbusa aone ani ayagii bene. ³³ N'ke no ao uba n'no ayan'nyenei, aotea na sokanaga. Aobika na guwa kaod'o mosa'ake na n'ngodea dhoni buli. ³⁴ Aon'ngodea, " N'seka, belekea nako akobisi anja. Gaa na bonjanja na fhonda ka kukwa nako buli. ³⁵ Saa ne ayatuo yonga, bakpa mochi baobika toka mutaa bakota a sinagogi, baogea, " N'seka nako aku. Kanyongo sina boon'vulunga mwalimo asii? Alakini saa ne Yeso aya oki mbino ne baya yongi, aon'ngodea mokota a sinagogi, " Kotee mbe. Belekea tondo." ³⁷ Kayato kondia'ake agee na n'kpa tondo Petele, Yakobo, na Yoani, muna'amake na Yakobo. ³⁸ Baobika kenju a mokota a sinagogi ao ona bakpa baobisa botela asii, baogama na tata asii. ³⁹ Saa ne ayangi kenju, aoengodea, " Kanyongo sina bovulungani na gama? Michi kaku'ake alakini aodhaa." ⁴⁰ Baokpanga n'tebea'ke. Alakini ao etokisa bobu na n'senge aon'boa abake na michi na amake na buno bayatu naye, baongia subi oma ne michi ayaloe. ⁴¹ Aobedha njaga'a michi na n'ngodea, " Talita, Kum!" maana li, " N'seka oboa, nekongodei, mama." ⁴² Mala imochi michi ao mama na kpanga tamba (kanyongo ayatu na mwaka komi na ibee). Saa no baoyayama asii. ⁴³ Aoengodea na bokpekpe gea n'kpa kaube mbe kema no. Aoengodea bamofhe kema mochi alee.