Ao ebofana komi na ibee oma imochi ao ebofa bokpekpe na bokota a tokisa ba amandiama buli na fhondisa ngobo. ² Ao eteka ka ubilia bwame a Mokonga na fhondisa basambi. ³ Ao engodea, " Boko bede mbe kema ka tamba nanu, tafho omuno, tafho njombi, tafho n'bako, tafho bangoa tafho ngombe. ⁴ Enju bubuli n'nde bongia ku kao, jigani fua mopake beno bodjaku. ⁵ Oma buli n'ne baka nosesea ku, saa ne bootkoka ka mosomba, titi'ani ebundu a echinji nanu ubate usuud'a butaab'o." ⁶ Bene boatoka baoga ka njia asii bao fundisa enjili na fhondisa oma buli. ⁷ Mwame Herode ao oka kema buli n'ne ayatu o nyena, ao sangekana, kanyongoo n'kpa mochi ayagii geae Yoani afufuki, ⁸ buna'angboo baogea gea ane Elia ambe a seneki, buna'angboo mochi a ban'nabi a kalaa n'mbe afufuki. ⁹ Herode aogea, " Neye teni moo a Yoani. Eke ne neo oka kanyongo nyongo namuna ne?" Bene aokengea a moone. ¹⁰ Saa ne bagoigi baya dji, boan'ngodea kema bulin'nde bayagii. Ao eboa, baoga mbamba ka mosomba ne baofhani Betesaida. ¹¹ Saa ne n'kidi aya oki bene, baoga mbusa'ake. Ao esesea ao engodea kanyongo a bwame a Mokonga, ao efhondisa buno bayatu na siki a fhonda. ¹² Saa ne esa ayatu bibi na njia, buno komi na ibee baobika mutaake baogea, " Eteka bakpa bagee kanjia ne abibia mosomba bakabe elea kanyongo be iki moni dhanga na nji." ¹³ Alakini ao engodea, " Ebofhani kema a lea." Baogea, " Betondo na gbutuka itano a n'bako na bisoko ibee, ao begee besombe alea kanyongo a bakpa bobu." ¹⁴ (Bayatu bibi'a bok'o elefu itano.) Ao engodea bagoigi, " Ao engodea, " Eikisani ka n'tunduko a makomi itano." ¹⁵ Beogea bene, bao ikisa bakpa kaod'o. ¹⁶ Ao bedha gbutuka itano a n'bako na bisoko ibee, ao lenga kegoo, ao fholea kalamo kao ao buna u gbutuka gbutuka ao ebofha bagoigi ka gabai mutaa n'kindi. ¹⁷ Bobu baolea na kuta, na n'ne aya jigi bao bonyea djo kumi na ibee a gbutuka gbutuka. ¹⁸ Saa ne Yeso ayatuo mema sisake, ayatu na bagoigi nake. Ao ebuisia, aogea, " Bakpa ne bagii nene ani?" ¹⁹ Baon'jibua, "Yoani mobatizi. Alakini buna'angboo baogea Elia, na buna'angboo mochi a ban'nabi a kala afufuki." ²⁰ Eyeo engodea, "Alakini benu bogii nene ani?" Petele aojibua, "Klisto a Mokonga." ²¹ Alakini ao engodea na eonisa geae bakan'ngodee mbe n'kpa, ²² aogea," Muna N'kpa aopasa ateseke namuna asii na n'maka'ake mutaa bafhomi na bakota a bakoani na baandeki, na ola'ake esa a isalo afufukaae." ²³ Ao engodea bobu, " Kabe n'kpa aokonda abike mutamo, baopasa ejya sisake na kumba mosalaba nake esa buli aomobea. ²⁴ N'mbe aokonda alamise maisa nake abungisaae u, alakini n'mbo aobungisa maisa nake kanyongo'ani alamisaae u. ²⁵ Faidha sina muta n'kpa ka pata mokonda buli na bungisa u ao bunga sisakke? ²⁶ N'mbo amokuliaae soni na Yonga namo, na Muna N'kpa an'kuliaae soni saa ne abikaae ka bodoko na bodoko a Abe na ba malaika motakatifo. ²⁷ Alakini neno ngodei dhoni, bakpa asii bamami moni bune baka kengee ku kukua mosa baona bwame a Mokonga." ²⁸ Bibi'a matu monane bene kisa Yeso laba yonga ne, aon'boa Petele na Yoani na Yakobo baodafha ka mamba ka mema. ²⁹ Bene ayatuo mema, edondo nake ao galekana, ngombe nake ao lola anjee. ³⁰ Lenga, booko ibee bayatuo laba naye, Musa na Elia, ³¹ bune baya onekani ka bodoko, bao yonga naye kanyongo a gaa nake, n'ne