¹ Saa ne Yeso aya ji na Kapernaumu mbusa'a esa aboa, bao oka gea akenju. ² Bakpa asii baotunduka fua, tofho oma ne aya jigi, ata oma kiso a n'pome, aolaba yonga mutabo. ³ Bakpa mochi baobika mutake buno bayan'biki na kebeka; bakpa gena aange bayatuo n'kumba. ⁴ Saa ne baya kambi bika bibi'ake kanyongo a n'tunduko a bakpa, bao ukua n'tondo a enju ne Yeso ayatu kao, baodidisa kalagba no kebeka aya dhae kao. ⁵ Ao'ona belekea nabo, Yeso aon'ngodea kebeka, " Michi, ne samei jambi nako." ⁶ Baandeki no baya iki fua, baoyonga subia meema nabo, ⁷ "Boni n'kpa ne ayongi namuna ne? An'fhoti Mokonga! N'na Mokonga sisake ambe aenei a samee jambi?" ⁸ Mala imochi Yeso ao uba subia meema'ake n'ne bayatuo waza sisab'o. Ao engodea, " kanyongo sina boo waza bene subia meema nanu? ⁹ Kema sina aadhekee, on'ngodea kebeka, " Nesamei jambi nako,' ao gea, ' Mama, bedha kalagba nako otambe?' ¹⁰ Alakini kanyongo boube gea Muna N'kpa ana bokota ka od'o a samea jambi, " aongodea kebeka, ¹¹ Nekongodei, bedha kalagba nako, gaa kenjun nako." ¹² Ao mama mala imochi ao boa kalagba nake na gaa kenju nake mosa a bakpa bobu, ka gea bobu baya yayami na n'dokomisa Mokonga, na gea, " Bekeoni mbe kema namuna nee." ¹³ Aotoka goto aoga ka ob'a, n'kindi a bakpa baobika mutake, ao efundisa. ¹⁴ Bene aya nyeni, ao moona Lawi muna Alufayo aiki ka n'tua a balipisi kodi aon'ngodea, " Omo bhee." Aomama aon'bhea. ¹⁵ Yeso ao lea elea kenju a Lawi na balipisi a kodi na bakpa a jambi aoleaga na'abo na banafunji nake, kanyongoo bayatu asii na baya biki mbusa'ake. ¹⁶ Saa ne baandeki, bune bayaty Bafalisayo, bayaoni gea Yeso aoleaga na bakpa a jambi na balipisi a kodi, baoengodea banafunji nake, " Kanyongo sina aoleaga na balipisi a kodi na bakpa a jambi?" ¹⁷ Saa ne Yeso aya oki bene aoengodea, " Bakpa ne bana ngobo anja baka'ake na siki a monganga; tondo buno bana ngobo ange bana siki'ake. Keto biki'ake mutaa bakpa anja, alakini mutaa bakpa a jambi. ¹⁸ Banafunji a Yoani na Bafalisayo bayatuo bowa elea. Bakpa mochi baobika na n'ngodea, " Kanyongo sina Banafunji a Yoani na banafunji a Bafalisayo bao bowa elea, alakini banafunji naka bakao bowa elea?" ¹⁹ Yeso aoengodea, " Bakpa ne baebofhani ka ekeka banei ba bowe elea na moko'a ekeka aiki naabo? Saa buli baiki na moko'a ekeka bakatoke ku bowa elea. ²⁰ Alakini matu ne aobika saa ne moko'a ekeka aedheketaae, ka esa no, babowaae elea. ²¹ N'kpa katoke ku aone ngombe akpe gua jaajangi a bongo. Saa angboo aeni abomoke asii, n'no akpe abomaae asii bongo a kala. ²² N'kpa katoke ku abise maka a keekee subia n'tuka a kala. Saa angboo maka aenei bomaa n'tuka na makana na n'tuka bubuli abhungaae. Alakini, makana a keekee aopasa angie ka n'tuka akpe." ²³ Yeso aongia ka chiko a mayangu esa a Sabato, banafunji nake baokpanga tenaga moo i bene bayatuo nyena. ²⁴ Bafalisayo baon'ngodea, " Lenga, kanyongo sina bagii kema ne n'naake sawa na selia esa a Sabato?" ²⁵ Aoengodea, " Boko somi mbe n'ne Daudi aya gii saa ne ayatu na siki na n'nja ye na bakpa ne ayatu naab'o ²⁶ namuna ne ayangi kenju a Mokonga saa ne Abiatali ayatu koani ongbongbo, na lea n'bako mosa'ake, n'ne nk'pa kayatoki'ake a lee tondo bakoani, na ebhofha buno ayatu na'abo kao?" ²⁷ Yeso aogea, " Baya bisi Sabato kanyongo a bakpa, n'naake bakpa kanyongo a Sabato. ²⁸ Kagea Muna N'kpa ane Bosomwa a Sabato.