¹ Yeso aoga goto ka sinagogi, n'kpa mochi ayatu fua njaga nake aya mokaki. ² Bakpa asii bayatuo moenjea ambe aenei anfhondise esa a Sabato kanyongoo ban'sitakee. ³ Yeso aon'ngodea mogaa no ayatu na njaga ao mokaka, " Mama na jiga moni subia bakpa." ⁴ Aoengodea bakpa, " Ane anja kagea bonjanja esa a Sabato ao gea bojede; lamisa maisa ao ola?" Alakini baya dakani. ⁵ Aoeonjea na beli, aya beli asii ka bokpekpe a meema nab'o, na n'ngodea maogaa no, " Sakua njaga'ako." Ao sakua u, na njaga'ake aobika anja. ⁶ Bafalisayo baoga saa no na kpanga chobochobo na badake na Herode kanyongo bapate namuna ne baopasa ola'ake. ⁷ Yeso, na banafunji nake, baoga ka ob'a, n'kindi angbo a bakpa baoga mbusa'abo toka na Galilaya na Yudea ⁸ na ka Yelusalema na Idumea na gua Yolodani na bibia Tiro na Sidoni. Saa ne bayaoki gua kema ne ayatuo gea, n'kindi angbo a bakpa obika mutake. ⁹ Ao engodea banafunji nake babise kake koko aboa kanyongo a n'kindi a bakpa, kanyongoo bakan'songanise mbe. ¹⁰ Kanyongoo ayatuo fhondisa bakpa asii, kagea kila n'mbo ayatuo oka ajede asii abike bibi'ake an'ndunge. ¹¹ Oma buli bayoya baya mooni, bayagu kaod'o mosa'ake na tata akpe, na gea, " One Muna Mokonga." ¹² Aoengodea akpe kaubukane mbe. ¹³ Aodhafha gua mamba, ao ebofhana buno aya ekondi na bika mutake. ¹⁴ Ao esomboa komi na ibee (buno inaab'o ane bagoigi) ka gea baya pasi ika naye na eteka ka ubilia mbino, ¹⁵ na b'a na mokota atokisa bayoya. ¹⁶ Aoebisa komi na ibee: Simoni, n'mbo ayamofhi inaa Petele; ¹⁷ Yakobo muna Zebedeyo na Yoani muna'amake na Yakobo, n'mbo aya mofhi inaa Boanerje, n'mbe aambe bana a mobiebie; ¹⁸ na Andele, Filipi, Bartelemi, Matayo, Toma, Yakobo muna Alufayo, Tadei, Simoni Zeloti, ¹⁹ na Yuda Isikaliote, n'mbo ayapasi an'sombise. ²⁰ Aoga kenju n'kindi a bakpa a gotoo n'timba, kagea bakaya lei ake ata n'bako. ²¹ Saa ne enju nake baya oki gui, baoga gua ban'ndunge, kanyongo bayagii, " Abungisi boenge nake." ²² Baandeki bune bayatoki na Yelusalema baoge, " Ana Belizebuli" na " Ka bokota a bayoya aange aotokisa bayayo nee." ²³ Yeso ao ebhofhana aoengodea ka mekele, " Namuna sina N'keti aopasa an'tokise N'keti? ²⁴ Kabe bwame mochi agabekani sisake, bwame no katoke ku mama. ²⁵ Kebe enju agabekani sisake, enju no katoke ku mama. ²⁶ Kabe N'keti amami sisake na gabekana, katoke ku mama, alakini abiki muiso nake. ²⁷ Tafho n'mbe aenei angie kenju a n'kpa okpekpe na ubha n'kumba nake kanga kpekpemana kon'nyena mosa, an'pino aenei aute kema kenju nake. ²⁸ Nenongodei dhoni, njambi buli na bana bakpa baulumiaae u, ata ne efhoti buli n'ne baonfhota Mokonga, alakini n'mbo an'fhota ku Loo Motakatifo baka muulumie ku, alakini apataae ukumu a jambi nake esa buli. ³⁰ Yeso aya gii bene kanyongo bayatuo gea, " Ana loo ajede." ³¹ Bene amake na bana'amake baobika na mama ka n'senge. Baoeteka bakpa ban'moofhane. ³² N'kindi a bakpa ne ayatuo ika bibi'ake baon'ngodea, " Amako na bamuna'amako boko na bake baiki kan'senge, baoko kaba." ³³ Aoejibua, " Ani ane n'ma na banan'ma?" ³⁴ Aolenga bibia buno bayatuo ika naye ka n'timbio na gea, " Onani, bune ange n'ma na ba munan'ma! ³⁵ Kanyongoo n'mbo aogea ekondi a Mokonga, n'kpa no ane munama moko, munama n'ke na n'ma."