¹ N'neange kpanga a enjili a Yeso Klisto Muna Mokonga. ² Bene bayaandeki subia n'nabi Isaya, " Lenga, neteki mbino namo mosa'ako, n'mbo abongisaae afhe nake. ³ Eso ne aotata ka ndula, 'Bisani afhe a Bosomwa tayali; mamisani ab'oo nake." ⁴ Yoani aya biki, ao batiza ka ndula na ubilia obatizo a tubua ka pata osamee a jambi. ⁵ N'ji buli a Yudea na bakpa bobu a Yelusalema baya gee mutake. Aya ebatizi subia ob'a Yolodani, na tubua jambi nabo. ⁶ Yoani ayatuo lola ngombe a sala a kagbema na n'tongo a n'ken'ke ka china'akudu nake, na lea bandonge na apoma. ⁷ Ayatuo ubilia, aogea, " N'mbo abikaae mbusa'ani ao kpekpe komo nyena, ketoke ku ukua ngoli a makalabhanda nake. ⁸ Neonobatiza na ib'o, alakini anobatizaae na Loo motakatifo." ⁹ Ke matu no Yeso ayabiki toka ka Nazaleti a Galilaya, Yoani ambe ayan'batizi subia ob'a Yolodani. ¹⁰ Bene Yeso ayatoki kib'o, ao ona egoo aukukani na Loo adidi guake ubate mbole. ¹¹ Eso mochi aotoka kegoo, " One Michi'omo nekokondi. Nebongi na ob'e." ¹² Loo aon'nga naye ka ndula. 13 Ayagii esa makomi gena ka ndula, n'keti ao n'boma. Ayatu na banyama a kosala, na ba malaika baon'ntomikia. ¹⁴ Mbusa'a n'ndunga Yoani, Yeso aobika na Galilaya ubilia enjili a Mokonga. ¹⁵ Aogea, " saa akidiani, bwame a Mokonga abibi. tubuani na belekea enjili." ¹⁶ Saa ne ayatuo tamba ka motili a Ob'a a Galilaya, aomoona Simoni na Andele muna'amake na Simoni baomaka edo ka ob'a, kanyongoo bayatu baofhigi. ¹⁷ Yeso ao engodea, " Bikani, bomobee, neno bisaae baofhi a bakpa." ¹⁸ Mala imochi baodheketa edo nabo na gaa mbusa'ake. ¹⁹ Bene Yeso ayatui tamba dhanga aboa, aomoona Yakobo muna zebedeyo na Yoani muna'amake subia koko na baobhongisa edo nabo. ²⁰ Ao ebofana baon'deketa ababho Zebedeyo subia koko na bakpa a mokambo bune bayatuo etomikia, na gaa mbusa'ake. ²¹ Baobika ka Kapernaumu, ka Sabato, Yeso aoga ka sinagogi na fundisa. ²² Baoyayama na mafundiso nake, kanyongoo ayatuo efundisa ubate n'kpa ne ana bokota n'na ubate baandeki. ²³ Saa no mogaa mochi aya tu na bayoya subia sinagogi aotata, ²⁴ aogea, " Bekogii kema sina, Yeso Munazaleti? Obiki mae koso uja? Neubi one ani. One Motakatifo a Mokonga!" ²⁵ Yeso aon'yongaga amandaima na gea, " Dakana na toka subiake!" ²⁶ Amandaima aon'maka kaod'o na toka subi'ake na tata na eso angbo. ²⁷ Bakpa bobu baoyayama, baolaba sisabo, " Kema sina ne? Mafundiso a mopia na bokota! Aoyonga mutaa bayoya na oka'ake!" ²⁸ Mbino'ake aofhanjekana oma buli subia mosomba a Galilaya. ²⁹ Kisa toka'ake ka sinagogi, baobika kenju a Simoni na Andele, oma imochi na Yakobo na Yoani. ³⁰ Nyamoto'ake na Simoni ayatu na ngobo a koa, baon'ngodea Yeso guake. ³¹ Aobika, aon'mamisa, koaga no aon'toka, aokpanga etomikia. ³² Ogogo no kisa kengetana a mani, baobika mutake na bakpa asii buno bayatu na ngobo na buno bayatu na baamandaima. ³³ N'nji bui baya dondani kiso a n'pome. ³⁴ Ao efhondisa bakpa asii buno bayatu na ngobo na kukwa aotokisa bayoya, alakini kaya kondi'ake bayoya bayonge kanyongoo baya muubi. ³⁵ Aotoka kan'bimba ka kadifhio; aotoka na gaa oma mochi sisake ao mema fua. ³⁶ Simoni na buno bayatu naye baon'kabaga. ³⁷ Baon'donda na n'ngodea, Kila n'kpa aoko kaba." ³⁸ Aogea, " Begeeni oma angboo, ka nji a bibi, ka gea neubilie fua. Ane kanyongo ne aange nebiki moni." ³⁹ Aoga kanyenea Galilaya buli, na ubilia subia sinagogi nabo na tokisa bayoya. ⁴⁰ N'kpa mochi a sulu aobika mutake. Aon'dengemisa; aobheta moan'kuu aon'ngodea, " Kabe okondi, oenei omosokose." ⁴¹ Aon'kui ngomi, Yeso aosakua njaga nake aon'ndunga aon'ngodea, " Nekondi. Bha anja." ⁴² Mala imochi sulu aon'toka, aob'a anja. ⁴³ Yeso aon' engefhisa na n'tokisa. ⁴⁴ Aon'ngodea, kongodee mbe n'kpa kema, alakini gaa nako mutaa bakoani, ebofha egabo a sokosa sulu n'ne Musa ayagii, ubate usuudha mutab'o. ⁴⁵ Alakini aoga na kpanga laba kanga tea na fhanja yonga, asii bene yeso kaya toki'ake angie ka mosomba sua mani alakini aojiga oma ne n'nao onekana. Bakpa bayatuo bika mutake toka oma asii.