anyenekanaae ka Yelusalema. ³² Petele na bune bayatu naye iso nabo ayatu adokoo na too, alakini saa ne baya jujuki, baya oni bodoko nake na boko ibee bamami naye. ³³ Baoga danga a Yeso, Petele aon'ngodea, "Mwalimo, ane anja beike moni. Befheke n'tua isalo, n'nako mochi, mochi a Musa na mochi a Elia." (Ketuo uba n'ne ayatuo yonga.) ³⁴ Bene ayatuo yonga bene, ebundu mochi aobika koe bumba, bao sokanaga bene bayangi subia ebundu. ³⁵ Eso mochi ao toka subia ebundu, aogea," N'mbe ane michi'omo, n'mbe neyen'sombu; mookani." Saane eso aya labi, Yeso ao onekana sisake. Bao dakana aoyonga bakangodee mbe n'kpa kema ka matu noo n'ne bayaoni. ³⁷ Mama nosi saa ne bayodidi ka toka ka mamba, ao dondana na n'kindi angbo. ³⁸ Lenga, moko mochi ka n'kindi ao koga, aogea,"Mwalimo, kadengadenga moonjeanmichi'omo, kanyongo ato n'mbo mochi. Ooni, loo mochi anchakamei na mala imochi oa tata; ao n'kakamisa na fulu aon'toka kafhenoko. Aakpa ka toka subi'ake na aon'buna ajede. ⁴⁰ Neto edengemisi banafunji nako ban'tokise subia'ke, alakini baka toki'ake." ⁴¹ Yeso aon'jibua aogea, " Bakpa a kanga belekea obokoti ajede, neikaae na benu mopaka saa sina na dungana na benu?" ⁴² Saa ne moganda no ayayo bika, n'yoya ao n'maka ka od'o aon'tibaga na kakamisa'ake. Alakini Yeso ao n'tombokea loo ajede ao n'fhondisa moganda, aonjisa muta abake. ⁴³ Bobu bao yayama ka bongbongbo a Mokonga. Saa ne bobu batuo yayama ka kema buli n'ne atuo nyena, ao engodea banafunji nake, ⁴⁴ "Yonga ne andie ka kechue nanu: Ban'sombiaae Muna N'kpa ka njaga a booko." ⁴⁵ Alakini bakaya ubi'ake bolabi ne. Aya somiami muta'abo, kanga uba maana li na saa no baotea uisi'ake kanyongo a bolabi no. ⁴⁶ Baokpanga uisiana sisabo ambe ani n'mbe aenei abe n'gbega. ⁴⁷ Alakini, bene Yeso ayaubi mawazo a meema nabo, aon'boa michi aboa an'bisa n'chi nake ⁴⁸ ao engodea, " N'kpa buli n'mbe an'sesei michi ki'ina namo, ao sesei, na n'mbo ao sesei, an'sesei n'mbo ayamoteki. Kanyongo n'mbo aaboa subianu bobu ane n'mbo ane gbega." ⁴⁹ Yoani ao jibua, "Mwalimo, beto mooni n'kpa mochi aotokisa bayoya kina'ako, beon'feea kanyongoo n'naake dasu." ⁵⁰ Yeso aogea "bokonfee mbe mono" kanyongoo n'mbo n'naono manisa ane mutanu." ⁵¹ Saa ne esa ayatu bibi an'dunga, aobisa endondo nake n'chi a Yelusalema. ⁵² Ao eteka batomi mbino mosa'ake, baoga baongia ka nji Samalia ka bongisei'ake kema bubuli. ⁵³ Alakini bakpa bakaya n'seseiake kanyongoo aya bisi endondo nake n'chi na Yelusalema. ⁵⁴ Saa ne banafunji Yakobo na Yoani baya oni bene, bao gea, " Bosomwa, ookonda beofhane insa katoka kegoo batinde bobu?" ⁵⁵ Ao enjea mbusa ao etombokea, ⁵⁶ baoga kanjia angboo. ⁵⁷ Bene bayatuoga ka afhe, n'kpa mochi ao n'ngodea, " Neko beae oma buli ne ogee." ⁵⁸ Yeso aon'ngodea, " Bantingi bana kubu, na bambuu a kegoo bana liib'o, alakini Muna N'kpa n'na na oma abisa moo nake." ⁵⁹ Aon'ngodea ongboo, "Omo bee." Alakini aogea, "Bosomwa, deketa fho negee ne muumbe abe musa." ⁶⁰ Alakini aon'ngodea, "Deketa baku baumbe baku nabo. Alakini obe, gaa olabe danga na oma buli bwame a Mokonga." ⁶¹ N'kpa ongboo goto aogea, " Neko beaae, Bosomwa, alakini modeketa fho negee na age bakpa a kenju namo." ⁶² Yeso aon'jibua, " N'mbe ao bisa jaga nake ka pupua na lenga mbusa kaenei'ake na bwame a Mokonga."