¹ Aokpanga goto fundisa ka motili a ob'a, n'kindi angbo a bakpa aon'timba. Aochadhoka subia koko n'no ayatu ka ob'a, na ika subii. N'tunduko ayatu ka motili bibi'a ob'a. ² Aoefundisa kema asii ka mekele na ka mafundiso nake, n'ne ange ayatuo endodea. ³ Okafho! N'demi mochi ayatuo kona mbuka ka nake. ⁴ Bene ayatuo kona, mbuka mochi aogua bibi'a afhe, bambuu baobika baolea u. ⁵ Mbuka angboo aogua ka etandale, oma ne n'sofho n'na asii. Mala imochi ao mokaka kanyongoo kayandii'ake kaodho. ⁶ Alakini saa ne mani aya seneki, mbuka ao mokaka kanyongo kayatua'ke na miigi, ao mokaka. ⁷ Mbuka angboo aogua subia ngenge. Ngenge ao mota, aosonganisa u, kanga fholea mbuka. ⁸ Mbuka angboo aogua ka od'o aofholea mbuka aomota na fholea ken'putu makomi isalo, makomi sita, na ata mala mia mochi." ⁹ Aogea, " N'mbe ana kecuwe aoka, aoke!" ¹⁰ Saa ne Yeso ayatu sisake, buno bayan'timbi na buno komi na ibee baomuisia kanyongo a mekele. ¹¹ Aoengodea, " Benu bopati sili a bwame a Mokonga. Alakini mutaa buno banan'senge kema buli ane mekele, ¹² kagea saa ne baolenga, dhoni baolenga, alakini kanga onafha, na saa ne bao oka, dhoni bao oka, alakini kanga okafha, kagea baka gaekane na Mokonga kasamee jambi nab'o." ¹³ Aoengodea, " Boko ubi'ake mekele ne? Namuna sina bouba ku mekele buli?" ¹⁴ N'koni akoni yonga. ¹⁵ N'ne agu bibi'a afhe, fuaange baya koni yonga. Saa ne baoki, mala imochi N'keti aobika aofholea yonga ne baya koni subiab'o. ¹⁶ Na mbuka ne baya koni ka etandale; saa ne bao oka yonga, baobhoa u mala imochi na fulaa. ¹⁷ Alakini kanga miigi subiab'o, alakini baokakamana saa aboa. Saa ne kengeaga abiki na teseka akidiani kanyongo a yonga, baogua mala imochi. ¹⁸ N'naangboo baya koni subia ngenge. Ane buno baoki yonga, ¹⁹ alakini sangekana a mokonda na kpada a imona na siki a kema angboo aobhokanisa yonga, aojiga kanga fholea mbuka. ²⁰ Buno baya ekoni ka od'o anja ane buno bao oka yonga, baobelekea u na fholea mbuka, makomi isalo, makomi sita ao saa angboo asii mala mia mochi. ²¹ Yeso aoengodea, " Oenei obike na obela subia enju na bisau kusia djo ao kusi'eka? Obiki nee subi na bisai oma a kegoo. ²² Kanyongoo kotoke ku somea kema kanga onekana kan'tanga. ²³ Kabe n'kpa ana kechuen a okafha, aoke!" ²⁴ Aoengodea, " Engefhaani na n'ne bo'oka, kanyongoo kipimo na boopima nee aange banopima ku kao, na ongezea'nu. ²⁵ Kanyongoo n'mbo ana kema, bampfhaae asii, na n'mbo kana kema, bamuutaae n'ne anee." ²⁶ Agotoo gea, bwame a Mokonga aubate n'kpa akoni mbuka nake kaod'o. ²⁷ Adhae kiifha na jujuka sua mani, mbuka ateli na mota ataa bene kao uba namuna sina. ²⁸ N'sofhe aofholea mbuka sisake: aotela mosa, kisa mbuka, kisa mbuka aomota. ²⁹ Saa ne mbuka amoti, akpangi mokambo na yembe nake kanyongoo saga atena mbuka abiki." ³⁰ Aogea goto, " Kema sina neenei nebise ubate bwame a Mokonga, ao mekele sina neenei ne make ka onesa u? ³¹ Ane ubate mbuka a boye'a okota, n'ne, saa ne bakoni u, aaboa asii ka mbuka buli a ka od'o. ³² Saa ne bakoni u, amoti na bika angbo nyena mee buli a chiko, aobisa n'tabi, bambuu a kegoo baenei bafheke liibho nab'o ka n'tabiake." ³³ Ka mekele asii ubate bene ange ayatuo laba yonga mutab'o bene baya pasi uba, ³⁴ Kayatuo laba mutabo kanga mekele. Alakini saa ne ayatu saa ne ayatu sisake, ayatuo onesa kema buli mutaa banafunji nake. ³⁵ Ka esa no, ogogo, aoengodea, " Begeeni kubiangboo a ob'a." ³⁶ Baodeketa n'kindi a bkpa, Yeso naab'o bene ayatu, subia koko. Koko angboo ayatu fua n'ne batuoga nee. ³⁷ Saa ne kuka akpe aya kidhiani, alinga aokpanga bheta mokob'o a koko, koko aogea atume na ib'o. ³⁸ Alakini Yeso sisake ayatu ka mokob'o a mbusa, aodhaa gua muto. Baon'jujukisa, baogea, " Mwalimo, koona bene beogea bekuwe? ³⁹ Ao mama, aotombokea kuka, na ngodea ob'a, " Dakane! Jiga bhii!" Fua kuka aodakana. ⁴⁰ Aoengodea, " Kanyongo sina bootea? Bokoake na belekea?" ⁴¹ Baya tumi na sokanaga na yonga sisab'o, " Ani'ambe, kanyongoo ataa kuka aoen'simia?"